1 Korente 10:14 - MUKANDA WA MYIDI MUKULU

¹⁴ Nanku, balunda banyi bananga, lekelayi kutendelela mvidie.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nunku, bananga banyi, nyemai kutendelela kua mpingu.

1 Korente 10:14 ပူးပေါင်းရင်းမြစ်များ

Bienzedi 15:20

Kadi tubafundile mukanda, tubambile ne: kanudi minyinyi ya nyama ivuabu balambule nwidie, bualu idi ne mikiya; nulekele buendenda; kanudi minyinyi ya nyama mishipa kayiyi mipatule mashi, nansha mashi mene.

Rome 12:19

Balunda banyi, kanudisombuedi. Kadi nuanyishe amu bua Mvidi Mukulu aleje bantu tshiji tshiende. Bualu Mukanda wa tshijila udi wamba ne: “Meme Maweja-Nangila, nensombuele. Nembapingajile bubi buvuabu benze.”

1 Korente 10:15

Nudi bantu ba lungenyi. Jingululayi bindi ngamba ebi.

1 Korente 10:19

Nudi nuela meji ne: pandi ngamba nanku, ndi ngangata mvidie, nansha munyinyi udibu balambula mvidie, ne mushinga anyi?

1 Korente 10:7

kabidi bua kanutendeledi mvidie, muvua bamue ba kudibu benze. Mukanda wa tshijila udi wamba ne: “Bantu aba kusomba mu tshibilu bua kudia ne kunua; pashishe kujukabu bua kuenza malu mabi.”

1 Korente 5:11

Mvua musue kunuambila ne: kanubuelakanyi ne muntu udi udiamba ne: ndi ndonda Kristu, kadi muikale muenji wa malu a bundu, muena lukuka lua biuma, mutendeledi wa mvidie, munyangi walumu lua bende, mukuatshiki wa maluvu, nansha muivi. Nansha bua kudia ne muntu wa nanku, kanudi nende to.

2 Korente 11:11

Ndi muambe nanku bua tshinyi? Bualu tshiena mununange anyi? Mvidi Mukulu mmumanye mundi mununange!

2 Korente 12:15

Ndi njinga kufila bionsu bindi nabi ne disanka bualu buenu. Nendifile ne meme mene bua kunuambuluisha. Kadi dinnanga dienu nedikepele, padi dinunanga dianyi dienda divulangana anyi?

2 Korente 12:19

Bumue nukadi nuela meji mpindiewu ne: Polu udi ukeba kudilumbuluila ku mesu etu. Nansha kakese! Tudi tudilumbuluila ku mesu a Mvidi Mukulu, badisange ne Kristu! Bana hetu basuibue, tudi tunuambila bionsu abi, bua nuenu kushindama, kuya kumpala mu ditaba.

2 Korente 6:17

Ke pavua Maweja-Nangila muambe kabidi ne: “Nudi ne bua kumuka kudi bantu abu, nuye kusomba wenu muaba pa nkayenu. Kanulengi tshintu tshidi ne mikiya. Nanku Meme nennuakidile.

2 Korente 7:1

Bana hetu basuibue, ke bivuabu batulaye tuetu. Nanku tudilongololayi, tumushe manyanu onsu adi pambidi, tuditokeshe kabidi mu muoyi wetu. Tuikale bantu ba tshijila menemene, badi benza bidi Mvidi Mukulu musue.

Filipe 4:1

Bana hetu basuibue, ke munudi mua kuikala bantu bashindame, badi badisanga ne Mfumu. Ndi njinga bikole kumonangana nenu. Nudi nunsankisha. Ndi nditemba kabidi bualu buenu.

Filemone 1:1

Meme Polu, udi mubuele mu lukanu bualu mvua mukuatshile Yezu Kristu mudimu, pamue ne muanetu Timote, tudi tunutumina nuenu bonsu mukanda wetu ewu. Wewe Filemone, mulunda wetu, utudi tukuata nende mudimu,

Ebrewu 6:9

Kadi, bana hetu basuibue, nansha tuakula nanku, tudi batekemene bikole kunudi, bamanye ne: nudi nuenda mu njila muimpe wa lupandu.

1 Petro 2:11

Bana hetu basuibue, bu munudi benyi ne bena tshimuangi panu, ndi nnulomba ne: nudilame ku majinga a buntu buenu adi aluisha muoyi wenu wa kulu.

1 Yone 5:21

Bana banyi, kanubuelakanyi ne mvidie ya dishima!

Didimanyisha 13:8

Bantu bonsu ba pa buloba nebamukukuile. Ke bonsu bavuabu kabayi bafunde mena abu, mu mukanda wa muoyi katshia bafuka buloba; ke mukanda udi Muana wa mukoku udibu bashipe nawu.

Didimanyisha 2:14

Kadi bualu bundi nkudiwila, mpadi bamue ba kunudi bitabe dilongesha dia Balaame. Balaame uvua ulongesha Balake, bua asake bena Izrayele ku dienza bibi. Ke muyuabu badie minyinyi ya nyama milambula nwidie, benza kabidi malu a bundu.

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.

Didimanyisha 22:15

Kadi bantu badi batombokela Mvidi Mukulu, benza malu a majimbu, benza malu a bundu, bashipianganyi, batendeledi ba nwidie, ne bonsu badi bashimangana ku miaku nansha ku ngenzelu, kabakubuela mu tshimenga!