1 Korente 10:1 - MUKANDA WA MYIDI MUKULU

¹ Bana hetu, ndi musue bua nuvuluke bivua bienzekele bankambua hetu bayua baya ne Moshe. Divuba divua dibalama bonsu. Ke mutotabu basabuke mayi manene Makunze kakuyi bualu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bua tshiena musue nuenu nuhange kumanya, bana betu, ne, Bankambua betu bonso bakadi munshi mua ditutu, buonso buabo bakahita munkatshi mua mai manene;

1 Korente 10:1 ပူးပေါင်းရင်းမြစ်များ

Nehemya 9:19

Kadi nansha diba adi, bu mudi dinanga diebe kadiyi ndekelu, kuena mubalekele nkayabu mu tshipela. Kuvua mumushe divuba dia muinshi, divua dibaleja njila mu munya; nansha dikunji dia kapia, divua dibaleja njila butuku.

Misambu 105:39

Bua kubalama, Maweja-Nangila, kubabadila divuba dia muinshi, ne kapia bua kubatokeshila butuku.

Misambu 66:6

Uvua mupandile bantu njila mu mayi manene. Bantu kusabuka musulu ku makasa. Tusanke, tukatshile malu ende a dikema.

Misambu 78:53

Kubalombolaye mu ditalala kabayi ne bowa, baluishi babu mayi manene kubabuikila.

Ekesode 14:29

Kadi bena Izrayele bavua bapita munkatshi mua mayi manene ku makasa kume, mayi mimane bu tshimana ku dia balume, tshikuabu ku dia bakaji.

Ekesode 40:34

Diba adi divuba divua dibuikila ntenta wa kusambakena. Butumbi bua Maweja-Nangila kuwulabu muaba wa tshijila.

Dibadika 14:14

Bena Ejipitu mbamane kulondela bena Kenaane malu aa. Nanku bena Kenaane mbamane kumvua muudi wewe Maweja-Nangila wenda ne tshisamba tshiebe tshia bena Izrayele, umonangana nabu mpala ne mpala. Badi bamanye muudi ubalama, bualu mu munya udi wenda kumpala kuabu mu divuba, butuku mu tshimunyi tshia kapia.

Dibadika 33:8

Bumuka mu Pi-Ahirote, kusabukabu mayi manene, kufikabu mu tshipela. Kuendabu matuku asatu mu tshipela atshi tshia Etame, kufikabu ku Mara.

Yowanane 4:20

Bankambua betu ba bena Samariya bavua batendelela Mvidi Mukulu pa mukuna ewu. Kadi nuenu bena Yuda, nudi nuamba ne: muaba udibu mua kutendelela Mvidi Mukulu udi amu mu Yerushalayime.

Rome 1:13

Bana hetu, ndi musue mmanye ne: mvua mujadike misangu ne misangu bua kufika kuenu aku. Kadi too ne lelu bavua amu bampumbishe. Mvua mujinge bua mudimu undi nkuata upete tshipeta ne kuenu kabidi, bu mudiwu wenda udiunda mu matunga makuabu a pa buloba.

Rome 11:21

Bualu pavua Mvidi Mukulu mukose bena Yuda, matamba avua muaba wawu ku mutshi wa olive uvuabu bakune mu budimi, kena mua kukukosa ne wewe kabidi anyi?

Rome 4:11

Kunyima kua matuku mavule bakateka Abrahame panshi, bua bikale bu tshimanyinu tshidi tshileja ne: Mvidi Mukulu mmumutue tshitampi, bualu mmumubingishe amu bua ditaba, pavuabu kabayi banji kumuteka panshi. Nenku Abrahame udi tatu wa bantu bonsu badi bitaba Mvidi Mukulu, nansha kabayi babateka panshi, kabidi badi Mvidi Mukulu ubingisha.

1 Korente 12:1

Ndi ngandamuna mpindiewu ku nkonku inuvua bangele bua bidi bitangila mapa a kudi Mueyelu wa Tshijila. Bana hetu, ndi musue bua nujingulule bimpe mudi mapa aa.

1 Korente 14:38

Kadi padiye kayi ubiangata ne mushinga, kanumuangatshi ne mushinga to.

Ngalate 3:29

Nanku panudi bantu ba Kristu, nudi ndelanganyi ya Abrahame. Nenupete bivua Mvidi Mukulu mulaye.

Dielulula 1:33

Kadi Yeye ke uvua munudianjidile mu njila, bua kunukebela muaba wa kuasa mitanda. Nanku butuku uvua nenu mu tshikutu tshia kapia tshivua tshinutokeshila njila, mu munya uvua nenu mu divuba.

Ebrewu 11:29

Amu bua ditaba diabu, bena Izrayele kusabuka Mayi manene makunze bu mudibu benda mu buloba buume. Kadi pavua bena Ejipitu batete mua kusabuka, kudinabu mu mayi.

Yoshua 4:23

Maweja-Nangila Mvidi Mukulu wenu uvua mumishe mayi a musulu wa Yardene bua nusabuke, bu nuwuaye mumishe bualu buenu Mayi manene makunze.