1 Korente 1:9 - MUKANDA WA MYIDI MUKULU

⁹ Mvidi Mukulu uvua munubikile, bua nuenu kudisanga ne Muanende Mfumu wetu Yezu Kristu mu nsombelu wenu mujima, udi ukumbaja bionsu bidiye ulaya.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nzambi udi wa kueyemena, yeye nguakanubikila mu buobumue bua Muana wandi Yesu Kilisto Mukelenge wetu.

1 Korente 1:9 ပူးပေါင်းရင်းမြစ်များ

Misambu 100:5

Bualu Maweja-Nangila udi ne malu makane, dinanga diende kadiena ne ndekelu, bulelela buende budi bushala bikondu bionsu.

Yeshaya 11:5

Bu mudi muntu ne mukaba musuike mu tshimonu diba dionsu, udi ne muoyi umue, wenza amu bidi bimpe kayi ulekela.

Yeshaya 25:1

Maweja-Nangila, wewe ke Mvidi Mukulu wanyi. Ndi musue kutumbisha bunene buebe, kumanyisha bantu lumu luebe. Bualu wewe uvua muenze bia dikema. Biuvua mujadike kale, udi mubikumbaje bionsu bungi buabi.

Yeshaya 49:7

Maweja-Nangila, wa tshijila wa bena Izrayele, udi mudiangatshile mu bianza tshilumbu tshia tshisamba tshiende. Mpindiewu, wewe udibu bapepeja, udibu badiombola, udi mupika wa bakalenga ba tshikisu, Maweja-Nangila udi ukuambila ne: “Pamona bakalenga muudi mupatuke mu bupika, nebajuke mu nkuasa yabu. Balombodi ba matunga pamonabu, nebadiele panshi bua kukunemekela.” Nebaleje mudibu banemeka Maweja-Nangila, wa tshijila wa Izrayele. Bualu yeye uvua mukusungule, udi ukumbaja kabidi bivuaye mulaye.

Dibadika 23:19

Mvidi Mukulu kena muntu, kena ushima! Kena muana wa Adame, kena ushintulula meji ende. Udi wenza amu mudiye wamba. Udi ukumbaja bionsu bidiye ulaya.

Matayi 24:35

Diulu ne buloba nebijimine. Kadi miaku yanyi kashidi kayena ijimina to.

Yowanane 17:21

Ndi ntendelela bua bonsu benze tshintu tshimue. Tatu, benze tshintu tshimue netu, muudi wewe munda muanyi, meme munda muebe. Benze tshintu tshimue bua ba pa buloba bitabe ne: wewe uvua muntume.

Rome 11:17

Bena Izrayele badi bu mutshi wa olive, udibu balame mu budimi. Kukosabu matamba makuabu a mutshi awu. Wewe muntu wa ku bisamba bikuabu, udi bu ditamba dia mutshi wa olive uvua muitu. Wewe ke ditamba divuabu bakose ku mutshi wa olive awu, bua kudilamika ku mutshi wa olive uvuabu balame mu budimi, pa muaba wa matamba avuabu bakose. Ditamba adi mpindiewu didi dinua mayi ku miji ya mutshi uvuabu bakune mu budimi.

Rome 8:28

Tudi bamanye ne: Mvidi Mukulu udi ukuata mudimu mu bionsu, bua bilengelele badi bamunanga, bavuaye mubikile bilondeshile meji ende.

Rome 8:30

Bavua Mvidi Mukulu mudianze kusungula, uvua mubabikile kabidi. Bavuaye mubikile, ukavua mumane kubabingisha kabidi ku mesu kuende. Bavuaye mumane kuhingisha, mmubabueje kabidi mu butumbi buende.

Rome 9:24

Bualu tuetu ke bantu badiye mubikile. Ki mmutubikile amu munkatshi mua bena Yuda nkayabu nansha, kadi kabidi munkatshi mua bantu ba bisamba bikuabu.

1 Korente 1:30

Kadi Mvidi Mukulu mmunusange ne Yezu Kristu. mMuenze Kristu meji etu. Kristu udi utubingisha kumpala kua Mvidi Mukulu, utuenza bantu bende ba tshijila, utupikula kabidi ku bubi.

1 Korente 10:13

Bualu matetshibua onsu anuvua nawu, ke adibu bateta nawu bantu misangu yonsu. Mvidi Mukulu udi ukumbaja malaya ende. Kakuanyisha bua matetshibua anupite bukole. Kadi diba didibu banuteta, yeye neanupe bukole bua kutua nkanana, kabidi bua kupatuka nabu mu matetshibua.

1 Korente 10:16

Vulukayi dikopu ditudi tuela nadi Mvidi Mukulu tuasakidila, tumutumbisha. Patudi tunuinamu, katuena tudisanga ne mashi a Kristu anyi? Vulukayi diampa ditudi tukosa, diabanyangana. Patudi tudidia, katuena tudisanga ne mubidi wa Kristu anyi?

2 Korente 1:18

Mvidi Mukulu, udi ne diyi dimue, udi mua kujadika ne: tshiena mua kumulaya bualu mukana, kububenga munda.

Ngalate 1:15

Kadi bu mudi Mvidi Mukulu munnange, ukavua mudianze kunsungula, kabayi banji kundela, bua meme kumukuatshila mudimu.

Ngalate 2:20

Nanku udi ne muoyi ki mmeme to. Kadi Kristu udi ne muoyi munda muanyi. Muoyi undi nawu mpindiewu panu, ndi nawu, bualu ndi ngitaba Muana wa Mvidi Mukulu, uvua munnange, mufue kabidi bualu buanyi.

Efeze 3:6

Bualu busokome ebu budi nenku: ku bukole bua Lumu lua Disanka, bantu ba bisamba bikuabu nebapete pamue ne bena Yuda bilenga bidi Mvidi Mukulu mulamine bantu bende. Bonsu badi bidimba bia mubidi umue. Nebapete bonsu pamue bidi Mvidi Mukulu utulaya munda mua Yezu Kristu.

Dielulula 32:4

Maweja-Nangila udi ne bukole bu lubuebue. Bionsu bidiye wenza, bidi bimpe. Bidiye wamba, bidi bilelela. Bidiye ulaya, udi ubikumbaja. Udi wenza amu malu mimpe.

Dielulula 7:9

Nuenu bena Izrayele, numanye ne: Maweja-Nangila Mvidi Mukulu wenu nkayende ke Mvidi Mukulu wa bushiwa. Yeye udi ulama ndondu wende too ne ku ndelanganyi tshinunu. Udi unanga amu kunanga bantu bonsu badi bamunanga, bamutumikila.

Kolose 1:24

Mpindiewu ndi nsanka bua makenga adi mankuate bualu buenu. Bualu ku makenga anyi, ndi nkumbaja makenga adi Kristu kayi muanji kumvua bua mubidi wende, momumue ne bua Tshisumbu tshia bena ditaba.

1 Tesalonike 2:12

Tuvua banukoleshe mu maboku, banubele. Tuvua banusengelele bikole, bua nuenze amu bidi Mvidi Mukulu musue. Yeye udi unubikila, bua nupete butumbi mu Bukalenga buende.

2 Tesalonike 2:14

Bualu bua Lumu lua Disanka lutuvua banumanyishe, Mvidi Mukulu mmunubikile, bua nupete penu butumbi bua Mfumu wetu Yezu Kristu.

2 Tesalonike 3:3

Kadi Mfumu udi muena diyi dimue. Neanupe bukole. Neanuepule kudi Muena bubi.

2 Timote 1:9

Yeye ke udi mutusungidile, mutubikile bua tuikale bantu bende, kabiyi bua midimu mimpe ituvua benze, kadi amu mukavuaye mumane kubilongolola ku luse luende. Uvua mutupe dipa edi mu Yezu Kristu, kabayi banji kufuka bintu.

2 Timote 2:13

Bituamubenga, Yeye neatunange, bualu kena mua kudivila muende mudiye.”

Tite 1:2

Ke mudibu mua kutekemena muoyi wa kashidi, udi Mvidi Mukulu, udi kayi ushima, mudianze kutulaya kumpala kua bidimu bionsu.

Ebrewu 10:23

Tulame bimpe ditekemena ditudi tuamba, bualu tudi bajadike ne: Mvidi Mukulu neakumbaje bivuaye mulaye.

Ebrewu 11:11

Amu bua ditaba, Abrahame kupeta bukole bua kulela, nansha mukavuaye mukulakaje. Sara kabidi kavua mua kulela to. Abrahame uvua mushindike ne: Mvidi Mukulu neakumbaje bivuaye mulaye.

Ebrewu 2:17

Ke patataye ne bua kufuanangana ne bana babu ku malu onsu, bua kuikalaye mutuangaji wabu munene, udi ne luse lua bungi, kabidi udi Mvidi Mukulu wanyisha, bua amone mua kujimija mibi ya bantu.

Ebrewu 3:1

Nanku, bana hetu bena ditaba, nuenu batata Mvidi Mukulu mubikile kabidi, nutangile Yezu utata Mvidi Mukulu mutume bua kuikalaye mutuangaji munene utudi tutonda mu ditaba dietu.

Ebrewu 3:14

Bualu tudi tuenda pamue ne Kristu mu njila, patudi tulama ne muoyi umue ditekemena dietu dia ku tshibangidilu too ne ku ndekelu.

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.

1 Petro 5:10

Mvidi Mukulu mmunubikile bua nudisange nende mu butumbi buende bua kashidi, panudi nudisanga ne Kristu. Nanku nuenu bamane kukenga tshitupa tshikese, Mvidi Mukulu, mpokolu wa dinanga dionsu, neanuenze bantu ba tshijila. Neanushindike, anukoleshe bua kanutenkakanyi.

1 Yone 1:3

Bituvua bamone, bituvua bumvue, tudi tunumanyishabi ne nuenu kabidi, bua nudisange netu mu bobumue butudi nabu ne Tatu, kabidi ne Muanende Yezu Kristu.

1 Yone 1:7

Kadi tuetu bende mu butoke, mudi Mvidi Mukulu mu butoke, nanku bonsu tudi tuenza tshintu tshimue, kabidi mashi a Yezu, Muanende, adi atupikula ku bubi buonsu.

1 Yone 4:13

Tuetu tudi bamanye ne: Mvidi Mukulu udi ushala munda muetu, ne tuetu kabidi tudi tushala munda muende, mushindu ewu: Mvidi Mukulu mmutupe Mueyelu wende.

Didimanyisha 19:11

Pashishe meme kumona diulu diunzuluka, kabalu katoke kamuenekamu. Udi mubandepu badi bamuinyika: Wa diyi dimue, Wa malu malelela; udi ukosa nsambu pa yoyi, uluangana mvita amu pa bualu.