1 Korente 1:2 - MUKANDA WA MYIDI MUKULU

² tudi tunufundila, nuenu bena Tshisumbu tshia bena ditaba tshia Mvidi Mukulu badi mu Korente, mukanda ewu. Tudi tunuela muoyi nuenu bonsu badi Mvidi Mukulu mubikile, bua nuikale bende, nuikale kabidi bantu ba tshijila, panudi nudisanga ne Yezu Kristu. Mukanda ewu mmufundila kabidi bantu bonsu ba miaba yonsu badi bitaba Yezu Kristu, udi Mfumu wabu, ne wetu kabidi.

Mukanda wa Nzambi Dihungila Dikulukulu ne Dihungila Dihia-dihia 2003

² tudi tufunda mei kudi bena ekelesia ba Nzambi badi mu Kolinto, bajidibue mu Kilisto Yesu, babikidibue bua kuikalabo basanto, ne kudi bonso badi babikila dina dia Mukelenge Yesu Kilisto mu muaba wonso, Mukelenge wabo ne wetu kabidi.

1 Korente 1:2 ပူးပေါင်းရင်းမြစ်များ

Genese 12:8

Abrame umbuka aku, kuyaye ku mikuna ivua ku dia balume dia tshimenga tshia Betele. Kuasaye mitanda yende pankatshi pa Betele ne Ayi. Betele uvua ku luseke ludi diba dibuelela, Ayi ku luseke ludi diba dipatukila. Muaba awu kuenzaye tshilambuilu tshikuabu, utendelela Mvidi Mukulu, utela dina dia Maweja-Nangila.

Genese 4:26

Shete kulela muana wa balume, kumuinyika dina dia Enoshe. Tshikondu atshi ke tshivua bantu batuadija kutendelela Mvidi Mukulu, batela dina dia Maweja-Nangila.

Misambu 45:11

Muananyi wa bakaji, teleja, uvuluke bimpe mundi ngamba: Vulamina ditunga dienu ne bana benu.

Bienzedi 10:36

Nudi bamanye Lumu lua Disanka ludi Mvidi Mukulu mumanyishe bena Izrayele. mMubambile ne: nenupete bupole kudi Yezu Kristu, Mfumu wa bantu bonsu.

Bienzedi 15:9

mMumushe kansungasunga konsu munkatshi muetu nabu. Ke padiye mujimije mibi yabu, bualu bavua bitaba.

Bienzedi 18:1

Pashishe Polu kumuka mu Atene, kuya mu Korente.

Bienzedi 22:16

Kadi mpindiewu tshiudi windila kabidi ntshinyi? Jukaku, bakutue mu mayi, utonde mu dina dia Yezu, bua mibi yebe ijimine.”

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

Bienzedi 9:13

Ananiyase kuandamuna ne: — Mfumu, bantu ba bungi bavua batela muntu awu, bangambila malu mabi onsu avuaye wenzela bantu bebe mu Yerushalayime.

Bienzedi 9:14

mMufike munu ne bukenji bua kudi batuangaji banene, bua kukuata bonsu badi bitaba dina diebe.

Bienzedi 9:21

Bonsu bavua bamuteleja bavua bakema, bamba ne: — Uvua ukengesha bikole bantu bavua bitaba dina dia Yezu mu Yerushalayime, ki mmuntu ewu anyi? Ki mmufike apa bua kukuata bantu, kubafila kudi bamfumu ba batuangaji anyi?

Rome 1:7

Nuenu bonsu badi mu Rome, badi Mvidi Mukulu unanga, badiye mubikile bua nuikale bende ba tshijila, ndi nnutumina mukanda ewu. Dinanga ne bupole bia kudi Mvidi Mukulu Tatu wetu, ne bia kudi Mfumu Yezu Kristu, bishindame munda muenu.

Rome 10:12

Nanku kakuena dishilangana pankatshi pa bena Yuda ne bantu ba bisamba bikuabu. Bonsu badi ne Mfumu wa momumue, udi upesha bonsu badi bamubikila bilenga biende.

Rome 3:22

Mvidi Mukulu udi ubingisha bantu kumpala kuende amu bua ditaba diabu mu Yezu Kristu. Bonsu badi bitaba Yezu Kristu, udi ubenzela nanku, bualu bonsu badi mushindu umue.

Rome 8:28

Tudi bamanye ne: Mvidi Mukulu udi ukuata mudimu mu bionsu, bua bilengelele badi bamunanga, bavuaye mubikile bilondeshile meji ende.

1 Korente 1:30

Kadi Mvidi Mukulu mmunusange ne Yezu Kristu. mMuenze Kristu meji etu. Kristu udi utubingisha kumpala kua Mvidi Mukulu, utuenza bantu bende ba tshijila, utupikula kabidi ku bubi.

1 Korente 10:32

Kadi kanulenduishi nansha muena Yuda, nansha muntu wa mu tshisamba tshikuabu, nansha Tshisumbu tshia bena ditaba.

1 Korente 12:27

Nuenu bonsu nudi mubidi, wa Kristu. Yonsu wa kunudi udi tshidimba tshiawu.

1 Korente 8:6

Kadi buetu tuetu kudi Mvidi Mukulu amu umuepele, Tatu, Mufuki wa bionsu. Tudi ne muoyi panu, bua kuya kudiye. Kudi kabidi Mfumu umuepele, Yezu Kristu. Bionsu bidiku ku bukole buende. Tudi bapete muoyi amu kudiye.

2 Korente 1:1

Meme Polu, uvua Mvidi Mukulu musungule, bua ngikale mupostolu wa Yezu Kristu, pamue ne muanetu Timote, tudi mfundila Tshisumbu tshia bena ditaba badi mu Korente, ne bonsu bena tshisamba tshia Mvidi Mukulu badi basomba mu ditunga dijima dia Akaya, mukanda ewu.

2 Korente 4:5

Bualu patudi tulongesha, katuena tudimanyisha tuetu to. Tudi mmanyisha Yezu Kristu bu Mfumu. Tuetu tudi amu bantu badi banukuatshila mudimu ku disua diende.

Ngalate 1:2

Meme ne bana hetu bonsu badi kunu, tudi tunuela muoyi, nuenu badi mu Bisumbu bia bena ditaba bia mu Ngalate, tunujingila ne:

Efeze 5:26

Uvua muenze nanku bua tshikale Tshisumbu tshia bantu menemene ba Mvidi Mukulu. Uvua mutshisukule, mutshitue mu mayi, muambe muaku.

1 Tesalonike 1:1

Tuetu bonsu, Polu, Silase, ne Timote, tudi tunufundila mukanda ewu, nuenu bena ditaba ba mu Tesalonike, bantu ba Mvidi Mukulu Tatu, ne ba Mfumu Yezu Kristu. Dinanga ne bupole bishindame munda muenu.

1 Tesalonike 4:7

Mvidi Mukulu kena mutubikile bua tuikale bena tshiendenda, kadi amu bua tuikale bantu ba tshijila.

2 Tesalonike 1:1

Tuetu bonsu, Polu, Silase, ne Timote, tudi mfundila Tshisumbu tshia bena ditaba ba mu Tesalonike mukanda ewu, badi bantu ba Mvidi Mukulu Tatu wetu, ne ba Mfumu wetu Yezu Kristu.

1 Timote 2:8

Ndi musue nanku bua bantu balume batendelele Mvidi Mukulu miaba yonsu, bele bianza mulu, batendelele ne muoyi mutoke, kabayi ne tshiji, nansha matandu munda.

1 Timote 3:15

Kadi bu meme munengakane mutantshi, mukanda ewu neukumanyishe bidi bantu ne bua kuenza mu diku dia Mvidi Mukulu, mbuena kuamba ne: mu Tshisumbu tshia bantu badi bitaba Mvidi Mukulu wa muoyi, udi dikunji ne nshindamenu wa bulelela.

2 Timote 1:9

Yeye ke udi mutusungidile, mutubikile bua tuikale bantu bende, kabiyi bua midimu mimpe ituvua benze, kadi amu mukavuaye mumane kubilongolola ku luse luende. Uvua mutupe dipa edi mu Yezu Kristu, kabayi banji kufuka bintu.

2 Timote 2:19

Kadi tshitaku tshikole tshivua Mvidi Mukulu muase, kabena mua kutshinyungisha. Bavua bafundapu ne: “Mfumu udi mumanye bena diende.” mBafundepu kabidi ne: “Muntu yonsu udi wamba ne: ndi muntu wa Mvidi Mukulu, udi ne bua kulekela kuenza malu mabi.”

2 Timote 2:22

Epuka ku majinga mabi a mu bunsonga. Keba kuenza malu mimpe. Ikala ne ditaba, dinanga, ditalala. Udisange ne bonsu badi ne muoyi muimpe, batendelela Mfumu.

Ebrewu 10:10

Bu mudi Yezu Kristu mukumbaje tshivua Mvidi Mukulu musue, bavua batujimijila mibi, ku mulambu wa mubidi wende uvuaye mufile musangu umue bua kashidi.

Ebrewu 13:12

Ke pavua Yezu kabidi mufuile pa mpenga pa tshimenga, bua enze bena tshisamba tshiende bantu ba tshijila ku mashi ende.

Ebrewu 2:11

Yezu udi ulengeja bantu ku mibi yabu, ne bantu badiye ulengeja badi bonsu ne Tatu anu umue. Ke padi Yezu kayi umvua bundu bua kubabtkila ne: mbana hetu.

Yuda 1:1

Meme Yuda, muena mudimu wa Yezu Kristu, ne muanabu ne Yakobe, ndi mfundila bonsu badi Mvidi Mukulu mubikile, badiye Yeye Tatu wetu unanga, badi Yezu ulama bimpe, mukanda ewu.

Didimanyisha 19:16

Bavua bafunde pa muntumpu wende ne pa tshibelu tshiende dina diende ne: “Mukalenga mupite bakalenga bonsu, Mfumu mupite bamfumu bonsu.”