1 Korente 1:18 - MUKANDA WA MYIDI MUKULU

¹⁸ Bualu bantu badi kabayi benda mu njila wa lupandu, badi batangila dilongesha dia bualu bua lufu lua Kristu pa mutshi mutshiamakane, bu dilongesha dia bupale. Kadi bualu buetu tuetu badi benda mu njila awu, dilongesha adi didi bukole bua Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bualu bua kuamba bua mutshi mutshiamakane kudi bualu buhote kudi bantu batshidi bajimina; kadi kudi bukole bua Nzambi kudi tuetu batshidi basungidibua.

1 Korente 1:18 ပူးပေါင်းရင်းမြစ်များ

Bienzedi 13:41

“Nuenu bena kapeja, tangilayi! Zakalayi ne bowa, nubutuke! Bualu mu tshikondu tshienu etshi nkadi pa kuenza tshishima, tshidi muntu mua kunulondela, kanuyi mua kuitaba.”

Bienzedi 17:18

Bamue balongeshi ba mu tshisumbu tshia bena Epikure, ne ba mu tshisumbu tshia bena Stowa, bavua bayukila kabidi nende. Bamue bavua bamba ne: — Tshidi muena lubuakabuaka ewu musue kuamba ntshinyi? Kadi pavua bakuabu bumvua Polu ulongesha bantu malu a Yezu ne a dibiika, bavua bamba ne: — Bidi bimueneka ne: udi ulongesha malu a mvidie ya bantu ba bisamba bikuabu.

Bienzedi 17:32

Bumvua amu Polu wakula bua dibiika dia bafue, bamue bantu kumuseka. Kadi bakuabu kuamba ne: — Netuvue kukuteleja musangu mukuabu, bua upite kutuambila bualu ebu!

Bienzedi 2:47

Bavua batumbisha Mvidi Mukulu. Bantu bonsu bavua babanyisha. Dituku dionsu Mfumu uvua usakidila ku tshisumbu tshiabu bantu bavuaye musungile.

Rome 1:16

Nanku tshiena ne bowa pandi ndongesha Lumu lua Disanka. Bualu ludi bukole budi Mvidi Mukulu ukuata nabu mudimu, bua kusungidila bantu bonsu badi bitaba, kutuadija ne bena Yuda, pashishe ne bantu ba bisamba bikuabu.

1 Korente 1:21

Bualu Mvidi Mukulu mmuleje meji ende mu bionsu. Kadi bantu ne meji abu nkayabu kabavua mua kujingulula mudi Mvidi Mukulu. Ke padi Mvidi Mukulu musue kusungidila bena ditaba ku dilongesha dietu dia Lumu lua Disanka, nansha badiamba ne: ndia bupale.

1 Korente 15:2

Lumu alu ludi kutusungidila panudi nululama mushindu umvua munulongeshelu. Kanuyi benza nanku, nudi babuele mu njila wa ditaba anu patupu.

1 Korente 2:14

Muntu udi kayi ne Mueyelu wa Mvidi Mukulu, kena mua kuitaba malu malelela adi Mueyelu ewu utumanyisha. Neaatangile bu a bupale. Kena mua kuajingulula, bualu amu muntu udi ne Mueyelu, ke udi mua kuamanya.

1 Korente 2:2

Bualu pamvua nenu, tshivua musue kunumanyisha bunga bualu, amu Yezu Kristu, nangananga Yezu Kristu uvuabu bapopele pa mutshi mutshiamakane.

1 Korente 3:19

Bualu meji a panu adi bupale kumpala kua Mvidi Mukulu. Ke mudi Mukanda wa tshijila wamba ne: “Mvidi Mukulu udi ukuata bena meji mu buteyi bua budimu buabu.”

1 Korente 4:10

Tudi bantu bapale bualu bua Kristu, kadi nuenu nudi ne meji badisange ne Kristu. Tuetu katuena ne bukole, kadi nuenu nudi nabu. Badi batupenda, kadi nuenu badi banunemeka!

2 Korente 10:4

Bia mvita bitudi uluangana nabi, kabiena bia bantu ba panu. Kadi bidi bia mvita bikole bitudi bapete kudi Mvidi Mukulu, bitudi mua kubutula nabi nzubu ivuabu bakoleshe ne bimana. Tudi tu-vingutula nabi meji a dishima.

2 Korente 4:3

Bantu badi kabayi mua kumvua bimpe Lumu lua Disanka lutudi mmanyisha, ke amu bantu badi bajimina.

1 Tesalonike 1:5

Bualu katuvua banulongeshe Lumu lua Disanka anu ku mishiku patupu, kadi ne bukole kabidi. Mueyelu wa Tshijila uvua utuambuluisha. Ke mutuvua bajadike bulelela bua Lumu lua Disanka elu ne bukitu. Nudi bamanye mutuvua basombe munkatshi muenu, anu bua kunuenzela bimpe.

2 Tesalonike 2:10

Neakuate mudimu ne malu mabi a mishindu yonsu, bua kushima nawu bantu badi ne bua kujimina. Nebajimine, bualu kabavua bitabe, kabavua banange bulelela buvua mua kubasungidila.

Ebrewu 12:2

Tutangile Yezu, mfuki wa ditaba dietu, udi mua kudifikisha kabidi ku bujima buadi. Bua kupeta disanka divuabu bamulamine, kuitabaye bua bamushipe ku mutshi mutshiamakane, kayi umvua bundu bua lufu lua mushindu ewu. Mpindiewu udi musombe ku dia balume dia nkuasa wa butumbi wa Mvidi Mukulu.

Ebrewu 4:12

Bualu muaku wa Mvidi Mukulu udi muoyi kabidi ne bukole. Udi mutue mupite muele wa nkanza. Udi ubuela too ne muaba udi muoyi wa muntu ne mueyelu bipetangana, too ne muaba udi manungu ne bongu bua mu mifuba bilengangana. Udi upisha nansha ubingisha majinga ne meji adi mu muoyi wa muntu.