1 Korente 1:13 - MUKANDA WA MYIDI MUKULU

¹³ Kadi nudi nuela meji ne: Kristu mmukosolola mu bitupa anyi? Uvua munufuile pa mutshi mutshiamakane Polu anyi? Bayua banutue mu mayi mu dina dia Polu anyi?

Mukanda wa Nzambi Dihungila Dikulukulu ne Dihungila Dihia-dihia 2003

¹³ Kilisto udi mutahuluka, anyi? Paulo wakanufuila ha mutshi mutshiamakane, anyi? Nuakabatijibua mu dina dia Paulo, anyi?

1 Korente 1:13 ပူးပေါင်းရင်းမြစ်များ

Matayi 28:19

Nenku nuye kudi bantu ba bisamba bionsu. Nubenze balongi banyi. Nubatue mu mayi mu dina dia Tatu, dia Muana, ne dia Mueyelu wa Tshijila.

Matayi 3:6

Bantu abu bavua batonda mibi yabu, bantu bonsu bumvue. Nanku Yowanane uvua ubatua mu mayi a Yardene.

Bienzedi 10:48

Kutumaye diyi bua babatue mu mayi mu dina dia Yezu Kristu. Bantu abu kulomba Petro bua ashaleku nabu amue matuku.

Bienzedi 19:5

Bantu bumvua miaku ayi, kuanyishabu bua babatue mu mayi mu dina dia Mfumu Yezu.

Bienzedi 2:38

Ke Petro kubandamuna ne: — Nudilengeje. Batue yonsu wa kunudi mu mayi mu dina dia Yezu Kristu, bua Mvidi Mukulu anujimijile mibi yenu. Nanku nenupete dipa dia kudi Mvidi Mukulu, ke Mueyelu wa Tshijila.

Bienzedi 8:16

Bualu Mueyelu wa Tshijila kauvua muanji kupuekela nansha muntu umue. Kadi bavua babatua amu mu mayi mu dina dia Mfumu Yezu.

Rome 14:9

Bualu Kristu mmufue, mubike kabidi ku lufu, bua ikale Mfumu wa bafue ne wa badi ne muoyi.

1 Korente 1:15

Nanku muntu nansha umue kena mua kuditemba ne: mbantue mu mayi mu dina dia Polu.

1 Korente 10:2

Bu muvuabu bapitshile mu divuba ne mu mayi manene, mbamane kubatua bonsu mu mayi, bua bikale balongi ba Moshe.

2 Korente 11:4

Bualu nudi nuitaba pa lukasa muntu udi unulongesha Kristu mushilangane ne utuvua banulongeshe. Nudi basue kuakidila diakamue mueyelu mushilangane ne unuvua bapete, nuanyisha kabidi Lumu lua Disanka lushilangane ne lutuvua banulongeshe.

Ngalate 1:7

Bushuwa, kakuena Lumu lua Disanka lukuabu nansha! Kudi amu bantu bakuabu badi banudinga, basue kushintulula Lumu lua Disanka lua Kristu.

Efeze 4:5

Mfumu udi umue, ditaba didi dimue, kutua kua bantu mu mayi kudi kumue.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.