1 Korente 1:12 - MUKANDA WA MYIDI MUKULU

¹² Nudi bamanye tshindi musue kuamba. Yonsu wa kunudi udi wamba muende munga, yonsu wende mushindu. Ewu ne: “Ndi ndonda Polu”; mukuabu ne: “Ndi ndonda Apolose”; mukuabu ne: “Meme amu Petro”; wawakabidi ne: “Meme amu Kristu.”

Mukanda wa Nzambi Dihungila Dikulukulu ne Dihungila Dihia-dihia 2003

¹² Ndi ngamba nunku ne, Muntu ne muntu wa munkatshi muenu udi wamba ne, Meme ndi wa Paulo; meme ndi wa Apolo; meme ndi wa Kefa; meme ndi wa Kilisto.

1 Korente 1:12 ပူးပေါင်းရင်းမြစ်များ

1 Bakalenga 16:21

Zimri mumane kufua, bena Izrayele kukosoloka bitupa bibidi: aba basue kusungula Tibni, muana wa Nginate, bua kuikalaye mukalenga, bakuabu basue kusungula Omri.

Matayi 23:8

Kadi nuenu kabanubikidi ne: “Mulongeshi.” Bualu nudi bonsu bantu bamue. Mulongeshi wenu udi amu umue.

Yowanane 1:42

Kuyaye ne Simone kudi Yezu. Yezu kutangila Simone, umuamba ne: — Wewe udi Simone, muana wa Yowanane. Nebakuinyike ne: Kefase. (Mmomumue ne: “Dibue”).

Bienzedi 18:24

Muena Yuda mukuabu, mulelela mu Aleksandriya, dina diende Apolose, kufikaye mu Efeze. Uvua ngamba malu, mumanye Mikanda ya tshijila bilenga.

Bienzedi 19:1

Patshivua Apolose mu Korente, Polu kupitshila mu matunga a munkatshi mua Aziya mukese, kufika mu Efeze. Kusanganayemu bamue bena ditaba.

1 Korente 1:11

Bualu, bana hetu, bena diku dia muanetu wa bakaji Klowa bavua bammanyishe ne: nudi batapulukangane.

1 Korente 15:5

Uvua mumuenekele Petro, pashishe bapostolu dikumi ne babidi.

1 Korente 15:50

Bana hetu, ndi njadika ne: bantu badi ne mubidi wa buntu, kabena mua kubuela mu bukalenga bua Mvidi Mukulu. Bidi bibola kabiena mua kupeta bidi bishala kashidi.

1 Korente 16:12

Mvua musengelele muanetu Apolose bikole, bua afike kuenu aku pamue ne bena ditaba netu bakuabu. Kadi kena musue kuvua mpindiewu. Neafike papetaye diba.

1 Korente 4:6

Bana hetu, mu bionsu ebi mvua mutele Apolose, muditele kabidi, amu bu bilejilu bua kunulongesha. Mvua musue bua nujingulule tshidi lusumuinu elu luamba ne: “Nuitabe amu bidibu bafunde.” Muntu nansha umue wa kunudi kena mua kutumbisha mulongeshi umue, kudiwula mukuabu.

1 Korente 7:29

Bana hetu, ndi musue kuamba nunku: matuku mmashale makese. Kutuadijila mpindiewu, bantu badi basele, basombe bu badi kabayi ne bakaji;

1 Korente 9:5

Tshiena mua kuya mu luendu ne mukaji muena ditaba, mudi bapostolu bakuabu, Petro ne bana babu ne Mfumu, benza anyi?

2 Korente 10:7

Nudi nutangila nangananga bidi bimueneka ku mesu. Nanku padi muntu wela meji ne: ndi wa Kristu, amanye ne: tuetu kabidi tudi ba Kristu, mudiye yeye amu.

2 Korente 9:6

Vulukayi ne: udi umiamina bikese, neanowe bikese; udi umiamina bia bungi, neanowe bia bungi.

Ngalate 2:9

Yakobe, Petro, ne Yowanane, bavua bantu banemeka bu balombodi banene, bavua bitabe ne: Mvidi Mukulu mmumpeshe mudimu ewu wa pa buawu. Nanku meme ne Bamabase, bavua batuele muoyi, batukuate ku tshianza, bua kuleja mutudi tukuata nabu mudimu wa momumue. Ke tuetu bonsu pamue kumvuangana nabu ne: meme ne Bamabase, netuye kukuatshila bisamba bikuabu mudimu, bobu nebakuatshile bena Yuda mudimu.

Ngalate 3:17

Ndi musue kuamba ne: Mvidi Mukulu mmufue ndondu ne Abrahame, mumulaye ne: nendame ndondu wanyi ewu. Kupita bidimu nkama inayi ne makumi asatu, mikenji kushisha kufika ku bantu. Nanku mikenji eyi kayena mua kushipa ndondu ewu, nansha kunyanga dilaya dia Mvidi Mukulu.