1 Bakalenga 9:8 - MUKANDA WA MYIDI MUKULU

⁸ Padi bantu bapitshila pabuipi ne nzubu munene ewu mumane kunyanguka, nebakeme, bapampakana ne bowa. Nebakonke ne: “Maweja-Nangila mmunyangakaje ditunga edi ne nzubu ewu nunku bua tshinyi?”

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bikala nsubu eu bule nunku, kadi bantu bonso badi bahitaku nebakeme, nebafunkune mishiku; nebakonkangane ne, Yehowa wakenzela buloba ebu ne nsubu eu nunku bua tshinyi?

1 Bakalenga 9:8 ပူးပေါင်းရင်းမြစ်များ

2 Bakalenga 22:17

Bena mu Yerushalayime mbambenge, mbalambule milambu kudi mvidie mikuabu. Bionsu bidibu benza mbimfikishe munda. Ke pandi mufikile tshimenga etshi munda bikole. Tshiji tshianyi katshiena tshijika mpindiewu to.

2 Bakalenga 25:9

Nebuzaradane kuosha nzubu wa Mvidi Mukulu, nzubu wa bukalenga, ne nzubu mikuabu ya mu tshimenga, nangananga nzubu yonsu ya bantu bamanyike bikole.

2 Kulondolola 29:8

Nanku, Maweja-Nangila kufikila bena Izrayele ne bena Yuda munda bikole, kubalekelaye. Nuenu bonsu nudi bamanye mudi bantu bapampakana pa kumvua batela tshilumbu atshi tshia bena Yuda, babaseka.

2 Kulondolola 36:19

Bena Babilone kuosha nzubuvua Mvidi Mukulu. Kupulabu tshimana tshia Yerushalayime. Kuoshabu nzubu ya bukalenga. Kunyangabu bintu bionsu bia mushinga mukole biamu tshimenga.

2 Kulondolola 7:21

Padi bantu bapitshila pabuipi ne nzubu munene wa lumu ewu mumane kunyanguka, nebakeme, bakonka ne: “Maweja-Nangila mmunyangakaje ditunga edi ne nzubu ewu nenku bua tshinyi?”

Yeshaya 64:11

Maweja-Nangila udi mua kushala upuwa amu nanku, paudi umona dikolu edi, anyi? Udi mua kushala mupuwilamu, utushiya mu dikenga didi ditupita anyi?

Yirmeya 16:10

Pawambila bantu aba bualu ebu, nebakukonke ne: “Maweja-Nangila udi musue kututumina dikenga bunene nanku bua tshinyi? Tudi benze bualu bubi kaayi? Tudi benzele Maweja-Nangila Mvidi Mukulu bibi mushindu kaayi?”

Yirmeya 18:16

Bantu banyi bavua banyanga ditunga diabu bikole. Ke mudi bantu badi bapitshila mu njila bakema, bazakala, bakupa mitu, bakuatshika bowa.

Yirmeya 19:8

Tshimenga etshi netshi kemeshe bantu bonsu. Bapitshi ba mu njila nebazakale. Nebele mbila ya bowa, patangilabu muvuabu banyange tshimenga etshi.

Yirmeya 22:28

Bantu nebakonke ne: “Konya, udi muntu mufuanangane ne luesu lufue ludibu bimansha anyi? Udi bu tshintu tshia patupu anyi? Yeye ne bana bende mbabipate baye nabu mu ditunga didibu kabayi bamanye bua tshinyi?”

Yirmeya 25:9

Nanku nembikile bantu bonsu ba mu matunga a ku mutu kua ditunga, ne nangananga muena mudimu wanyi Nebukadnesare, mukalenga wa bena Babilone, bua baluishe ditunga edi, ne bantu badi basombamu. — Nebaluishe kabidi bisamba bidi nabu mutumba. — Nennubutule bonsu, nuenu ne bena mutumba nenu. Mu ditunga emu nemushale amu tshipela ne lubuwa. Bantu nebakeme bela mbila ya bowa pa kumona muaba ewu. Meme Maweja-Nangila ndi ngamba nanku.

Yirmeya 44:8

Nudi nukeba kumfikisha munda ne malu enu mabi, ne milambu inudi nulambula mvidie ya bantu ba bisamba bikuabu mu ditunga dia Ejipitu, munuvua baye kusokoma. Nudi basue bua banubutule, banuteke tshilejilu tshibi tshia kutshipa natshi bantu, tshia kufuisha natshi bantu bundu ku mesu a bisamba bionsu bia pa buloba anyi?

Yirmeya 49:17

“Edome neabutuke. Bantu bonsu badi bapitshila mu njila nebakuatshike bowa, bazakala, pamonabu kabutu ka Edome.

Yirmeya 5:19

Kadi, pakonkabu ne: “Maweja-Nangila wetu mmutukengeshe nenku bua tshinyi,” wewe Yirmeya, wandamune ne: “Bualu nudi babenge Maweja-Nangila, bua kutendelela mvidie ya bantu ba bisamba bikuabu munda mua ditunga dienu. Nenku, nenuye momumue mu ditunga dia bende bua kukuatshila bantu ba bisamba bikuabu mudimu!”

Yirmeya 50:13

Bua tshiji tshia Maweja-Nangila, ditunga dia Babilone nedishale munda mutupu, nedishale anu tshipela. Bantu badi bapitshila mu njila, basemena pabuipi ne Babilone, nebakeme, nebazakale, nebele bibingu, pamonabu mudi bionsu binyanguke.

Yirmeya 52:13

Uvua muoshe nzubu wa Mvidi Mukulu, nzubu wa mukalenga, ne nzubu ya mu tshimenga, nangananga nzubu yonsu ya bantu banene ba mu Yerushalayime.

Muadi 2:15

Bantu bonsu badi bapitshila muaba ewu, badi bakuma bikashi bua dibutuka diebe. Badi bela bibingu, bakupa mitu, bakuseka wewe, Yerushalayime, bebejangana ne: “Etshi ke tshimenga tshivuabu babikila ne: Mulengele be, kabidi ne: Disanka dia buloba bujima, anyi?”

Danyele 9:12

Wewe udi muenze tshiuvua muambe bualu buetu ne bua bamfumu badi batuludika: udi mututumine mu Yerushalayime makenga makole adi kaayi manji kukuata bantu bakuabu pa buloba.

Dielulula 28:37

Bena mu matunga ikale Maweja-Nangila munutume, nebakuatshike bonsu bowa, bua bionsu bidi binuenzekela. Nebishale bu nsumuinu, bantu bonsu banuseka.

Dielulula 29:23

Nanku, bantu ba bisamba bikuabu bionsu, pamonabu bualu ebu, nebakeme, bebejangana ne: “Maweja-Nangila uvua ne tshiji tshikole nanku bua tshinyi? Uvua mukengeshe bena ditunga edi mushindu ewu bualu kaayi?”