1 Bakalenga 9:7 - MUKANDA WA MYIDI MUKULU

⁷ nennuipate mu buloba bumvua munupe. Nengumuke mu nzubu ewu, undi mujidile bua nuenu kuntendelelamu. Nanku, bantu ba bisamba bikuabu nebanuseke miaba yonsu, banuele bibingu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ nengumushe Bena Isalele mu buloba ebu bunakabaha; nengimashe nsubu eu unakajidila dina dianyi ku mesu kuanyi, ne Bena Isalele nebikale bu lusumuinu ne bu tshihendu munkatshi mua bantu bonso.

1 Bakalenga 9:7 ပူးပေါင်းရင်းမြစ်များ

1 Bakalenga 9:3

Maweja-Nangila kuambila Shelomu ne: — Ndi mumvue kulomba kuebe, ne mushindu uudi untendakena. Nanku, ndi njidila nzubu ewu uudi muibake. Ndi muitabe bua kusombamu kashidi, bua meme kuikala munkatshi muenu. Nengikale mulame nzubu ewu. Netumuenzele bimpe misangu yonsu.

2 Bakalenga 25:21

Mukalenga wa bena Babilone kubashipela mu tshimenga atshi, mu ditunga dia Amate. Ke muvuabu bumuke ne bena Yuda mu buloba buabu, nanku baye nabu mu bupika.

2 Bakalenga 25:9

Nebuzaradane kuosha nzubu wa Mvidi Mukulu, nzubu wa bukalenga, ne nzubu mikuabu ya mu tshimenga, nangananga nzubu yonsu ya bantu bamanyike bikole.

2 Kulondolola 36:19

Bena Babilone kuosha nzubuvua Mvidi Mukulu. Kupulabu tshimana tshia Yerushalayime. Kuoshabu nzubu ya bukalenga. Kunyangabu bintu bionsu bia mushinga mukole biamu tshimenga.

2 Kulondolola 7:20

nenkuipate mu buloba bumvua mukupe, nengumuke mu nzubu ewu undi mujidile bua nuenu kuntendelelamu. Nanku bantu ba bisamba bikuabu nebaseke bena Izrayele, bahele bibingu.

Misambu 44:14

Udi utupendesha kudi bena mutumba, batulembakaja kudi batudi nabu pabuipi.

Misambu 44:15

Udi muanyishe bua bantu ba bisamba bikuabu, batutele mu nsumuinu, benda bakupa mitu, batuseka.

Misambu 69:11

Mvua nnyingalala, njila biakudia bobu kunseka!

Yeshaya 65:15

Bantu banyi nebangate dina dienu, bua kutshipa nadi bantu bakuabu. Nebambe ne: “Maweja-Nangila Mvidi Mukulu akushipe, bu mudiye mushipe kampande nansha kansanga.” Kadi, bantu banyi badi bandamate, nebapete dina dikuabu.

Yirmeya 24:9

Nanku bantu ba mu matunga onsu a pa buloba, pamonabu bionsu abi nebakeme bikole, bakuatshike bowa. Miaba yonsu indi mbatangalaja, bantu nebabaseke, babapende. Nebasake misambu, batela dikenga diabu bua tshilejilu tshia dikenga dinene. Bantu nebabatshipe.

Yirmeya 25:9

Nanku nembikile bantu bonsu ba mu matunga a ku mutu kua ditunga, ne nangananga muena mudimu wanyi Nebukadnesare, mukalenga wa bena Babilone, bua baluishe ditunga edi, ne bantu badi basombamu. — Nebaluishe kabidi bisamba bidi nabu mutumba. — Nennubutule bonsu, nuenu ne bena mutumba nenu. Mu ditunga emu nemushale amu tshipela ne lubuwa. Bantu nebakeme bela mbila ya bowa pa kumona muaba ewu. Meme Maweja-Nangila ndi ngamba nanku.

Yirmeya 26:18

— Mu tshikondu tshia Izkiya, mukalenga wa bena Yuda, muvua muambi mukuabu, dina diende mMika, wa mu Mereshete. Uvua muambile bantu bonsu ba mu Yuda ne: Maweja-Nangila wa bukole buonsu udi wamba ne: “Siyone neikale bu budimi budibu babundulula. Yerushalayime neashale bu mu dikolu. Mukuna, muaba udi nzubu wa Mvidi Mukulu, newikale bu ditu.”

Yirmeya 26:6

Panudi kanuyi nuteleja, nengupule nzubu wa Mvidi Mukulu ewu, bu mumvua mupule wa mu Shilo. Nenteke Yerushalayime bu tshilejilu tshidi bantu ba bisamba bionsu bia pa buloba, batela padibu baditshipa mutshipu.”

Yirmeya 44:8

Nudi nukeba kumfikisha munda ne malu enu mabi, ne milambu inudi nulambula mvidie ya bantu ba bisamba bikuabu mu ditunga dia Ejipitu, munuvua baye kusokoma. Nudi basue bua banubutule, banuteke tshilejilu tshibi tshia kutshipa natshi bantu, tshia kufuisha natshi bantu bundu ku mesu a bisamba bionsu bia pa buloba anyi?

Yirmeya 52:13

Uvua muoshe nzubu wa Mvidi Mukulu, nzubu wa mukalenga, ne nzubu ya mu tshimenga, nangananga nzubu yonsu ya bantu banene ba mu Yerushalayime.

Muadi 1:8

Yerushalayime uvua muenze malu mapite bubi. Ke pavuabu bamubipisha. Bonsu bavua bamunemeka, badi bamupetula mpindiewu. Bonsu mbamumone butaka. Ke mudiye umuka, mu maboku teketee, wenda utua mikemu.

Muadi 2:17

Maweja-Nangila mmuenze tshivuaye muele meji, mmukumbaje tshivuaye muambe, tshivuaye mushindike ku kale. Mmubutule kayi ne luse. Uvua musankishe muluishi ne dikenga diebe, uvua mukoleshe ditambisha dia muena lukuna webe.

Yezekiyele 24:21

nuenu bena Izrayele, ne: “Meme Maweja-Nangila Mvidi Mukulu nennyange nzubu wanyi wa tshijila. Nudi nudisua nende, numutangila nusanka. Ke muaba unudi nutekemena bua kupetela muoyi. Nebashipe bana benu ba balume ne ba bakaji banuvua bashiye mu Yerushalayime.

Yezekiyele 5:15

Nennyoke tshimenga tshia Yerushalayime ne tshiji tshikole. Nentshikengeshe, ntshitandishe bikole! Nanku bantu badi ku nseke, nebaseke tshimenga etshi, batshipenda. Padibu batshivuluka, nebakuatshike bowa. Nenuikale tshilejilu tshia kubabela natshi. Meme Maweja-Nangila, ndi nnujadikila bualu ebu.

Osheya 9:3

Bena Efrayime kabena mua kushala mu ditunga dia Maweja-Nangila. Nebapingane mu Ejipitu, nansha mu bena Ashure, bua kudia biakudia bidi ne mikiya.

Yowele 2:17

Batuangaji, badi bakuatshila Maweja-Nangila mudimu, badidile muadi mu nzubu wa Mvidi Mukulu, pankatshi pa tshibuelelu ne tshilambuilu, basengelele Mvidi Mukulu, bamuambile ne: “Maweja-Nangila, utufuile luse, tudi bantu bebe, kutufuishishi bundu, kuanyishi bua bantu batuseke, batukonke ne: ‘Tshidi Mvidi Mukulu wabu ubenzela ntshinyi?’ ”

Mika 3:12

Nanku bualu buenu, Siyone neikale bu budimi, budibu babundulula ne lukasu. Yerushalayime neashale makolu. Mukuna wa nzubu wa Mvidi Mukulu nebaubuikile kudi tshipuka.

Matayi 23:38

Nanku, nzubu wa Mvidi Mukulu wenu awu neashale munda mutupu!

Matayi 24:2

Kadi Yezu kubandamuna ne: — Nudi nukema bionsu ebi! Kadi ndi nnujadikila bulelela ne: ku nzubu ewu kakuakushala dibue diambata pa dikuabu to. Bionsu nebiupuke!

Luke 21:24

Nebabashipe ku muele wa nwita. Nebaye nabu mu matunga makuabu onsu, basuika nkanu. Bantu ba bisamba bikuabu nebanyange Yerushalayime, too ne pakumbana tshikondu tshiabu.

Dielulula 28:37

Bena mu matunga ikale Maweja-Nangila munutume, nebakuatshike bonsu bowa, bua bionsu bidi binuenzekela. Nebishale bu nsumuinu, bantu bonsu banuseka.

Dielulula 4:26

Ndi nnujadikila lelu, diulu ne buloba biumvue, ne: Nuenu basonge mpingu, nebanuipate lukasa mu ditunga dia Kenaane dinuakuata, didi dishiya dia musulu wa Yardene. Nenubutukemu.

Yoshua 23:16

Nuenu banyange ndondu uvua Maweja-Nangila mutume diyi bua kunemeka, nuenu biname kumpala kua mvidie ya bantu benyi bua kuyitendelela, Maweja-Nangila neanufuile munda, anujimije lukasa mu ditunga edi dimpe, didiye mumane kunupa.

1 Samuele 15:11

— Ndi ne kanyinganyinga bua Shawule undi musungule bua kuikalaye mukalenga. Shawule mmumbenge. Kena utumikila mikenji yanyi to. Bualu abu kutonda Samuwele bikole. Kutendelelaye Maweja-Nangila butuku bujima.