1 Bakalenga 9:6 - MUKANDA WA MYIDI MUKULU

⁶ Kadi wewe Shelomu ne bantu bebe bena Izrayele, ne ndelanganyi yenu, panuikala nuenu bantombokela, kanuyi bakumbaje meyi anyi ne mikenji yanyi bimvua munuambile, nuenu nutendelela mvidie mikuabu, nuenu bayituile binu bua kuyikukuila,

Mukanda wa Nzambi Dihungila Dikulukulu ne Dihungila Dihia-dihia 2003

⁶ Kadi binuabenga kundonda, nansha wewe nansha bana bebe, kanuyi nutumikila mikenji yanyi ne mei anyi binakuteka ku mpala kuenu; binuaya kukuatshila nzambi mikuabo mudimu ne bua kuyitendelela;

1 Bakalenga 9:6 ပူးပေါင်းရင်းမြစ်များ

2 Bakalenga 18:12

Bionsu ebi, biakuenzeka bualu bena Izrayele kabavua batumikila diyi dia Maweja-Nangila Mvidi Mukulu wabu to. Kabidi bavua bashipe ndondu wende. Bavua babenga kuteleja mikenji yende, ne kukumbaja bionsu bivua Moshe, muntu wa Maweja-Nangila, mubambile.

2 Bakalenga 22:17

Bena mu Yerushalayime mbambenge, mbalambule milambu kudi mvidie mikuabu. Bionsu bidibu benza mbimfikishe munda. Ke pandi mufikile tshimenga etshi munda bikole. Tshiji tshianyi katshiena tshijika mpindiewu to.

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

2 Kulondolola 15:2

Kuyaye kumonangana ne Asa bua kumuambila ne: — Mukalenga Asa ne nuenu bonsu bena Yuda, ne bena Binyamine, nunteleje! Maweja-Nangila neikale nenu anu panuikala bamuitabe. Nuenu bamukebe, nenumupete. Nuenu bamubenge, yeye kabidi neanubenge.

Misambu 89:30

Nenjadike ndelanganyi yende matuku onsu, bonsu bapingana mu bukalenga buende, nebashale kashidi bu mudi diulu dikale.

Misambu 89:31

“Pikala ndelanganyi yebe mibenga mikenji yanyi, kayiyi ilonda bindi nyambila,

Misambu 89:32

pikalabu banyanga mikandu yanyi, kabayi balama meyi anyi,

Yirmeya 26:4

Ubambile ne: Maweja-Nangila udi wamba ne: “Ntelejayi, londayi mikenji yanyi imvua munupe.

Muadi 1:8

Yerushalayime uvua muenze malu mapite bubi. Ke pavuabu bamubipisha. Bonsu bavua bamunemeka, badi bamupetula mpindiewu. Bonsu mbamumone butaka. Ke mudiye umuka, mu maboku teketee, wenda utua mikemu.

1 Samuele 15:11

— Ndi ne kanyinganyinga bua Shawule undi musungule bua kuikalaye mukalenga. Shawule mmumbenge. Kena utumikila mikenji yanyi to. Bualu abu kutonda Samuwele bikole. Kutendelelaye Maweja-Nangila butuku bujima.

1 Samuele 2:30

Bu muudi wenza nanku, teleja tshindi nkuambila, meme Maweja-Nangila Mvidi Mukulu wa bena Izrayele: Mvua mulaya bena nzubu webe ne bena diku diebe, bua bikale batuangaji banyi kashidi. Kadi mpindiewu, ndi nkujadikila ne: kabitshiena nanku to. Meme ndi nnemeka amu bantu badi bannemeka meme. Kadi bantu badi bampepeja, meme nembapepeje.