1 Bakalenga 9:21 - MUKANDA WA MYIDI MUKULU

²¹ Bisamba ebi bivua bishala mu ditunga, bualu bena Izrayele bavua benza muabu muonsu bua kubabutula bapange. Nanku, bobu ke bavua Shelomu wenzeja midimu. Batshidi bapika ba bena Izrayele too ne mpindiewu.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bana ba bantu aba mene bakadi bashala mu buloba, hakahanga Bena Isalele kubashiha, Solomo wakabenzesha mudimu bu bahika bandi tô ne ku dituku edi.

1 Bakalenga 9:21 ပူးပေါင်းရင်းမြစ်များ

1 Bakalenga 5:13

Uvua ulongesha bua mitshi ya mishindu yonsu, biangatshile ku mutshi munene wa Sedre uvua mu Lebanone, too ne ditamba dia mutshi wa Isope didi disasa ku tshimana. Uvua mumanye nyama, nyunyi, bilandadi, minyinyi ya mu mayi.

1 Bakalenga 9:15

Mukalenga Shelomu kuenzeja midimu ya kuibaka nzubu wa Maweja-Nangila, nzubu wende wa bukalenga, mushiki wa buloba uvuabu bela muaba awu, uvuabu babikila ne: Milo, bimana bivua binyungulule Yerushalayime, ne bimenga bia: Ashore, Megido ne Ngezere.

1 Bakalenga 9:20

bantu ba bisamba bia bende batshivua bashale mu ditunga amu, ke bena Amore, bena Iti, bena Perizi, bena Ivi ne bena Yebusa, mmumue ne: bantu bavua kabayi bena Izrayele to.

1 Kulondolola 22:2

Davide kukungija benyi bonsu bavua base mu ditunga dia bena Izrayele. Kubapeshaye mudimu wa kusonga mabue a kuibaka nawu nzubu wa Mvidi Mukulu.

2 Kulondolola 8:8

Bisamba ebi bivua bishale mu ditunga, bualu bena Izrayele kabavua babibutula to. Bantu ba bisamba ebi ke bavua Shelomu wenzeja midimu. Batshidi babenzejayi too ne mpindiewu.

Nehemya 11:3

Bamfumu ba buloba bavua basombe mu Yerushalayime. Kadi bena Izrayele bakuabu: batuangaji, bena Levi, bena midimu mikuabu ya mu nzubu wa Mvidi Mukulu, too ne bantu ba ku ndelanganyi ya bena mudimu ba Shelomu, bavua basombe mu misoku yabu, muntu muende, muntu muende.

Nehemya 7:57

Mu tshisumbu tshia bantu ba ku ndelanganyi ya bena mudimu ba Shelomu, muvua bantu ba ku ndelanganyi ya Sotayi, Soferete, Perida,

Nsumuinu 12:24

Mudimu udi upetesha muntu bumfumu. Kadi lulengu ludi lumufila ku bupika.

Dielulula 20:11

Pikala bena tshimenga atshi bitabe, banunzuluile biibi bia tshimenga, nebanukuatshile mudimu. Nenubenzeje midimu ku bukole.

Yoshua 15:63

Ndelanganyi ya Yuda kayiwa mua kuipata bena Yebusa bavua base mu Yerushalayime. Nanku too ne ku lelu bena Yebusa badi basomba mu Yerushalayime muaba umue ne bena Yuda.

Yoshua 16:10

Bena Efrayime kabavua bipata bena Kenaane bavua mu Ngezere to. Bobu aba batshidi basomba too ne lelu munkatshi mua bena Efrayime. Kadi bena Efrayime bavua benzeja bena Kenaane aba midimu mishilangane.

Yoshua 17:12

Kadi bena Menashe kabawa mua kuipata bantu ba mu bimenga bionsu ebi. Nanku bena Kenaane batshidi basomba amu kusombamu too me mpindiewu.

Yoshua 17:13

Nansha muvua bena Izrayele bamane kupeta bukole bua bungi, kadi kabavua mua kuipata bantu ba mu bimenga bionsu ebi. Kadi bena Izrayele bavua benzeja bantu aba midimu mishilangane.

Balombodi 1:21

Ndelanganyi ya Binyamine kupangila mua kuipata bena Yebusa bavua basomba mu tshimenga tshia Yerushalayime. Nanku bena Yebusa ne bena Binyamine badi basomba pamue mu Yerushalayime too ne ku mpindiewu.

Balombodi 1:36

Mukalu wa kuinshi mu ditunga dia bena Amore, uvua ulonda buloba bua bena Edome, umukila, luseke ludi diba dipatukila, ku mukuna wa Tuminyiminyi.

Balombodi 2:20

Maweja-Nangila kufikila bena Izrayele munda, kuamba ne: — Bantu ba mu tshisamba etshi, mbanyangakaje ndondu umvua muambile bankambua babu bua kumunemeka. Kabena bantumikila to.

Balombodi 3:1

Maweja-Nangila kushiya bisamba ebi mu ditunga amu, bua kuteta nabi bena Izrayele bavua kabayi baluangana mvita pamue ne bakuabu, bua kukuata ditunga dia Kenaane.