1 Bakalenga 9:16 - MUKANDA WA MYIDI MUKULU

¹⁶ (Mukalenga wa bena Ejipitu kuluisha bena Ngezere, kukuata tshimenga atshi, kutshiosha, kushipa bena Kenaane bavua basemu. Pashishe kutshipeshaye muanende wa bakaji bua kumusankisha, dituku divuabu bangata dibaka ne Shelomu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Diambedi Palo, mukelenge wa Ejipitu, wakanyenga Gezê, wakawosha ne kahia, wakashiha Bena Kanâna bakadimu, wakamua bu buhianyi kudi muanʼandi, mukashi wa Solomo.

1 Bakalenga 9:16 ပူးပေါင်းရင်းမြစ်များ

1 Bakalenga 3:1

Mukalenga Shelomu kusela muana wa mukalenga wa bena Ejipitu. Nanku, Shelomu ne mukalenga wa bena Ejipitu kutua ndondu bua mukaji uvua Shelomu musele awu. Shelomu kuya ne mukajende awu mu Yerushalayime mu Tshimenga tshia Davide. Uvua muindile bua bajikije nzubu wende wa bukalenga, nzubu wa Maweja-Nangila, ne bimana bidi binyungulula Yerushalayime.

1 Bakalenga 7:8

Shelomu uvua musombele mu nzubu uvua mu lupangu lukuabu. Nzubu awu, uvua mutantshi mukese ne nzubu uvuabu babikila ne: “Nzubu wa ditu dia Lebanone.” Kadi nzubu uvua Shelomu musombele awu, bavua bamuibaka mushindu umue ne nzubu wa ditu dia Lebanone. Nzubu wa ndekelu ke nzubu uvuabu bibakila muana wa mukalenga wa bena Ejipitu, uvua Shelomu musele. Bavua bamuibaka mushindu umue ne lutanda lua nzubu uvuabu babikila ne: “Ditu dia Lebanone.”

1 Bakalenga 9:24

Muana wa bakaji wa mukalenga wa bena Ejipitu mumane kumuka mu Tshimenga tshia Davide, bua kuya kusomba mu nzubu wa bukalenga uvuabu bamuibakila, Shelomu kuelesha mushiki wa buloba muabu babikila ne Milo.

Yoshua 10:33

Orame, mukalenga wa mu Ngezere, kufika bua kuambuluisha bena Lakishe. Kadi Yoshuwa kumutshimuna yeye ne bena mvita bende bonsu. Kubashipabu, kakuyi muntu wa kushala ne muoyi.

Yoshua 16:10

Bena Efrayime kabavua bipata bena Kenaane bavua mu Ngezere to. Bobu aba batshidi basomba too ne lelu munkatshi mua bena Efrayime. Kadi bena Efrayime bavua benzeja bena Kenaane aba midimu mishilangane.