1 Bakalenga 9:1 - MUKANDA WA MYIDI MUKULU

¹ Mukalenga Shelomu mumane kujikija nzubu wa Maweja-Nangila ne nzubu wende wa bukalenga, kabidi ne nzubu yonsu ivuaye musue kuibaka,

Mukanda wa Nzambi Dihungila Dikulukulu ne Dihungila Dihia-dihia 2003

¹ Hakamana Solomo nsubu wa Yehowa ne nsubu wa mukelenge ne malu onso akasua mutshima wa Solomo kuenza,

1 Bakalenga 9:1 ပူးပေါင်းရင်းမြစ်များ

1 Bakalenga 3:1

Mukalenga Shelomu kusela muana wa mukalenga wa bena Ejipitu. Nanku, Shelomu ne mukalenga wa bena Ejipitu kutua ndondu bua mukaji uvua Shelomu musele awu. Shelomu kuya ne mukajende awu mu Yerushalayime mu Tshimenga tshia Davide. Uvua muindile bua bajikije nzubu wende wa bukalenga, nzubu wa Maweja-Nangila, ne bimana bidi binyungulula Yerushalayime.

1 Bakalenga 6:37

Nanku, mu ngondu wa Zive, Shelomu mumane kushala mu bukalenga bidimu binayi, kuenzabu tshitaku tshia nzubu wa Mvidi Mukulu wa Maweja-Nangila.

1 Bakalenga 7:1

Kusakilabu kabidi mukalenga Shelomu nzubu wa bukalenga. Bavua bibake bidimu dikumi ne bisatu bua kujikijabu nzubu yonsu ivua yenza nzubu ya bukalenga.

1 Bakalenga 7:2

Kuibakabu nzubu uvuabu babikila ne: “Ditu dia Lebanone.” Nzubu awu, uvua ne metre makumi atanu mu bule, metre makumi abidi ne atanu mu butshiama, ne metre dikumi ne atanu mu butumbuke. Dina dia nzubu ewu ndifumina ku milongu inayi ya makunji menza ne mitshi ya sedre. Pa makunji apu, ke pavuabu bateke mabaya manene a tshisasa, a mitshi ya sedre kabidi.

1 Bakalenga 7:51

Mukalenga Shelomu mumane kujikija midimu yonsu ya dibaka nzubu wa Maweja-Nangila, kuangataye binta bionsu bivua tatuende Davide mujidile Maweja-Nangila: biamu bitoke bia mushinga mukole, tshiamu tshia mpawungi, ne bintu bia mishindu yonsu, kubitekaye mu tshibambalu tshia mu nzubu wa Mvidi Mukulu tshivuabu batekela bintu bionsu bia mushinga mukole.

1 Bakalenga 8:66

Dituku dia muanda mukulu, mukalenga Shelomu kutangalaja bena Izrayele. Kupinganabu ku nzubu yabu. Bena Izrayele bonsu kuya kulayangana ne mukalenga Shelomu bamuela tuasakidila. Pashishe, kupinganabu kuabu ne disanka, bualu Maweja-Nangila uvua muenzele muntu wende Davide bimpe, kabidi ne bantu bende bena Izrayele.

1 Bakalenga 9:10

Irame, mukalenga wa tshimenga tshia Tire, uvua mupeshe Shelomu mitshi ya sedre yonsu, mitshi ya pin, ne tshiamu tshia mpawungi tshivuaye ukengela bua nzubu uvuaye wibaka. Bidimu makumi abidi bimane kukumbana, Shelomu kujikija nzubu wa Maweja-Nangila ne nzubu wende wa bukalenga. Pashishe kupeshaye Irame bimenga makumi abidi bivua mu buloba bua Ngalileya.

1 Bakalenga 9:19

Uvua muibakulule ne bimenga bionsu bivuaye muteke biakudia biende, matempu ende a mvita, ne nyama yende ya tubalu. Shelomu kuibaka bintu bionsu bivuaye musue kuibaka nansha mu Yerushalayime, nansha pa mukuna wa Lebanone, nansha mu ditunga dijima divua ku bumfumu buende. Mukalenga Shelomu uvua muenzeje midimu ayi mushindu ewu:

2 Kulondolola 7:1

Shelomu mumane kujikija ditendelela Maweja-Nangila, kapia kufuma mu diulu, kuosha milambu ya kuosha, ne ya bobumue. Butumbi bua Maweja-Nangila kuwula mu nzubu wa Mvidi Mukulu.

2 Kulondolola 7:11

Mukalenga Shelomu mumane kujikija diasa nzubu wa Mvidi Mukulu, ne wende yeye wa bukalenga, mumane kukumbaja bionsu bivuaye musue kuenza mu nzubu ibidi eyi,

2 Kulondolola 8:1

Bidimu makumi abidi bimane kukumbana, Shelomu kujikija nzubu wa Mvidi Mukulu ne wende wa bukalenga.

2 Kulondolola 8:6

Uvua muibakulule ne Baalate, ne bimenga bionsu bivuaye muteke mayeba, matempu ende a mvita, ne nyama yende ya tubalu. Nanku, Shelomu kuibaka bintu bionsu bi-vuaye musue kuibaka mu Yerushalayime, pa mukuna wa Lebanone, ne mu ditunga dijima divua ku bumfumu buende.

Muambi 2:10

Bionsu bimvua njinga mvua amu mbipeta. Tshivua mupange disanka nansha dimue. Eyowa, mvua mupete bintu bivule ku midimu yonsu imvua mukuate. Midimu yonsu imvua muenze ivua amu minsankishe.

Muambi 2:4

Meme kuenza midimu, kudiashila nzubu ya bungi, kukuna mionji ya mvinyo.

Muambi 6:9

Bidi bimpe kusanka ne biudi nabi pa muntu pa kukeba bikuabu bia mishindu yonsu, bualu abi bidi kabidi patupu bu kuipatangana ne lupepele.