1 Bakalenga 8:9 - MUKANDA WA MYIDI MUKULU

⁹ Mu mushete amu, muvua anu mabue abidi avua ne mikenji. Moshe ke uvua muteke mabue awu mu mushete. Uvua muapete ku mukuna wa Sinayi pavua Maweja-Nangila utua ndondu ne bena Izrayele, mumane kubapatula mu Ejipitu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nansha tshintu tshikuabo tshiakadi mu mushete eu anu mabue abidi akadi ne mikenji mifundahu akatekamu Mose ku Holeba kuakahunga Yehowa tshihungidi ne Bena Isalele hakumukabo mu buloba bua Ejipitu.

1 Bakalenga 8:9 ပူးပေါင်းရင်းမြစ်များ

1 Bakalenga 8:21

Mu nzubu emu, ndi mulongololemu muaba wa kuteka mushete, udi ne mabue a ndondu uvua Maweja-Nangila mutue ne bankambua betu, tshikondu tshivuaye mubapatule mu Ejipitu.

2 Kulondolola 5:10

Mu mushete amu, muvua anu mabue abidi avua ne mikenji, avua Moshe muteke mu mushete. Uvua muapete ku mukuna wa Sinayi, muaba uvua Maweja-Nangila mutue ndondu ne bena Izrayele, pavuaye mumane kubapatula mu Ejipitu.

2 Kulondolola 5:9

Milonda ayi ivua mile. Nsongu yayi ivua imueneka amu kudi muntu uvua pankatshi pa mushete ne tshibuelelu tshia tshibambalu. Kadi, kayivua imueneka kudi muntu uvua pambelu to. Milonda ayi itshidi muaba awu too ne mpindiewu.

Ekesode 13:21

Mu munya, Mvidi Mukulu uvua mu divuba kumpala kua bena Izrayele bua kubaleja njila. Kadi butuku uvua mu tshimunyi tshia kapia bua kutokeshila bena Izrayele njila. Ke muvuabu mua kuenda butuku ne munya.

Ekesode 14:24

Patshiatshia, Maweja-Nangila, uvua mu divuba ne mu tshimunyi tshia kapia, kumona tshiluilu tshia mvita tshia bena Ejipitu. Kutshiompakajaye tshiluilu atshi.

Ekesode 16:10

Patshivua Arone wambila bena Izrayele malu awu, bena Izrayele batangila ku tshipela, kumonabu butumbi bua Maweja-Nangila mu divuba.

Ekesode 16:33

Moshe kuambila Arone ne: — Angata litre ya mana inayi, wela mu dibungu. Uteke dibungu adi kumpala kua Maweja-Nangila bua kulamina ndelanganyi yenu.

Ekesode 25:16

Mu mushete amu utekemu mabue, adi ne mikenji ingakupesha, idi ijadika ndondu.

Ekesode 25:21

Mu mushete awu, utekemu mabue andi nkupesha adi ajadika ndondu. Pashishe, ubuikile tshibuikidiji ku mushete aku.

Ekesode 40:20

Moshe kuteka mabue a mikenji dikumi mu mushete wa ndondu. Kubuejaye mitshi ku mushete, kumubuikilaye tshibuikidiji.

Yezekiyele 10:4

Butumbi bua Maweja-Nangila kumuka pa bakerubine, kubuka, kuya kuikila ku tshibuelelu tshia nzubu wa Mvidi Mukulu. Divuba kuwula mu nzubu wa Mvidi Mukulu tente. Butumbi bua Mvidi Mukulu buvua bumueneka mu lupangu lua nzubu wa Mvidi Mukulu, bukenka bikole.

Lewitiki 16:2

“Ambila muanenu Arone kabuedi tshibuelabuela muaba wa tshijila menemene, panyima pa tshilamba tshidi tshijika mushete wa tshijila ne tshibuikidiji tshiawu to. Bualu yeye mubuele nanku, udi mua kufua musangu undi lumuenekela mu muinshi, udi pa mutu pa tshibuikidiji tshia mushete.

Dibadika 17:10

— Umukayi muaba udi bantu aba bimane. Ndi musue kubabutula bonsu amu mpindiewu. Moshe ne Arone kudiela mpala panshi.

Dibadika 9:15

Dituku divuabu base nzubu wa tshijila, divuba divua dibuikila ntenta uvua ne mushete wa ndondu. Butuku, divuba adi divua dikenka bu kapia too ne muatshiabu.

Dielulula 31:26

— Angatayi mukanda ewu wa mikenji ya Maweja-Nangila, nuuteke pabuipi ne mushete wa ndondu. Mukanda ewu, newikale ujadikila bena Izrayele ne: nansha bobu babenge Maweja-Nangila Mvidi Mukulu wabu, kadi yeye udi anu munkatshi muabu.

Dielulula 4:13

Kunumanyishaye ndondu wenu nende. Uvua munuambile bua nunemeke ndondu, nukumbaje mikenji dikumi ivuaye mufunde pa mabue abidi.

Ebrewu 9:4

Muaba awu uvua tshilambuilu tshienza ne tshiamu tshia mpawungi tshivuabu boshela musenga wa manananshi. Muvua kabidi mushete wa ndondu mulamika mpawungi mubidi mujima. Munda mua mushete muvua dibungu dia mpawungi dikale ne mana, dikombu dia Arone disase bilongu, ne mabue avuabu bafundile mikenji ya ndondu.

Didimanyisha 15:8

Ke nzubu wa Mvidi Mukulu kuwula ne muinshi, bualu bua butumbi ne bukole bia Mvidi Mukulu. Muntu nansha umue kavua mua kubuela mu nzubu wa Mvidi Mukulu, bipupu muanda mutekete, bivua batumibue bafike nabi, kabiyi bianji kukumbana.