1 Bakalenga 8:66 - MUKANDA WA MYIDI MUKULU

⁶⁶ Dituku dia muanda mukulu, mukalenga Shelomu kutangalaja bena Izrayele. Kupinganabu ku nzubu yabu. Bena Izrayele bonsu kuya kulayangana ne mukalenga Shelomu bamuela tuasakidila. Pashishe, kupinganabu kuabu ne disanka, bualu Maweja-Nangila uvua muenzele muntu wende Davide bimpe, kabidi ne bantu bende bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

⁶⁶ Mu dituku dia muanda mukulu yeye wakatuma bantu kuabo; bobo bakavudishila mukelenge disanka; bakaya ku nsubu yabo ne disanka dinene mu mitshima yabo hua malu mimpe onso akenzela Yehowa muntu wandi Davidi ne bantu bandi Bena Isalele.

1 Bakalenga 8:66 ပူးပေါင်းရင်းမြစ်များ

Genese 47:7

Yozefe kuya kuleja kabidi tatuende Yakobe kudi mukalenga wa bena Ejipitu. Yakobe kuela mukalenga wa bena Ejipitu muoyi ne kanemu.

1 Bakalenga 8:1

Diba adi, mukalenga Shelomu kubikila bakulu ba bena Izrayele bonsu, bamfumu bavua ku mutu kua bisamba, ne bavua ku mutu kua meku a kale onsu. Kufikabu mu Yerushalayime, muaba uvua mukalenga Shelomu, bua kuambula mushete wa ndondu wa Maweja-Nangila uvua mu Tshimenga tshia Davide, tshivuabu kabidi babikila ne: Siyone, ne bua kuya kuuteka mu nzubu wa Mvidi Mukulu.

1 Bakalenga 8:47

Nanku, mu ditunga dikale bena Izrayele baye mu bupika amu, padibu badiela meji, badikonka, batuadija kukutendelela, bamba ne: ‘Tuvua bakutombokela Maweja-Nangila, benza bibi. Tudi bena tshibawu!’

1 Bakalenga 8:65

Anu tshikondu atshi, Shelomu ne bena Izrayele bonsu, bavua muaba awu bapite bungi, kuenzabu tshibilu tshia tuzubu tua Bisasa. Bena Izrayele abu, bavua bafumine mu ditunga dijima dia bena Izrayele, biangatshile ku Lebo-Amate ku mutu mu ditunga, too ne ku musulu wa Ejipitu udi kuinshi mu ditunga. Nanku, munkatshi mua matuku muanda mutekete, bena Izrayele kuenza tshibilu atshi muaba uvua Maweja-Nangila Mvidi Mukulu.

1 Bakalenga 9:1

Mukalenga Shelomu mumane kujikija nzubu wa Maweja-Nangila ne nzubu wende wa bukalenga, kabidi ne nzubu yonsu ivuaye musue kuibaka,

2 Kulondolola 29:36

Izkiya ne bantu bavuaye nabu kusanka bua pavua Maweja-Nangila mubambuluishe, bua kujikija bionsu abi lukasa.

2 Kulondolola 30:26

Disanka dia tshibilu edi divua dipite bunene. Nangananga bena mu Yerushalayime, ke bavua basanka bikole. Bualu biangatshile mu tshikondu tshia Shelomu, muana wa Davide, mukalenga wa Izrayele, kabavua banji kuenza kabidi tshibilu tshia mushindu ewu mu tshimenga to.

2 Kulondolola 7:10

Dituku dia makumi abidi ne disatu dia ngondu wa muanda mutekete, mukalenga Shelomu kutangalaja bena Izrayele. Kupinganabu bonsu ku nzubu yabu ne musangelu. Bavua ne disanka, bualu Maweja-Nangila uvua muenzele Davide, Shelomu, ne tshisa tshiende tshia bena Izrayele bimpe bitambe.

Nehemya 8:10

Ezra kubambila ne: — Pinganayi kuenu. Nudie bimpe, nunue bintu bisheme. Nuabanyangane ne badi kabayi ne tshintu, bualu lelu ndituku dia tshijila dia Maweja-Nangila wetu. Kanubungami, bualu disanka didi difuma kudi Mvidi Mukulu nedinupe bukole.

Nehemya 9:25

Bavua bakuate bimenga bivuabu bakoleshe ne bimana, bakuate madimi mimpe, nzubu miuwule tente ne biuma, bina bia mayi bimana kumbula, madimi a mionji ya mvinyo, ne mitshi ya olive, kabidi ne mitshi mikuabu ya bimuma mipite bungi. Nanku, bu muudi ne muoyi mulenga, bena Izrayele kudia kuukuta, kudiunda, kusanka bua bionsu biuvua mubapeshe.

Misambu 122:6

Jingilayi Yerushalayime bupole ne: “Bantu bakunange wewe Yerushalayime, basombe talalaa!

Misambu 122:9

Bua dinanga dindi munange nzubu wa Maweja-Nangila Mvidi Mukulu wanyi, ndi nkujingila bupole.”

Yeshaya 63:7

Ndi musue kuvuluija bantu muoyi mulenga udi Maweja-Nangila nawu. Ndi musue kumutumbisha, bua bionsu bidiye mutuenzele. Uvua muenzele tshisamba tshia Izrayele bimpe bitambe, bualu udi utshinanga kashidi, utshifuila luse misangu yonsu.

Sefanya 3:14

Tshimenga tshia Siyone, sankaku! Bena Izrayele, elayi tunkunduluila. Yerushalayime, sanguluka ne muoyi webe mujima.

Zekâya 9:17

Mu ditunga diabu dimpe ditambe, nemuikale diakalenga dinene. Ntete ya bukula, ne maluvu mapiamapia, nebipeshe bansongalume ne bansongakaji mubidi muimpe mupite.

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Bienzedi 2:46

Ku dituku ku dituku, bavua basangila mu nzubu wa Mvidi Mukulu ne muoyi umue, bakosolola diampa pamue mu nzubu yabu, badila pamue ne disanka, ne muoyi wa dinanga.

Ngalate 5:22

Kadi bidi Mueyelu wa Tshijila upetesha ke dinanga, disanka, ditalala, lutulu, diyi dilenga, muoyi muimpe, diyi dimue,

Dielulula 12:12

Muaba wa Maweja-Nangila Mvidi Mukulu wenu awu, nenusanke bonsu, nuenu, bana benu ne bena mudimu benu. Kabidi bena Levi, badi basa mu bimenga bienu, kabayi ne wabu muaba wa kuasa munkatshi muenu, nebasanke pabu.

Dielulula 12:18

Bintu bia tshijila abi, nuenu, bana benu, bena mudimu benu, ne bena Levi, badi mu bimenga bienu, nenubidile amu muaba wa tshijila, wikale Maweja-Nangila Mvidi Mukulu wenu musungule. Nanku muaba awu nenuikale ne disanka dia bungi, bua bionsu binuikala bakumbaje.

Dielulula 12:7

Mu nzubu wa tshijila wa Maweja-Nangila, ke munudi mua kudila biakudia bia tshijila, pamue ne bena meku enu bonsu. Nuenu nenusanke bua bilenga bionsu bidi Maweja-Nangila, Mvidi Mukulu wenu, munupe mu bionsu binudi nuenza.

Dielulula 16:11

Nuye ku nzubu wikale Maweja-Nangila musungule bua nuenu kumonangana nende. Muaba wa tshijila awu, nuenu bena Izrayele, nusanke ne bana benu, bena midimu benu, bena Levi, benyi banudi nabu, bana ba nshiya, ne bakaji bakamba badi munkatshi muenu.

Filipe 4:4

Sankayi matuku onsu, bualu nudi badisange ne Mfumu. Ndi ngambulula ne: sankayi.

Yoshua 22:6

Pashishe Yoshuwa kubela lupemba, kulayangana nabu, bua bapingane kuabu.