1 Bakalenga 8:6 - MUKANDA WA MYIDI MUKULU

⁶ Pashishe batuangaji kubueja mushete muaba uvuabu balongolola, mu tshibambalu tshivuabu babikila ne: muaba wa tshijila menemene, muinshi mua mapuapua a bakerubine.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bakuidi bakalua ne mushete wa tshihungidi tshia mei a Yehowa mu muaba wau wa tshijila wa mu nsubu, ku muaba mutambe wa tshijila muinshi mua mahuahua a bakeluba.

1 Bakalenga 8:6 ပူးပေါင်းရင်းမြစ်များ

2 Samuele 6:17

Kuyabu kuteka mushete muaba uvuabu bamane kulongolola, mu ntenta uvua Davide muashile mushete awu. Ke Davide kulambula Maweja-Nangila milambu ya kuosha ne ya bobumue.

2 Samuele 6:2

Kuyaye nabu ku Baala, mu Yuda, bua kuangata mushete wa tshijila wa Mvidi Mukulu. Mushete awu udi ne dina dia Maweja-Nangila, Mvidi Mukulu wa bena mvita ba bena Izrayele, udi usomba pa mutu pa bakerubine.

1 Bakalenga 6:16

Mutantshi wa metre dikumi ne tshimana tshia ku ndekelu kua nzubu wa Mvidi Mukulu, bavua batekapu mikamba minene ya mutshi wa sedre, miasa panshi, mitue ku tshisasa tshia nzubu. Nanku, kupetabu muaba mu nzubu wa Mvidi Mukulu wa kuteka mushete wa ndondu. Bavua babikila muaba awu ne: muaba wa tshijila menemene.

1 Bakalenga 6:19

Kulongololabu tshibambalu tshivua ku ndekelu, bua kutekamu mushete wa ndondu wa Maweja-Nangila. Tshibambalu atshi tshiena tshipite bikuabu bia mu nzubu wa Mvidi Mukulu.

1 Bakalenga 6:27

Kutekabu bakerubine munkatshi mua tshibambalu tshiena ne mushete wa ndondu. Bakerubine abu bavua bolola mapuapua. Dipuapua dia Kerubine wa kumpala divua dilenga ku tshimana tshimue tshia tshibambalu atshi. Dipuapua dia Kerubine muibidi divua dilenga ku tshimana tshikuabu. Kadi mapuapua makuabu abidi avua malengangane munkatshi mua tshibambalu.

1 Bakalenga 8:3

Bakulu ba bena Izrayele bamane kufika, batuangaji kuambula mushete wa ndondu.

1 Bakalenga 8:4

Batuangaji ke bavua bambula mushete wa ndondu wa Maweja-Nangila, kadi bena Levi bavua babambuluisha bua kuambula ntenta wa kusambakena, ne bintu bia tshijila bionsu bivua mu ntenta amu.

1 Bakalenga 8:7

Bualu mapuapua a bakerubine avua muolola pa mutu pa muaba uvuabu bamane kulongolola bua kuteka mushete. Nanku, mapuapua avua mabuikila mushete, ne milonda ivuabu bawambuila nayi.

1 Kulondolola 22:19

Nenku, mpindiewu enzayi muenu muonsu bua kumanya tshidi Mvidi Mukulu wenu musue. Tuadijayi kuashila Maweja-Nangila Mvidi Mukulu wenu muaba wa tshijila. Nutekemu mushete wa ndondu wa Maweja-Nangila ne bintu bia tshijila bia Mvidi Mukulu.

2 Kulondolola 5:7

Pashishe, batuangaji kubueja mushete muaba uvuabu bamane kulongolola, mu tshibambalu tshivuabu binyika ne: muaba wa tshijila menemene, muinshi mua mapuapua a bakerubine.

Misambu 80:1

Musambu wa mu mukanda wa mulombodi wa bena misambu, wa mu mukanda wa misambu ya Asafe, wa kuimba ne lunzenze.

Misambu 80:2

Eyi, mulami wa mikoku wa bena Izrayele, teleja! Wewe udi ulombola bantu bebe bu mudi muena mikoku, wewe udi ne nkuasa wa bumfumu pa mutu pa bakerubine.

Misambu 99:1

Maweja-Nangila udi mukalenga, bantu badi bazakala. Nkuasa wende wa bukalenga udi pa mutu pa batumibue bende badi bashale mu diulu, buloba budi butenkakana.

Ekesode 37:9

Bakerubine abu bavua batangilangane, binangila pa tshibuikidiji, bolola mapuapua mulu, bua kubuikila tshibuikidiji tshia mushete atshi.

Yeshaya 37:16

“Maweja-Nangila muena bukole buonsu, Mvidi Mukulu wa bena Izrayele, wewe udi usomba ku mutu kua bakerubine. Wewe nkayebe ke Mvidi Mukulu, mfumu wa makalenga onsu a pa buloba. Wewe ke udi mufuke diulu ne buloba.

Yezekiyele 10:5

Mutoyi wa mapuapua a bakerubine uvua umvuika too ne mu lupangu lua pambelu pa nzubu wa Mvidi Mukulu. Mutoyi uvua mukole mufuanangane ne diyi dia Mvidi Mukulu wa bukole buonsu, padiye wakula.

Yezekiyele 41:4

Uvua mupime kabidi muaba wa tshijila menemene. Uvua ne bule bua metre dikumi ku nseke yonsu. Pashishe, kungambilaye ne: ke muaba wa tshijila menemene.

1 Samuele 4:4

Bena Izrayele kutuma bantu ku Silo, bua kuangata mushete wa tshijila wa Maweja-Nangila Mvidi Mukulu wa biluilu bia bena Izrayele, udi usomba pa mutu pa bakerubine. Ofni ne Pinhase, bana ba balume babidi ba mutuangaji Eli, ke bavua benda pabuipi ne mushete wa ndondu.