1 Bakalenga 8:37 - MUKANDA WA MYIDI MUKULU

³⁷ “Padi tshiyole tshia nzala tshibuela mu ditunga, nansha tshipupu tshia disama dia tshiambu, nansha padi munanga mumishe ntete ya kuenza bukula, nansha mvula muboleshe bia pa madimi, nansha mpasu ya mukumbi, nansha ya mushindu mukuabu, mibuele mu ditunga mipite bungi, nansha baluishi bakengesha bena Izrayele, nansha mu bimenga biabu bidibu bakolesha ne bimana, padi tshipupu nansha disama dia tshiambu bibuele mu ditunga, nansha biobi bia mushindu kaayi,

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Bialua tshiole mu buloba, anyi disama dikole, anyi biakuata butu anyi bishi, anyi bialua mikumbi anyi meshi, anyi biabatshintshimika bena lukuna babo mu buloba bua misoko yabo, bikalabo ne dikenga kai anyi disama kai;

1 Bakalenga 8:37 ပူးပေါင်းရင်းမြစ်များ

1 Bakalenga 8:38

padi bantu bebe, bena Izrayele, badiunwue ne: tudi benza bibi, banyingalala, padibu bakutendakena, batangila ku nzubu eku, bela bianza mulu bua kukutendelela,

1 Kulondolola 21:12

Udi musue ditunga diebe dishale mu tshiyole tshia nzala bidimu bisatu anyi? Udi musue kunyema baluishi bebe badi bakulondakaja ne muele ku bianza ngondu isatu anyi? Udi musue muele wa Mvidi Mukulu, disama dia tshiambu tshikole, dikengesha bena ditunga diebe matuku asatu anyi? Mutumibue wende neatangalaje disama edi mu ditunga diebe dijima dia Izrayele!” Ela meji bimpe, ungandamune tshindi mua kuya kuambila udi muntume.

2 Kulondolola 20:9

“Padi dikenga ditukuata, nansha tshipupu, mvita, disama dikole dia tshiambu, nansha tshiyole tshia nzala, netufike anu ku muaba wa tshijila eku, — kuudi wewe, bualu udi musombeku. — Nenumbikile mu dikenga dietu, bua wewe kunteleja, kutuambuluisha.”

Misambu 78:46

Mikumbi kunyanga bia pa madimi. Bivuabu banowa, kubidiabu kudi mpasu.

Misambu 91:3

— Maweja-Nangila ke udi ukusungidila, ku mateyi adibu bakuteya, ne ku tshipupu tshia lufu.

Yirmeya 32:2

Tshikondu atshi, bena mvita ba mu bena Babilone bavua baluisha Yerushalayime. Muambi Yirmeya uvua mu nzubu wa lukanu mu lubanza lua bena mvita balami ba mukalenga wa bena Yuda.

Yezekiyele 14:21

Pashishe, Maweja-Nangila kungambila ne: — Ndi mutumine Yerushalayime bipupu binene binayi! Ke mvita, tshiyole tshia nzala, nyama ya lonji, ne disama dia tshiambu tshikole, bua kubutula bantu ne nyama.

Lewitiki 26:16

nenku nennunyoke mushindu ewu: “Nennukuatshishe bowa, nunyane, nupete disama dia mubidi luya. Makenga aa neanupangishe mua kumona bimpe. Nenushale ne muoyi matuku makese. Nenukune biakudia mu madimi enu, kadi nebabidie amu kudi baluishi benu.

Agayi 2:17

Meme kunyanga biakudia bionsu bia mu madimi enu: meme kukumisha, kubibolesha, kubinyangakaja ne mabue a mvula. Kadi kanuena bapingane kundi meme Maweja-Nangila to.

Dielulula 28:25

Maweja-Nangila neambuluishe baluishi benu bua banutshimune. Panuikala bayile njila umue bua kubaluisha, nenubanyeme, nupingane mu njila muanda mutekete mishilangane. Bakalenga bonsu ba pa buloba nebatshine, pamonabu bionsu bidi binuenzekela.