1 Bakalenga 8:35 - MUKANDA WA MYIDI MUKULU

³⁵ “Padi bena Izrayele bakutombokela, udi mua kukandika bua mvula kaloki to. Nanku, padi bena Izrayele batangila ku nzubu eku, bua kukutendelela ne kukutumbisha, padibu badipuekesha, balekela kukutombokela,

Mukanda wa Nzambi Dihungila Dikulukulu ne Dihungila Dihia-dihia 2003

³⁵ Hawakanda diulu bua nvula kayimatshi, bualu bua bobo bakukuenzela bibi; biatendelelabo ku muaba eu, bitabushabo dina diebe, biakudimunabo mitshima yabo bua mibi yabo hawabakengesha,

1 Bakalenga 8:35 ပူးပေါင်းရင်းမြစ်များ

2 Samuele 24:10

Diakamue Davide kudiunwua ne: ndi muenze bibi pandi mubadike bantu ba bena Izrayele. Kuambilaye Maweja-Nangila ne: — Pandi mubadike bena Izrayele, ndi muenze bibi bitambe. Ndi ntonda ne: ndi muenze bualu ebu amu bu muntu udi kayi ne lungenyi! Maweja-Nangila umfuileku luse bua bubi buanyi.

2 Samuele 24:13

muambi Ngade kuya ku nzubu kua Davide, umuambila bionsu bivua Mvidi mukulu muambe. Pashishe muambi kukonka Davide ne: — Usungule dinyoka diudi musue. Udi musue ditunga diebe dishale ne tshiyole tshia nzala bidimu muanda mutekete anyi? Udi musue kunyema baluishi, bobu benda amu bakulondakaja, ngondu isatu, anyi? Udi musue tshipupu tshia disama tshikengesha bena ditunga diebe, matuku asatu? Ela meji bimpe, ungandamune tshindi mua kuya kuambila udi muntume.

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

1 Bakalenga 8:33

“Padi bena Izrayele bakutombokela, badi mua kubatshimuna kudi baluishi babu. Padi bena Izrayele bakulomba bua wewe kubafuila luse, bakutumbisha, bakutendelela, bakutendakena mu nzubu emu,

1 Bakalenga 8:34

wewe Maweja-Nangila, mu diulu, wikale muteleje. Ubajimijile mibi yabu. Ubapingaje mu maloba auvua mumane kupesha bankambua babu, bualu bena Izrayele mbantu bebe.

2 Kulondolola 6:24

“Padi bena Izrayele bakutombokela, badi mua kubatshimuna kudi baluishi babu. Padi bena Izrayele bakulomba bua wewe kubafuila luse, bakutumbisha, bakutendelela mu nzubu emu,

2 Kulondolola 6:26

“Padi bena Izrayele bakutombokela, wewe mukandike bua mvula kaloki, kadi bena Izrayele batangile ku nzubu eku bua kukutendelela ne kukutumbisha, padibu badipuekesha, balekela kukutombokela,

Yobe 12:15

Padiye kayi mulokeshe mvula, bionsu bidi biuma. Padiye amu ulokesha mvula, buloba budi bunyanguke.

Yeshaya 5:6

Nebushale lububa: muntu nansha umue kena mua kusolela budimi abu, muntu kena mua kubuipidila kabidi Meba ne mingonga nebitolokemu. Nenkandike mavuba, bua mvula kalokedi kabidi mu budimi ebu.”

Yeshaya 9:13

Nenku Maweja-Nangila neanyoke bena Izrayele bonsu, bamfumu ne bantu babu, amu dituku dimue, amu mudibu bakose mutu ne mukila.

Yezekiyele 14:13

— Yezekiyele, padi bena ditunga kampanda bapia tshibawu, bantombokele, nembaleje bukole buanyi. Nennyange biakudia bidibu balame mu mayeba, nembatumine tshiyole tshia nzala. Nembutule nanku bantu ne nyama bia mu ditunga.

Osheya 14:1

Nebanyoke bena Samariya bua buenzayi buabu, bualu mbatombokele Mvidi Mukulu wabu. Nebafue mu myita ne bana babu, nebatundule bakaji babu badi ne mafu.

Lewitiki 26:19

Bua kujikija ditambisha ne tshitunu tshinudi natshi, tshiena unulokeshila mvula to. Biakudia kabiena bitoloka to. Diulu nedikole bu tshiamu, buloba nebuume bu tshiamu tshikunze.

Agayi 1:10

Ke padi mvula kayi uloka, bintu kabiyi bitoloka.

Zekâya 14:17

Pikala bena tshisamba tshia pa buloba, babenga kuya ku Yerushalayime, bua kutendelela Maweja-Nangila, Mukalenga wa bukole buonsu, mvula kakuloka mu ditunga diabu to.

Malaki 3:10

Nanku nundambule mu nzubu wanyi tshia dikumi menemene tshia ku midimu inudi nukuata, bua biakudia bikale kashidi mu nzubu muanyi. Pa bualu ebu, nudi mua kunteta meme Mvidi Mukulu wa bukole buonsu, nenumone mundi nnunzuluila mayeba a mu diulu, nnuela lupemba, ndokesha mvula.

Luke 4:25

Ndi nnujadikila bulelela ne: mu tshikondu tshia Eliya, bakaji bakamba bavua ba bungi mu Izrayele. Bidimu bisatu ne ngondu isambombu mvula kavua muloke to. Tshiyole tshikole tshia nzala tshivua mu ditunga dijima.

Rome 10:9

Paudi ujadika mukana muebe ku mesu kua bonsu ne: Yezu udi Mfumu, paudi witaba mu muoyi webe ne: Mvidi Mukulu mmumubishe ku bafue, neupande.

Rome 15:9

mMufike kabidi bua bantu ba bisamba bikuabu batumbishe Mvidi Mukulu bua luse luende. Ke padi Mukanda wa tshijila wamba ne: “Ke pandi nkutumbisha munkatshi mua bisamba bikuabu, nsaka misambu ya kutumbisha nayi dina diebe.”

Dielulula 11:16

Nanku dimukayi, kanupambuki, kanushiyi njila mululame. Kanutendeledi mvidie mikuabu to.

Dielulula 11:17

Nuenu kanuyi bakumbaje mikenji yende, Maweja-Nangila neanufuile munda. Kakunulokeshila kabidi mvula. Kanuakupeta biakudia pa madimi enu to. Nenubutuke mu ditunga edi dimpe, didiye unupesha.

Dielulula 28:12

Bena Izrayele, Maweja-Nangila neanunzuluile tshibuashibuashi, muaba udiye mulame mayi a mvula. Neanulokeshile mvula anu pa diba diende, bua midimu yenu yonsu itante. Nanku kanuakusomba makuta kudi bantu ba bisamba bikuabu to. Amu bobu nebikale banusomba.

Didimanyisha 11:6

Bajadiki abu badi ne bumfumu bua kukanga diulu, kukandika mvula bua kaloki matuku adibu bamanyisha bantu muaku wa Mvidi Mukulu. Badi kabidi ne bumfumu bua kuandamuna mayi enza mashi, ne bua kunyanga buloba, misangu yonsu idibu basue, ne bipupu bia mishindu yonsu.