1 Bakalenga 8:29 - MUKANDA WA MYIDI MUKULU

²⁹ Tabala! Tangila nzubu ewu butuku ne munya ne muoyi wa kalolu. Bualu udi mumane kuamba ne: ‘Ke muaba unudi mua kumonangana nanyi. Teleja mundi nkutendelela muaba ewu.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ bua mesu ebe ikale matabale ku nsubu eu munya ne butuku ku muaba eu uwakamba ne, Dina dianyi nedikaleku; bua kunvua kulomba kua muntu webe kudiye ulomba mu muaba eu.

1 Bakalenga 8:29 ပူးပေါင်းရင်းမြစ်များ

1 Bakalenga 11:13

Kadi, tshiena mmunyenge bukalenga buonsu to. Nemmushile tshisamba tshimue, anu bualu bua muntu wanyi Davide, ne bualu bua Yerushalayime tshimenga tshimvua musungule.

1 Bakalenga 11:36

Kadi, nenshile muana wa Shelomu tshisamba tshimue, bua muntu wa ku ndelanganyi ya Davide ikale mu bukalenga kashidi, kumpala kuanyi mu Yerushalayime, tshimenga tshimvua mumane kusungula, bua bantu kuntendelelamu muaba wanyi wa tshijila.

1 Bakalenga 14:21

Robowame, muana uvua Shelomu mulele ne mukaji Naama wa bena Amone, uvua mubuele mu bukalenga bua bena Yuda, muikala ne bidimu makumi anayi ne tshimue. Kushalaye mu bukalenga mu Yerushalayime bidimu dikumi ne muanda mutekete. Tshimenga atshi, ke tshivua Maweja-Nangila musungule mu buloba bujima bua kudilejamu kudi bantu bende.

1 Bakalenga 8:16

“Biangatshile dituku dimvua mupatule bantu banyi bena Izrayele mu Ejipitu, katshia tshivua musungule tshimenga nansha tshimue munkatshi mua bimenga bia bena Izrayele bua kungibakilamu nzubu undi mua kusomba to. Kadi ndi mukusungule wewe Davide, bua wikale mukalenga wa bantu banyi bena Izrayele.”

1 Bakalenga 8:43

wewe Maweja-Nangila, mu diulu muudi usomba, wikale muteleje. Umupeshe tshintu tshidiye ukulomba. Nanku, bantu ba bisamba bionsu bia pa buloba nebakumanye, nebalonge mua kukunemeka, bu mudi bantu bebe bena Izrayele bakunemeka. Kabidi nebajadike ne: nzubu ewu undi muibake, nguebe wewe bulelela.

1 Bakalenga 8:52

“Maweja-Nangila Mvidi Mukulu, wikale mutabale, bua umvue mudi bantu bebebena Izrayele ne meme, tukutendelela, misangu yonsu itudi tukubikila.

1 Bakalenga 9:3

Maweja-Nangila kuambila Shelomu ne: — Ndi mumvue kulomba kuebe, ne mushindu uudi untendakena. Nanku, ndi njidila nzubu ewu uudi muibake. Ndi muitabe bua kusombamu kashidi, bua meme kuikala munkatshi muenu. Nengikale mulame nzubu ewu. Netumuenzele bimpe misangu yonsu.

2 Bakalenga 19:16

Maweja-Nangila, uteleje bimpe, utangile bimpe, wewe Mvidi Mukulu wa muoyi, vuluka bipendu bivuabu bakupenda kudi bantu badi Senakeribe mutume.

2 Bakalenga 21:4

Kuenzaye bilambuilu bikuabu, bia bantu benyi mu nzubu wa Mvidi Mukulu, wa mu Yerushalayime. Maweja-Nangila uvua mumane kuamba bua nzubu awu ne: “Meme Maweja-Nangila nensombe mu nzubu ewu.”

2 Bakalenga 21:7

Uvua muenze kabidi lupingu lua mvidie mukaji, Ashera, mubiteke mu nzubu wa Mvidi Mukulu. Kadi, Maweja-Nangila uvua muambile Davide ne muanende wa balume Shelomu ne: “Nzubu ewu udi mu Yerushalayime, tshimenga tshindi mumane kusungula ku bimenga bionsu bidi mu bisamba dikumi ne bibidi bia bena Izrayele, ke muaba undi nsomba kashidi munkatshi mua bantu.

2 Bakalenga 23:27

Ke Maweja-Nangila kuamba ne: — Bu mumvua mumane kubenga kale bua kumona bantu ba mu bukalenga bua Izrayele kumpala kuanyi, ke mundi kabidi mbenga bua kumona bantu ba mu bukalenga bua Yuda kumpala kuanyi. Ndi musue kubenga Yerushalayime, tshimenga tshimvua musungule. Ndi musue kubenga kabidi ne nzubu wa Mvidi Mukulu ewu umvua mumane kulaya bua kusombamu.

2 Kulondolola 16:9

Nanku, Maweja-Nangila udi utangila pa buloba, musue kuambuluisha badi bamunanga ne muoyi wabu mujima. Mpindiewu, udi muenze malu bu muntu mutomboke. Biangatshile ku lelu, mvita neyikukuate.

2 Kulondolola 20:8

Ndelanganyi ayi kusombamu, kukuashila muaba wa tshijila bua kuntendelelamu. Pashishe kuambabu ne:

2 Kulondolola 33:4

Uvua muimanyike bilambuilu bikuabu bia kutendelela mvidie ya bantu benyi mu nzubu wa Mvidi Mukulu wa mu Yerushalayime. Eku Maweja-Nangila uvua mumane kuamba bua nzubu awu ne: “Meme Maweja-Nangila nensombe mu nzubu emu kashidi.”

2 Kulondolola 33:7

Uvua muenze kabidi lupingu lukuabu, muluteke mu nzubu wa Mvidi Mukulu bua kuntendelela. Kadi, Mvidi Mukulu uvua muambile Davide ne muanende wa balume Shelomu ne: “Nzubu ewu udi mu Yerushalayime, tshimenga tshindi mumane kusungula ku bimenga bionsu bia mu buloba bua bena Izrayele, ke muaba undi nsomba kashidi munkatshi mua bantu.

2 Kulondolola 6:20

Utabale, ulame nzubu ewu bimpe, butuku ne munya, amu ne muoyi wa kalolu. Bualu uvua mumane kuamba ne: ke muaba undi ndilejila kudi bantu. Teleja mundi nkutendelela mu nzubuemu.

2 Kulondolola 6:40

“Mvidi Mukulu wanyi, tabala! Umvua mundi nkutendelela mpindiewu mu nzubu emu.

Nehemya 1:6

Maweja-Nangila Mvidi Mukulu, mpindiewu, untangile, unteleje, umvua mundi nkutendelelela, meme muntu webe. Butuku ne munya, ndi anu nkulomba bualu buetu tuetu bena Izrayele, bantu bebe. Ndi nkulomba bua wewe kutufuilaku luse, bua bibi bionsu bitudi benze. Eyowa, meme ne bankambua banyi tudi benza bibi.

Nehemya 1:9

Kadi, nuenu bapingane kundi, bakumbaje mikenji yanyi, nansha nuenu mu bupika ku ndekelu kua buloba, meme nennukebe, nnupingaje muaba umvua mumane kusungula bua meme kusomba.’

Misambu 138:2

ndi ela panshi mu nzubu webe wa tshijila. Mvidi Mukulu wa kashidi, ndi nkutumbisha bua bulenga buebe ne bulelela buebe, bualu uvua muvuluke dilaya diebe, mutuvua katuyi batekemene.

Misambu 34:15

epuke bubi, enze bimpe, asuminyine ne dikeba bupole mu bantu.

Ekesode 20:24

Kadi nungenzele tshilambuilu tshibaka ne buloba. Pa mutu patshi nundambuilepu milambu ya kuosha ne ya ditua ndondu, nusungula munkatshi mua ngombe, mbuji ne mikoku yenu. Miaba yonsu indi mumuambile bua nuenu kuntendelela, nengikale munkatshi muenu bua kunuela lupemba.

Danyele 6:10

Ke mukalenga wa bakalenga Daryaveshe kufunda dina diende pa mukanda, uvua ne mukenji awu.

Danyele 9:18

Mvidi Mukulu wanyi, teleja, tangila ne ntema. Umone mudi tshimenga tshietu tshibutuke, tshimenga tshidi tshikujidila. Katuena tukusengelela bualu tudi bantu bimpe to, kadi bualu wewe udi ne dinanga dia kashidi.

Zekâya 12:4

Dituku adi, nenkuatshishe tubalu tuabu bowa bukole, nempadishe babandi ba pa tubalu ne bowa. Nentabalele bena Yuda, kadi nemfofamije tubalu tua bantu ba bisamba bikuabu. Meme ndi ngamba nanku.

Dielulula 12:11

Diba adi, muaba wikala Maweja-Nangila Mvidi Mukulu wenu musungule bua kusomba, nenumutuadile milambu eyi mishilangane, imvua munuambile: ya kuosha, ya bobumue, ya tshia dikumi tshia bintu bia mu madimi, ya budisuile, ne ya mapiku, inuvua bamulaye.

Dielulula 12:14

Milambu ayi, nuyilambuile anu muaba wa tshijila wikale Maweja-Nangila musungule mu buloba bua tshisamba tshimue tshia ku bisamba bienu. Muaba awu, ke unudi mua kukumbajila bionsu bindi nnuambila.

Dielulula 12:5

Mu buloba bua bisamba bienu, Maweja-Nangila neasungule muaba anu umue, muaba udiye musue kusomba bua numonangane nende, numutendelelemu.

Dielulula 16:2

Nanku nyama ya mu bikumbi inudi mua kulambula mu tshibilu etshi nyoyi eyi: ngombe, mikoku ne mbuji. Kadi nuyilambule anu muaba wikalaye musungule bua nuenu kumonangana nende.

Dielulula 16:6

Kadi nudi mua kulambula milambu eyi, anu mu tshimenga tshikala Maweja-Nangila musungule bua nuenu kumonangana nende. Nuyilambule dilolu diba dimane kubuela, bualu ke diba dinuvua bapatuke mu Ejipitu.

Dielulula 26:2

muntu yonsu wa kunudi angate tshitupa tshia biakudia bia tshianyi, bidiye mudime mu ditunga adi. Abiele mu tshisaka, atshiteke muaba wikala Maweja-Nangila Mvidi Mukulu wenu musungule bua kumonangana nenu.