1 Bakalenga 8:27 - MUKANDA WA MYIDI MUKULU

²⁷ “Kadi Maweja-Nangila udi mua kusomba pa buloba anyi? Diulu, nansha diodi dialabale, kadiena mua kumukumbana to! Mudiye mua kusomba mu kazubu kandi muibake aka mbishi?

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Kadi Nzambi neitabushe bua kuikaleye ha buloba, anyi? Monai, diulu ne diulu ditamba mulu kaena makukumbane, ka nsubu eu unakukuashila neikale muhite bukese!

1 Bakalenga 8:27 ပူးပေါင်းရင်းမြစ်များ

2 Kulondolola 2:5

Muntu nansha umue kena mua kumuashila nzubu to, bualu diulu, nansha diodi dialabale, ndikese bualu buende. Meme tshiena mua kuamba ne: ndi ngashila Maweja-Nangila nzubu to. Kadi ndi ngasa muaba wa ditendelela, udibu mua kumulambula milambu.

2 Kulondolola 2:6

Nanku, untumine muntu udi mumanye bimpe mua kuenza bintu ne tshiamu tshia mpawungi, ne tshiamu tshitoke tshia mushinga mukole, ne tshiamu tshikunze, kabidi ne biamu bikuabu. Muntu awu, ikale mumanye kabidi mua kutela bilamba bilaba kakula, bikunze kunzuu, bifikuluke, mumanye kabidi mua kuzola bintu mu biamu. Muntu awu, neenze mudimu pamue ne bantu banyi badi bamanye bimpe mua kuenza midimu ayi, bavua tatu wanyi Davide muangate ku mudimu. Bantu abu mbasombe mu Yerushalayime, nansha muaba mukuabu mu ditunga dia Yuda.

2 Kulondolola 6:18

“Kadi, bulelela Maweja-Nangila udi mua kusomba ne bantu pa buloba anyi? Diulu, nansha mudidi dinene, didi amu dikese bualu buende. Nansha kazubu ka Mvidi Mukulu kandi muibake aka, kadi kakese katambe.

Misambu 113:4

Maweja-Nangila udi ku mutu kua bisamba bionsu bia bantu, butumbi buende mbupite too ne diulu.

Misambu 148:4

Tshibuashibuashi tshia mulu, nuenu kabidi mayi adi madiunguije mulu, numutumbishe.

Misambu 68:33

Nuenu bakalenga ba pa buloba, imbilayi Mvidi Mukulu misambu, tumbishayi Maweja-Nangila.

Yeshaya 66:1

Maweja-Nangila udi wamba ne: “Diulu didi nkuasa wanyi wa bukalenga, buloba ntshitekelu tshia makasa anyi. Nzubu unudi mua kungashila meme, nnzubu kaayi? Muaba undi meme mua kusomba mmuaba kaayi?

Yirmeya 23:24

Maweja-Nangila udi webeja ne: pikala muntu usokoma, tshiena ne mushindu wa kumumona anyi? Ndi miaba yonsu: mu diulu ne pa buloba. Kanuena bamanye bualu ebu anyi?

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Bienzedi 17:24

Mvidi Mukulu udi mufuke bukua panu ne bionsu bidipu, Yeye ke Mfumu wa diulu ne wa buloba. Kena usomba mu nzubu idi bantu bibaka.

2 Korente 12:2

Ndi mumanye muena Kristu kampanda, uvuabu bambule, baye nende mu diulu muamua menemene, kukadi bidimu dikumu ne binayi. (Tshiena mumanye ne: uvua muye ne mubidi wende anyi Mvidi Mukulu mumuleje mu lungenyi malu a kuaka. Mvidi Mukulu nkayende ke udi mumanye.)

2 Korente 6:16

Mutudi mua kutendelela mvidie ya bisamba bikuabu mu nzubu wa Mvidi Mukulu mbishi? Bualu tudi nzubu wa Mvidi Mukulu udi ne muoyi. Ke pavua Mvidi Mukulu mene muambe ne: “Nengase nzubu wanyi munkatshi muabu, nengendakane nabu miaba yonsu. Nengikale Mvidi Mukulu wabu, bobu nebikale bantu banyi.”

Dielulula 10:14

Diulu dijima, buloba ne bionsu bidipu, mbintu bia Maweja-Nangila Mvidi Mukulu wenu.

1 Yone 3:1

Monayi dinanga dipite bunene didi Tatu mutunange nadi! Bualu badi batuinyika ne: mbana ba Mvidi Mukulu. Bushuwa, tudi bana bende. Bukua panu mbutupange, bualu kabuvua bumanye Mvidi Mukulu.