1 Bakalenga 8:2 - MUKANDA WA MYIDI MUKULU

² Ke bena Izrayele bonsu kudisangisha kabidi muaba uvua mukalenga Shelomu, bua kuenza tshibi lu tshia ngondu wa Etanime, mmumue ne: ngondu wa muanda mutekete.

Mukanda wa Nzambi Dihungila Dikulukulu ne Dihungila Dihia-dihia 2003

² Bena Isalele bonso bakadisangisha kudi mukelenge Solomo bua kudiabo bidia bia disanka mu ngondo wa Etanima udi ngondo wa muanda mutekete.

1 Bakalenga 8:2 ပူးပေါင်းရင်းမြစ်များ

1 Bakalenga 12:32

Yerobowame kujadika bua bikale benza tshibilu mu matuku dikumi ne atanu a ngondu wa muanda mukulu. Tshibilu atshi, tshivua mushindu umue ne tshivuabu benza mu buloba bua bena Yuda. Kabidi Yerobowame nkayende uvua ulambula milambu pa tshilambuilu. Ke tshivua Yerobowame wenza mu Betele. Uvua ulambuila mpingu ya tuana tua ngombe tuvuaye wenza milambu ayi. Batuangaji bakuabu bavuaye musungule bua kuenzabu mudimu miaba ya tshijila, uvua mubateke ne mu Betele amu.

1 Bakalenga 8:65

Anu tshikondu atshi, Shelomu ne bena Izrayele bonsu, bavua muaba awu bapite bungi, kuenzabu tshibilu tshia tuzubu tua Bisasa. Bena Izrayele abu, bavua bafumine mu ditunga dijima dia bena Izrayele, biangatshile ku Lebo-Amate ku mutu mu ditunga, too ne ku musulu wa Ejipitu udi kuinshi mu ditunga. Nanku, munkatshi mua matuku muanda mutekete, bena Izrayele kuenza tshibilu atshi muaba uvua Maweja-Nangila Mvidi Mukulu.

2 Kulondolola 5:3

Nanku, bena Izrayele bonsu kudisangisha kabidi bua kuenza tshibilu tshia ngondu wa muanda mutekete.

Ezela 3:4

Pashishe, bena Izrayele kuenza tshibilu tshia tuzubu tua Bisasa, bu mudibu bafunde. Bavua balambula milambu ya kuosha bungi bukumbane ku dituku dionsu.

Lewitiki 23:34

bua amanyishe bena Izrayele mikenji idi ilonda eyi ne: “Biangatshile ku matuku dikumi ne atanu a ngondu wa muanda mutekete, nenungenzele tshibilu tshia tuzubu tua Bisasa lumingu lujima, bua kunnemeka.

Yowanane 7:2

Tshibilu tshia bena Yuda tshia tuzubu tua Bisasa tshikavua pabuipi.

Yowanane 7:37

Dituku dia ndekelu dia tshibilu divua dituku dinene dipite. Dituku adi, Yezu kuimana kulu kumpala kua bantu tshisumbu tshinene, wela diyi dikole ne: — Pikala muntu ne nyota, alue kundi, anue.

Dielulula 16:13

Nuenu bamane kushipula ntete ya kuenza bukula, bamane kukama kabidi tumuma tua mvinyo, bajikije, nuenze tshibilu tshia tuzubu tua Bisasa matuku muanda mutekete malondangane.