1 Bakalenga 8:1 - MUKANDA WA MYIDI MUKULU

¹ Diba adi, mukalenga Shelomu kubikila bakulu ba bena Izrayele bonsu, bamfumu bavua ku mutu kua bisamba, ne bavua ku mutu kua meku a kale onsu. Kufikabu mu Yerushalayime, muaba uvua mukalenga Shelomu, bua kuambula mushete wa ndondu wa Maweja-Nangila uvua mu Tshimenga tshia Davide, tshivuabu kabidi babikila ne: Siyone, ne bua kuya kuuteka mu nzubu wa Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Solomo wakasangisha bakulu bonso ba mu Isalele, ne bonso bakadi ku mutu kua bisamba biabo, ne tuhita tuakadi ku mutu kua nsubu ya Bena Isalele, kudi mukelenge Solomo mu Yelushalema, bua kuluabo ne mushete wa tshihungidi tshia mei a Yehowa mu musoko wa Davidi, Siona mene.

1 Bakalenga 8:1 ပူးပေါင်းရင်းမြစ်များ

2 Samuele 6:6

Bafika pabuipi ne tshishipuilu tshia ku Nakone ngombe ivua ikeba kudishinda ne mushete wa tshijila. Uza kukuata mushete bua kaukuluki.

1 Bakalenga 2:10

Mukalenga Davide kufua. Kumujiikabu mu tshimenga tshiende, mu Yerushalayime.

1 Bakalenga 3:15

Shelomu ubika ku tulu, kumanyaye ne: Mvidi Mukulu mmuyukile nanyi mu tshilota. Kupinganaye ku Yerushalayime, kuimanaye kumpala kua Maweja-Nangila, kumpala kua mushete wa ndondu. Shelomu kulambula Mvidi Mukulu milambu ya kuosha, ne ya bobumue. Pashishe kulambishilaye balombodi ba mu bukalenga buende bonsu biakudia bia disanka.

1 Kulondolola 11:7

Davide kuya kusomba mu tshimenga tshibaka ne bimana bikolesha. Ke padibu batshinyika ne: “Tshimenga tshia Davide.”

1 Kulondolola 15:25

Davide, bakulu ba bena Izrayele, ne balombodi ba bisumbu bia bena mvita, bavua baya ne disanka kuangata mushete wa ndondu wa Maweja-Nangila, kua Obede-Edome.

1 Kulondolola 15:29

Diba divuabu bafika ne mushete mu Tshimenga tshia Davide, Mikale, muana wa bakaji wa Shawule, uvua mutangile pa dididishi. Kumonaye Davide uja maja a disanka. Kupepejaye Davide bikole.

1 Kulondolola 15:3

Davide kusangisha bena Izrayele bonsu mu Yerushalayime, bua kuangata mushete, kuuteka muaba uvuabu bakongoluele.

1 Kulondolola 28:1

Mukalenga Davide kukungija bamfumu bonsu ba bena Izrayele mu Yerushalayime: bamfumu ba bisamba, balombodi ba midimu misanga ya mu bukalenga, balombodi ba bisumbu binene ne bikese bia bena mvita, balombodi ba balami ba madimi, mpangu ne nzubu, ne bisumbu bia nyama ya mukalenga ne ya bana bende, bantu banene ba mu lubanza lua bukalenga, bena mvita ba bukitu, ne bantu bakuabu bonsu ba mushinga.

2 Kulondolola 30:1

Mukalenga Izkiya kuyukila ne bakulu ba mu ditunga diende, pamue ne bena tshipangu tshia mu Yerushalayime bonsu, bua kumanya ne: mudi mushindu wa kuenza tshibilu tshia Dipita dia Maweja-Nangila mu ngondu muibidi wa tshidimu anyi? Bualu kabavua mua kuenza tshibilu atshi mu matuku a tshibidilu to, batuangaji bavua bajikije kumusha mikiya yabu kabayi bakumbane. Kabidi bena Izrayele kabavua badisangishe lukasa mu Yerushalayime to. Nanku mukalenga Izkiya ne bakulu bonsu bavua muaba awu, kuitaba lungenyi alu. Kujadikabu mua kubikila bena Izrayele bonsu: ba kuinshi mu ditunga, ne ba ku mutu, bua bafike mu Yerushalayime, bua kuenza tshibilu tshia Dipita dia Maweja-Nangila. Bualu anu bantu bakese batshivua benza tshibilu etshi, bilondeshile mudibu bafunde. Mukalenga Izkiya kutuma bantu mu buloba bonsu bua Izrayele ne bua Yuda, bua kuambila bantu ne: nufike mu nzubu wa Mvidi Mukulu, nuenze tshibilu, bua kutumbisha Maweja-Nangila Mvidi Mukulu wa bena Izrayele. Izkiya uvua mufundile kabidi bisamba bia ku mutu wa ditunga mukanda wa dibabikila.

Ezela 3:1

Bena Izrayele bonsu bamane kusomba mu bimenga biabu, kumvuanganabu diyi dimue dia kusangila bonsu mu Yerushalayime, ngondu wa muanda mutekete wa tshidimu.

Misambu 102:21

bua kuteleja muadi wa bena lukanu, ne kusungidila badibu bakosela tshibawu tshia lufu.

Misambu 9:11

Maweja-Nangila, bantu badi bamanye muudi, badi bakutekemena, bualu kuena ulekela badi bafika kuudi.

Yeshaya 28:16

Kadi umvuayi mudi Maweja-Nangila Mvidi Mukulu wamba: “Ndi nteka dibue dia tshitaku mu Siyone, dibue dia kunuteta nadi, dibue dia mushinga dia mu ditumba, didibu kabayi mua kunyungisha. Pa dibue edi mpafunde ne: muntu yonsu udi utekemena kundi, kena unyunga to.

Yeshaya 46:13

Malu aa kaena kabidi nenu kule to. Akadi pa kukumbana amu mpindiewu! Lupandu kaluena lunengakana. Meme mene ndi mfika nalu mu Siyone. Eyowa, ndi ntuadila bena Izrayele tshitupa tshia butumbi buanyi.

Dibadika 1:4

Nuangate mfumu wa diku ku tshisamba tshionsu bua anuambuluishe.

Yoshua 23:2

Nanku kubikidishaye bena Izrayele bonsu, too ne bakulu babu, bamfumu babu, balumbuluishi babu, ne balombodi ba bena mvita babu. Kubambilaye ne: — Meme ndi mumane kukulakaja mupue.

Yoshua 24:1

Yoshuwa kukunguja bisamba bionsu bia bena Izrayele ku Shekeme. Kubikidishaye bakulu, bamfumu, balumbuluishi, ne balombodi ba bena mvita ba bena Izrayele. Kufikabu bonsu muaba uvua Mvidi Mukulu.

1 Petro 2:6

Bualu badi bafunde mu Mukanda wa tshijila ne: “Ndi mudisunguile dibue dia mushinga mukole, dindi nteka mpindiewu bu dibue dia mu ditumba pa mukuna wa Siyone. Udi utekemena kudidi, kakufua bundu musangu nansha umue.”