1 Bakalenga 7:51 - MUKANDA WA MYIDI MUKULU

⁵¹ Mukalenga Shelomu mumane kujikija midimu yonsu ya dibaka nzubu wa Maweja-Nangila, kuangataye binta bionsu bivua tatuende Davide mujidile Maweja-Nangila: biamu bitoke bia mushinga mukole, tshiamu tshia mpawungi, ne bintu bia mishindu yonsu, kubitekaye mu tshibambalu tshia mu nzubu wa Mvidi Mukulu tshivuabu batekela bintu bionsu bia mushinga mukole.

Mukanda wa Nzambi Dihungila Dikulukulu ne Dihungila Dihia-dihia 2003

⁵¹ Nunku mudimu wakenza mukelenge Solomo mu nsubu wa Yehowa wakashikishibua. Solomo wakalua ne bintu bionso biakajidila tatu wandi Davidi Nzambi, bintu bia argent ne bia or ne malonga onso, wakabiteka mu bibu tshilu bia mu nsubu wa Yehowa.

1 Bakalenga 7:51 ပူးပေါင်းရင်းမြစ်များ

1 Bakalenga 15:15

Uvua ubueja mu nzubu wa Maweja-Nangila milambu ivuabu balambula Maweja-Nangila kudi tatuende Abiyame, ne ivuaye mulambule yeye mene. Milambu ayi ivua ya tshiamu tshitoke tshia mushinga mukole, ne tshiamu tshia mpawungi, ne ya bintu bikuabu bishilangane.

1 Bakalenga 6:14

Bena mudimu bamane kujikija dibaka dia nzubu wa Mvidi Mukulu bu muvua Shelomu mubambile,

1 Bakalenga 6:9

Bua kujikija diasa dia nzubu wa Mvidi Mukulu, kuenzabu tshisasa ne mabaya manene ne makese a mutshi wa sedre.

2 Bakalenga 25:15

Nebuzaradane kuangata kabidi bintu bionsu bia tshiamu tshia mpawungi, ne bia tshiamu tshitoke tshia mushinga mukole: mbabula, ne makopu a kumiamina nawu.

2 Kulondolola 5:1

Shelomu mumane kujikija midimu ya diasa nzubu wa Maweja-Nangila, kuangataye bintu bionsu bivua tatuende Davide mulambule Maweja-Nangila: tshiamu tshitoke tshia mushinga mukole, tshiamu tshia mpawungi, ne bintu bikuabu bia mishindu yonsu, kubitekaye mu tshibambalu tshia nzubu wa Mvidi Mukulu, tshivuabu bateka bintu bionsu bia mushinga mukole.

2 Kulondolola 8:15

Midimu yonsu ya batuangaji, nansha ya bena Levi, bavua bayenza amu muvua Davide muambe, too ne ya kulama biuma bia mu ditunga.

Ezela 6:15

Bavua bajikija kuibaka nzubu wa Mvidi Mukulu dituku disatu dia ngondu wa Adare, pavua Daryaveshe, mukalenga munene mumane kulala mu bukalenga bidimu bisambombu.

Ekesode 40:33

Pashishe Moshe kuasa lupangu luvua lunyungulula ntenta wa kusambakena ne tshilambuilu. Kulembelejaye tshilamba mu mushiku wa mbelu wa lupangu alu. Mudimu uvua Moshe muenze kujikawu.

Zekâya 4:9

“Zerubabele mmubange kuasa tshitaku tshia nzubu wa Mvidi Mukulu; neajikije mudimu wa kuasa nzubu ewu.” Padi malu aa enzeka, nenumanye ne: Maweja-Nangila wa bukole buonsu ke uvua muntume kunudi.