1 Bakalenga 7:50 - MUKANDA WA MYIDI MUKULU

⁵⁰ malongu, binta bia kusukula nabi miendu, makopu a kumiamina nawu, makopu makuabu ne mbabula, bia tshiamu tshia mpawungi menemene; biamu bia biibi bia ku tshibambalu tshivuabu babikila ne: muaba wa tshijila menemene, ne bia ku biibi bia tshibambalu tshinene, bia tshiamu tshia mpawungi.

Mukanda wa Nzambi Dihungila Dikulukulu ne Dihungila Dihia-dihia 2003

⁵⁰ makoho ne lukuatu lua kujima nʼalu minda, ne bihanza ne nkutu ne malonga a kutekamu kahia biakadi bia or; ne biamu bia bibi bionso bia mu nsubu ne bia ku muaba mutambe wa tshijila biakadi bia or.

1 Bakalenga 7:50 ပူးပေါင်းရင်းမြစ်များ

2 Bakalenga 12:13

bibaki, ne basongi ba mabue. Makuta awu, batangidi ba midimu ayi, bavua basumba nawu kabidi mabaya ne mabue masonge. Nanku bavua baatula anu bua midimu ya kulongolola nzubu wa Mvidi Mukulu.

2 Bakalenga 25:15

Nebuzaradane kuangata kabidi bintu bionsu bia tshiamu tshia mpawungi, ne bia tshiamu tshitoke tshia mushinga mukole: mbabula, ne makopu a kumiamina nawu.

Ekesode 25:29

Wenza bintu ebi ne tshiamu tshia mpawungi: malongu masalame, makopu, ngesu ne mabungu a kulambuila maluvu.

Ekesode 25:38

Nanku, nkala ne tulongu tukese bikale anu bia tshiamu tshia mpawungi nkayatshi.

Ekesode 27:3

Wenze bintu bia kuenza nabi mudimu mu tshilambuilu ne tshiamu tshikunze: tshintu tshia kuboya natshi butu, bikasu, malongu, nkala bua kuambula munyinyi, wenze kabidi ne mbabula.

Yirmeya 52:19

Mulombodi wa bena mvita balami, uvua muangate kabidi bintu bionsu bivuabu benza ne tshiamu tshia mpawungi ne bia tshiamu tshitoke tshia mushinga mukole: ke malongu makese, mbabula, makopu a kumiamina nawu, ngesu ya kuboya nayi butu, bitekelu bia miendu, makopu ne ngesu mikuabu.

Yezekiyele 41:4

Uvua mupime kabidi muaba wa tshijila menemene. Uvua ne bule bua metre dikumi ku nseke yonsu. Pashishe, kungambilaye ne: ke muaba wa tshijila menemene.

Lewitiki 16:12

Neambule makala a kapia adi pa tshilambuilu tshia muaba wa tshijila, ela mu mbabula. Neambule manza abidi a musenga wa manananshi. Neaye ne bionsu ebi panyima pa tshilamba tshidi tshilembeleja muaba wa tshijila menemene.

Zekâya 14:20

Dituku adi, nebafunde too ne pa ndibu ya tubalu ne: “Tshintu tshia tshijila tshia Maweja-Nangila”. Ngesu ya mu nzubu wa Mvidi Mukulu, neikale kabidi ya tshijila, anu mudi makopu a kumiamina nawu, adibu bateka kumpala kua tshilambuilu.

Dibadika 7:86

Dikopu dimue dia tshiamu tshia mpawungi divua dia bujitu bua grame 100. Nanku, makopu onsu dikumi ne abidi avua ne bujitu bua grame 1.200. Avua muwule ne manananshi tente.