1 Bakalenga 7:46 - MUKANDA WA MYIDI MUKULU

⁴⁶ Bavua bengulula biamu ebi munda mua buloba mu tshibandabanda tshia Yardene, pankatshi pa musoku wa Sukote ne wa Sartane,

Mukanda wa Nzambi Dihungila Dikulukulu ne Dihungila Dihia-dihia 2003

⁴⁶ Mukelenge wakafudila biamu ebi bionso mu maloba a dime a mu mpata wa Yadene, hankatshi ha Sukota ne Saletana.

1 Bakalenga 7:46 ပူးပေါင်းရင်းမြစ်များ

Genese 33:17

Kadi Yakobe kuya ku Sukote. Kuasayemu nzubu, kuibakilamu kabidi bimuna bikumbi. Ke padibu babikila muaba awu ne: Sukote, mbuena kuamba ne: bikumbi.

1 Bakalenga 4:12

Baana, muana wa Akilude, uvua ulombola buloba bua bimenga bia Tanake ne Megido, ne buloba bujima bua Betesheyane (Buloba bua Betesheyane budi bufika ku Sartane, kuinshi kua Yizreyele. Buloba ebu mbualabale ku Betesheyane too ne ku Abele-Mekola, too ne dishiya dia Yokneyame).

2 Kulondolola 4:17

Bavua bengulula biamu abi munda mua buloba mu tshibandabanda tshia Yardene, pankatshi pa musoku wa Sukote ne wa Seredata.

Yoshua 13:27

Mu tshibandabanda tshia musulu wa Yardene muvua kabidi Bete-Arame, Bete-Nimra, Sukote ne Safone, misoku ya mu bukalenga bua Sihone, uvua mukalenga mu Eshebone. Buloba ebu buvua luseke ludi diba dipatukila lua musulu wa Yardene. Musulu wa Yardene awu uvua wenza mukalu too ne ku dijiba dia Ngenesarete didi ku mutu wa ditunga.

Yoshua 3:16

ke musulu kukosoloka. Mayi kuimana dibula kule ku mutu wa musulu mu tshimenga tshia Adame, tshidi pabuipi ne tshimenga tshia Sartane. Mayi avua apueka kuinshi, aya kubuela mu Mayi manene a luepu, kujiminawu onsu butubutuu. Bena Izrayele kusabuka, balulamangane ne tshimenga tshia Yeriko.