1 Bakalenga 7:40 - MUKANDA WA MYIDI MUKULU

⁴⁰ Irame mumane kuenza malongu, bikasu, ne makopu a kumiamina nawu, ne bintu bionsu bia ku nzubu wa Mvidi Mukulu bivua Shelomu mumuambile bua kuenza, kujikabi. Irame uvua muenze bintu ebi:

Mukanda wa Nzambi Dihungila Dikulukulu ne Dihungila Dihia-dihia 2003

⁴⁰ Hilama Wakenza biowelu ne nkasu ne bihanza. Nunku Hilama wakamana mudimu wonso wakenzeleye mukelenge Solomo mu nsubu wa Yehowa:

1 Bakalenga 7:40 ပူးပေါင်းရင်းမြစ်များ

1 Bakalenga 7:28

Bavua benza matempu awu mushindu ewu: bavua balamakaja bitata bia tshiamu tshikunze ku milonda ivuabu batshiamakaja.

1 Bakalenga 7:39

Matempu atanu avua ne malongu manene, kuatekabu ku dia balume dia nzubu wa Mvidi Mukulu. Matempu makuabu atanu, kuatekabu ku dia bakaji. Dilongu dinene dia tshijengu, kuditekabu luseke ludi diba dipatukila lua nzubu wa Mvidi Mukulu, pabuipi ne ditumba divua ditangila kuinshi.

1 Bakalenga 7:41

makunji abidi; mitu ya makunji ibidi mifuanangane ne makopu a kuteka ku mutu kua makunji; bilengejilu bibidi bifuanangane ne makondu bia kubuikila, ku nsongu ya mitu ya makunji ivua mifuanangana ne makopu;

1 Kulondolola 18:8

Kunyengaye kabidi biamu bikunze bia bungi, bivua mu tshimenga tshia Tibate ne tshia Kune. Bimenga ebi bivua ku bumfumu bua Adadezere. Kunyima kua bidimu, Shelomu uvua muenze ne tshiamu tshikunze atshi, dilongu dinene dia tshijengu, makunji ne bintu bionsu bia kuenza nabi mudimu mu nzubu wa Mvidi Mukulu.

2 Kulondolola 4:6

Kuenzabu malongu manene dikumi a tshiamu tshikunze. Kutekabu malongu atanu ku dia balume dia nzubu wa Mvidi Mukulu, atanu ku dia bakaji, bua kuowelamu mayi. Bavua basukuilamu milambu ya kuosha, ivuabu balambula. Mayi avua mu dilongu dinene dia tshijengu, batuangaji ke bavua bawowa.

2 Kulondolola 4:8

Kuenzabu mesa dikumi, kuatekabu kabidi mu tshibambalu tshinene, atanu ku dia balume, makuabu atanu ku dia bakaji. Kuenzabu makopu lukama a tshiamu tshia mpawungi a kumiamina nawu.

Ekesode 24:6

Moshe kuangata mashi a nyama ayi kuela mu dilongu. Makuabu kuamiaminaye ku tshilambuilu.

Ekesode 27:3

Wenze bintu bia kuenza nabi mudimu mu tshilambuilu ne tshiamu tshikunze: tshintu tshia kuboya natshi butu, bikasu, malongu, nkala bua kuambula munyinyi, wenze kabidi ne mbabula.