1 Bakalenga 7:4 - MUKANDA WA MYIDI MUKULU

⁴ Ku luseke luonsu lua nzubu, kuvua milongu isatu ya madidishi, mashiya masosu masosu. Madidishi onsu avua matangilangane mu milongu isatu mishilangane.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Wakadi ne biluwa bia bibi bia ha masoso a nsubu mu milongo isatu, masoso adi matangilangane mu milongo isatu.

1 Bakalenga 7:4 ပူးပေါင်းရင်းမြစ်များ

1 Bakalenga 6:4

Mu bimana bia ku nzubu wa Mvidi Mukulu muvua madidishi a mabue, mashiya masosu masosu!

1 Bakalenga 7:3

Tshisasa tshienza ne mitshi ya sedre kabidi, tshivua tshilamakaja ku mabaya manene makumi anayi ne atanu avua matshiamakaja — Kuvua milongu isatu ya mabaya dikumi ne atanu, — avuabu bateka pa makunji.

1 Bakalenga 7:5

Biibi bionsu ne mabaya abi bivua bia matumba anayi, bitangilangane kabidi miaba isatu.

Yeshaya 54:12

Mitu ya bimana biebe nenyibake ne mabue makunze, mishiku ya mbelu ne mabue adi akenka. Nenkoleshe bimana bionsu ne mabue a mushinga mukole!

Yezekiyele 40:16

Madidishi avuabu bakoleshe ne tukanu avua ku bimana bia pa mbelu bia bibambalu, ku bimana bivua bikosolola bibambalu, too ne ku bimana bia tshibambalu tshinene tshia ndekelu. Madidishi onsu aa avua amueneka pambelu makese, kadi munda mikale manene. Bavua bazola malala a mabue ku bimana bia munda mua bibambalu.

Yezekiyele 40:22

Tshibambalu tshinene, madidishi, ne malala a mabue bivuabu bazole, bivua mushindu umue ne bia tshiibi tshikuabu. Bua kufika ku tshiibi tshia ku mutu, bavua ne bua kubanda bibandilu muanda mutekete. Ku ndekelu kua tshibuelelu kuvua kabidi tshibambalu tshinene bua kufika mu lubanza lua pa mbelu.

Yezekiyele 40:25

Muaba awu kabidi kuvua madidishi ku nseke yonsu ya tshiibi, ne ku tshibambalu tshinene. Avua a mushindu umue ne avua ku luseke ludi diba dipatukila lua nzubu, ne avua ku luseke lua ku mutu wa nzubu. Bule bua tshibuelelu tshijima buvua bua metre makumi abidi ne atanu, butshiama bua metre dikumi ne abidi ne tshitupa.

Yezekiyele 40:29

Bibambalu bia balami, bimana bivua bikosolola bibambalu, tshibambalu tshinene, bionsu abi bivua mushindu umue mu bule ne mu butshiama ne bivua ku biibi bikuabu. Madidishi avua ku nseke yonsu ya tshibambalu tshinene. Tshibuelelu tshijima tshivua ne bule bua metre makumi abidi ne atanu. Butshiama buatshi buvua ne metre dikumi ne abidi ne tshitupa.

Yezekiyele 40:33

Bibambalu bia balami, bimana bitata bikosolola bibambalu, ne tshibambalu tshinene, bionsu bivua anu bule ne butshiama bumue ne bia ku biibi bikuabu. Madidishi avua ku nseke yonsu ya tshiibi, ne ya tshibambalu tshinene. Tshibuelelu tshijima tshivua ne bule bua metre makumi abidi ne atanu. Butshiama buatshi buvua bua metre dikumi ne abidi ne tshitupa.

Yezekiyele 40:36

Ku tshiibi atshi kuvua kabidi bibambalu bia balami, bimana bivua bikosolola bibambalu, tshibambalu tshinene, ne madidishi nseke yonsu. Bule bujima bua tshibuelelu buvua metre makumi abidi ne atanu, butshiama buatshi metre dikumi ne abidi ne tshitupa.

Yezekiyele 41:26

Ku bimana bia tshibuelelu kuvua madidishi, avuabu bakoleshe ne tukanu. Bavua bazolaku kabidi bimfuanyi bia malala a mabue.