1 Bakalenga 7:29 - MUKANDA WA MYIDI MUKULU

²⁹ Bavua balengeja bitata ne milonda ne bimfuanyi bia nyama ya ntambue, ya ngombe milume, ne bia bakerubine. Kadi, muinshi mua nyama ya ntambue ne ya ngombe milume, bavua bafula, balembelejamu mukaba ne nkanu.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ bakenza bifuanyikishi bia nyama ya ntambue ne bia ngombe ne bia bakeluba ha mutu ha nseke yonso; bakenza mibangu diatshimue; bakenza bisumbu bia bilongo bilembelela muinshi mua nyama ya ntambue ne ngombe.

1 Bakalenga 7:29 ပူးပေါင်းရင်းမြစ်များ

Genese 3:24

Maweja-Nangila Mvidi Mukulu mumane kuipata muntu mu lupangu lua Edene, kutekaye Bakerubine mu lupangu amu ne muela utema kapia. Bavua bimane ku tshibuelelu tshia lupangu luseke ludi diba dipatukila, bakandika bua muntu kafiki muaba uvua njila wa ku mutshi wa muoyi.

1 Bakalenga 6:27

Kutekabu bakerubine munkatshi mua tshibambalu tshiena ne mushete wa ndondu. Bakerubine abu bavua bolola mapuapua. Dipuapua dia Kerubine wa kumpala divua dilenga ku tshimana tshimue tshia tshibambalu atshi. Dipuapua dia Kerubine muibidi divua dilenga ku tshimana tshikuabu. Kadi mapuapua makuabu abidi avua malengangane munkatshi mua tshibambalu.

1 Bakalenga 7:25

Dilongu divua diteka pa ngombe milume ya tshiamu tshikunze dikumi ne ibidi. Ngombe isatu ivua mienza mitangila ku mutu, isatu mitangila luseke ludi diba dibuelela, isatu mitangila kuinshi, ne mikuabu isatu mitangila luseke ludi diba dipatukila. Kadi, ngombe ayi yonsu ivua miela nyima ku dilongu, miongu yayi mikale muinshi mua dilongu.

1 Bakalenga 7:28

Bavua benza matempu awu mushindu ewu: bavua balamakaja bitata bia tshiamu tshikunze ku milonda ivuabu batshiamakaja.

1 Bakalenga 7:30

Ditempu dionsu, divua ne nkata inayi ya tshiamu tshikunze, milamakaja ne milonda minene ya tshiamu tshikunze. Milonda minene ayi, bavua bayibueja mu makasa mu matumba. Ku ditumba dionsu kuvua dikasa. Bavua batule makasa anayi aa anu malamakana ne milonda ya ditempu. Makasa kaavua apita mukaba wa nkanu ivua ne bilongu to.

Ekesode 25:18

Kadi, pa tshibuikidiji tshia mushete apu, ku nseke ibidi ya mu bule buawu, wenzapu mpingu ibidi ya tshiamu tshia mpawungi, ileja Bakerubine.

Ekesode 37:7

Pa tshibuikidiji apu, uvua muenzepu Bakerubine babidi ba tshiamu tshia mpawungi. Bavua ku ndekelu kua tshibuikidiji atshi nseke yonsu ibidi.

Yezekiyele 1:10

Nyama yonsu ivua ne mpala ya mushindu ewu: mpala wa muntu, wa nyama wa ntambue ku dia balume, wa nyama wa ngombe ku dia bakaji, ne mpala wa nyunyi wa tshiminyi.

Yezekiyele 10:14

Kerubine yonsu uvua ne mpala inayi: mpala wa kumpala uvua bu wa kerubine, mpala muibidi uvua bu wa muntu, mpala muisatu uvua bu wa nyama wa ntambue, mpala muinayi uvua bu wa nyunyi wa tshiminyi.

Osheya 5:14

Bualu meme Maweja-Nangila ndi nduisha bena Efrayime, bu mudi nyama wa ntambue. Ndi nduisha bena Yuda, bu mudi nyama wa tshikisu. Anu meme, meme nkayanyi, ke udi ubasunsula. Ndi ngambula minyinyi yabu. Kakuena udi mua kunnyenga minyinyi ayi to.

Ebrewu 9:5

Pa mutu pa mushete pavua Basherubine ba lumu, bavua baleja mpala wa Mvidi Mukulu. Mapuapua abu avua mabuikile muaba udibu bajimijila bantu mibi yabu. Kadi edi ki ndiba dia tuetu kuakula malu aa onsu ku bumue ku bumue nansha.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.

Didimanyisha 5:5

Ke umue wa ku bakulu kungamba ne: — Lekela muadi. Tangila: ntambue wa mu tshisamba tshia Yuda, wa ku ndelanganyi ya mukalenga Davide, udi mutshimune. Nanku Yeye udi mua kulamuna bitampi muanda mutekete ne kubulula mukanda.