1 Bakalenga 7:26 - MUKANDA WA MYIDI MUKULU

²⁶ Mupimbu wa dilongu adi uvua wa santimetre muanda mukulu. Bavua balengeje mibangu ya dilongu ne bintu bifuanangane ne mabeji a tshilongu tshia kapapa-nkole. Dilongu adi, divua dikumbana bua kuelamu mayi litre bu binunu makumi muanda mukulu.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Muhimbu watshi wakadi bu ntanta wa tshianza, wakadi mulengeshibue ne bilongo bu ku mishiku ya dikoho; tshiowelu tshiakamanya mua kûla tente ne bihiminu binunu bibidi.

1 Bakalenga 7:26 ပူးပေါင်းရင်းမြစ်များ

1 Bakalenga 6:18

Mabaya a munda mua nzubu wa Mvidi Mukulu avua malengaja, mazola bimuma bia mutshi wa kolokinte, ne bilongu bimane kutayika. Ku bimana bionsu, kuvua kulamika mabaya a mutshi wa sedre. Nanku, dibue dia ku tshimana nansha dimue kadivua dimueneka to.

1 Bakalenga 6:32

Ku bitupa bionsu bibidi bia tshiibi, bavua basongaku bakerubine, malala a mabue, ne bilongu bimane kutayika. Kubilamikabu tshiamu tshia mpawungi.

1 Bakalenga 6:35

Bavua basongamu kabidi bakerubine, malala a mabue, ne bilongu bimane kutayika. Kabidi bavua balamika tshiamu tshia mpawungi ku bintu bivuabu basonge ku biibi abi.

1 Bakalenga 7:19

Ku dikunji dionsu, kuvua mutu wa dikunji muibidi, muikale metre abidi mu butumbuke, mufuanangane ne tshilongu tshia kapapa-nkole.

1 Bakalenga 7:25

Dilongu divua diteka pa ngombe milume ya tshiamu tshikunze dikumi ne ibidi. Ngombe isatu ivua mienza mitangila ku mutu, isatu mitangila luseke ludi diba dibuelela, isatu mitangila kuinshi, ne mikuabu isatu mitangila luseke ludi diba dipatukila. Kadi, ngombe ayi yonsu ivua miela nyima ku dilongu, miongu yayi mikale muinshi mua dilongu.

1 Bakalenga 7:27

Pashishe Irame kuenza matempu dikumi a tshiamu tshikunze. Ditempu dionsu divua ne metre abidi mu bule, metre abidi mu butshiama, ne metre umue ne tshitupa mu butumbuke.

1 Bakalenga 7:38

Irame kuenza kabidi malongu manene dikumi a tshiamu tshikunze, a kuteka pa matempu dikumi. Dilongu dionsu divua butumbuke bua metre abidi, dikumbane mua kuelamu mayi litre bu tshinunu ne nkama isambombu.

2 Kulondolola 4:5

Mupimbu wa dilongu adi uvua wa santimetre muanda mukulu. Bayila balengeja mubangu wa dilongu anu bu mudibu balengeja dikopu dia tshiamu, ne bintu bifuanangane ne mabeji a kapapa-nkole. Dilongu dinene dia tshijengu adi divua dikumbane mua kuelamu mayi litre binunu lukama ne makumi abidi.

Ekesode 25:25

Wenzaku mabaya malamika tshiamu tshia mpawungi. Butshiama buawu buikale santimetre muanda mukulu. Mabaya adi manyunguluila mesa awu, ikale malamika tshiamu tshia mpawungi.

Yirmeya 52:21

Tshilejilu: dikunji dionsu divua bule bua metre tshitema ne nyunguluilu wa metre asambombu: divua munda muondoke, divua ne mupimbu wa tshiamu wa santimetre muanda mukulu.

Yezekiyele 45:11

Nuangate “efa” bua kupima ntete ya kuenza bukula, “bate” bua kupima bintu bia muendundu, kadi bidi ne bua kuikala bunene bumue bua tshia dikumi tshimue tshia “omere.” Omere ke tshipimu tshiudi ne bua kukuata natshi mudimu bua kujadika bunene bua bipimu bikuabu.

Yezekiyele 45:14

Nufile kabidi tshia lukama tshia mafuta anudi nuenza. Nupime mafuta ne bate, tshipimu tshia bintu bia muendundu. Bate udi tshia dikumi tshimue tshia omere, nansha tshia “kor.”