1 Bakalenga 7:23 - MUKANDA WA MYIDI MUKULU

²³ Diba adi, Irame kuenza dilongu dinene dia tshiamu tshikunze. Divua ne metre atanu mu bunene, metre abidi ne tshitupa mu butumbuke, ne nyunguluilu uvua ne metre dikumi ne atanu.

Mukanda wa Nzambi Dihungila Dikulukulu ne Dihungila Dihia-dihia 2003

²³ Wakenza tshiowelu tshia tshiamu tshiakafulabo bu tshijengu, bunene buatshi buakadi coudées dikumi, ne bule buatshi bua mulu buakadi coudées itanu; bulungu buatshi buakadi coudées makumi asatu.

1 Bakalenga 7:23 ပူးပေါင်းရင်းမြစ်များ

1 Bakalenga 7:22

Ke muvua Irame mujikije kuibaka makunji nanku.

1 Bakalenga 7:44

dilongu dikuabu dia tshijengu dipite bunene, ngombe milume dikumi ne ibidi ivua miambula dilongu dia tshijengu dinene adi;

2 Bakalenga 16:15

Pashishe, mukalenga Akaze, kutumina mutuangaji Uriya diyi, umuambila ne: — Bituadija ku mpindiewu, wikale wenzela mudimu ku tshilambuilu tshinene. Dinda dionsu, wikale ulambulapu mulambu wa kuosha, dilolu dionsu mulambu wa bukula. Wikale ulambuilapu kabidi milambu ya kuosha idi bantu bafila, pamue ne milambu ya bukula ne ya maluvu a mvinyo. Wele kabidi mashi a nyama ya milambu ayi ku tshilambuilu. Kadi, bua tshilambuilu tshia tshiamu tshikunze, meme nkayanyi nengambe tshitudi mua kuenza natshi.

2 Bakalenga 16:17

Mukalenga Akaze kukosa bitata bia tshiamu tshikunze bivua ku matempu a ku nzubu wa Mvidi Mukulu. Kumushaye malongu manene avua ku matempu aku. Kumushayi kabidi dilongu dinene dia tshijengu divua pa ngombe milume dikumi ne ibidi ya tshiamu tshikunze. Kuditekaye pa buloba bulamika mabue.

2 Bakalenga 25:13

Bena Babilone bavua bupule makunji a tshiamu tshikunze avua mu mushiku wa nzubu wa Mvidi Mukulu. Bavua banyangakaja kabidi matempu, ne dilonga dinene dia tshijengu dia tshiamu tshikunze, bivua mu lubanza lua nzubu wa Mvidi Mukulu. Kuyabu ne tshiamu tshikunze tshionsu atshi ku Babilone.

1 Kulondolola 18:8

Kunyengaye kabidi biamu bikunze bia bungi, bivua mu tshimenga tshia Tibate ne tshia Kune. Bimenga ebi bivua ku bumfumu bua Adadezere. Kunyima kua bidimu, Shelomu uvua muenze ne tshiamu tshikunze atshi, dilongu dinene dia tshijengu, makunji ne bintu bionsu bia kuenza nabi mudimu mu nzubu wa Mvidi Mukulu.

2 Kulondolola 4:2

Kuenzabu dilongu dinene dia tshijengu dia tshiamu tshikunze. Divua ne metre atanu mu bunene, metre abidi ne tshitupa mu butumbuke, ne nyunguluilu wadi uvua ne metre dikumi ne atanu.

Ekesode 30:17

Maweja-Nangila kuambila kabidi Moshe ne:

Ekesode 38:8

Bavua benza dilongu dinene. Dilongu adi ne tshitaku tshiadi, bivua anu bia tshiamu tshikunze, tshivua tshifuma ku mienu ya tshiamu tshikunze ya kudi bakaji bavua benza mudimu ku tshibuelelu tshia ntenta wa kusambakena.

Yirmeya 27:19

Pashishe, Maweja-Nangila udi ne malu a kuamba adi atangila makunji a nzubu wa Mvidi Mukulu, dilongu dinene dia tshijengu, malongu manene adi pa matempu, ne bintu bikuabu bionsu bidi bishale mu Yerushalayime.

Yirmeya 52:17

Bena Babilone kunyangakaja makunji a tshiamu tshikunze avua ku mushiku wa nzubu wa Mvidi Mukulu, ne matempu, ne dilongu dinene dia tshijengu dia tshiamu tshikunze divua mu lupangu. Kuangatabu biamu bikunze bionsu abi, kuya nabi ku Babilone.

Yirmeya 52:20

Bintu bionsu bia tshiamu tshikunze bivua mukalenga Shelomu muenze bua kukuata nabi mudimu mu nzubu wa Mvidi Mukulu, kabavua ne mushindu wa kubipima bujitu to: ke makunji abidi, dilongu dinene dia tshijengu, ne nyama ya ngombe milume dikumi ne ibidi ivua midiambule, kabidi ne matempu.