1 Bakalenga 7:15 - MUKANDA WA MYIDI MUKULU

¹⁵ Irame kuenza makunji abidi a tshiamu tshikunze. Avua ne metre tshitema mu butumbuke, nyinguluilu muikala metre asambombu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Wakenza makunshi mazole a tshiamu tshia mitaku, bule buau bua mulu buakadi coudées dikumi ne muanda mukulu; dibulungu dia tshibumba diakadi coudées dikumi ne ibidi.

1 Bakalenga 7:15 ပူးပေါင်းရင်းမြစ်များ

1 Bakalenga 7:16

Kuenzaye kabidi mitu ya makunji ibidi ya kuteka ku nsongu ya makunji. Mitu ya makunji ayi, ivua ya tshiamu tshikunze. Mutu wa dikunji dionsu uvua ne metre abidi ne tshitupa mu butumbuke.

1 Bakalenga 7:21

Kuasabu makunji abidi aa kumpala kua lutanda lua nzubu wa Mvidi Mukulu. Dikunji divua ku dia balume, bavua badibikila ne: Yakine, mmumue ne: “Mvidi Mukulu udi ufila bukole”. Dikunji divua ku dia bakaji bavua badibikila ne Bowaze, mmumue ne: “Mvidi Mukulu udi ne bukole”.

1 Bakalenga 7:41

makunji abidi; mitu ya makunji ibidi mifuanangane ne makopu a kuteka ku mutu kua makunji; bilengejilu bibidi bifuanangane ne makondu bia kubuikila, ku nsongu ya mitu ya makunji ivua mifuanangana ne makopu;

2 Bakalenga 25:13

Bena Babilone bavua bupule makunji a tshiamu tshikunze avua mu mushiku wa nzubu wa Mvidi Mukulu. Bavua banyangakaja kabidi matempu, ne dilonga dinene dia tshijengu dia tshiamu tshikunze, bivua mu lubanza lua nzubu wa Mvidi Mukulu. Kuyabu ne tshiamu tshikunze tshionsu atshi ku Babilone.

1 Kulondolola 18:8

Kunyengaye kabidi biamu bikunze bia bungi, bivua mu tshimenga tshia Tibate ne tshia Kune. Bimenga ebi bivua ku bumfumu bua Adadezere. Kunyima kua bidimu, Shelomu uvua muenze ne tshiamu tshikunze atshi, dilongu dinene dia tshijengu, makunji ne bintu bionsu bia kuenza nabi mudimu mu nzubu wa Mvidi Mukulu.

Yirmeya 27:19

Pashishe, Maweja-Nangila udi ne malu a kuamba adi atangila makunji a nzubu wa Mvidi Mukulu, dilongu dinene dia tshijengu, malongu manene adi pa matempu, ne bintu bikuabu bionsu bidi bishale mu Yerushalayime.

Yirmeya 52:13

Uvua muoshe nzubu wa Mvidi Mukulu, nzubu wa mukalenga, ne nzubu ya mu tshimenga, nangananga nzubu yonsu ya bantu banene ba mu Yerushalayime.

Yirmeya 52:17

Bena Babilone kunyangakaja makunji a tshiamu tshikunze avua ku mushiku wa nzubu wa Mvidi Mukulu, ne matempu, ne dilongu dinene dia tshijengu dia tshiamu tshikunze divua mu lupangu. Kuangatabu biamu bikunze bionsu abi, kuya nabi ku Babilone.

Yirmeya 52:21

Tshilejilu: dikunji dionsu divua bule bua metre tshitema ne nyunguluilu wa metre asambombu: divua munda muondoke, divua ne mupimbu wa tshiamu wa santimetre muanda mukulu.

Yezekiyele 40:49

Tshibuelelu tshivua metre dikumi mu bule, metre isambombu mu butshiama. Bavua ne bua kubanda ku bibandilu dikumi bua kubuela mu tshibambalu. Ku mushiku wa mbelu kuvua makunji abidi, dimue ku luseke lumue, dikuabu ku luseke lukuabu.