1 Bakalenga 7:12 - MUKANDA WA MYIDI MUKULU

¹² Lupangu lunene luvua lunyunguluka, luvua lua tshimana, tshikale ne milongu ya mabue masongu mitentakaja isatu. Luvua kabidi ne mulongu mukuabu wa mabaya manene a mutshi wa sedre, anu bu muvuabu benza mu lupangu luvua munda mua nzubu wa Maweja-Nangila, ne ku lutanda lua nzubu wa Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

¹² Tshiendedi tshinene tshiakadi ne milongo ya mabue masonga isatu ne mulongo umue wa mitshi ya cèdre; bu tshiendedi tshia munda mua nsubu wa Yehowa ne mbalanda wa nsubu kabidi.

1 Bakalenga 7:12 ပူးပေါင်းရင်းမြစ်များ

1 Bakalenga 6:3

Lutanda lua ku tshibuelelu tshia nzubu wa Mvidi Mukulu, luvua metre dikumi mu butshiama, anu bunene bumue ne bunene bua nzubu wa Mvidi Mukulu. Luvua kabidi ne bule bua metre itanu.

1 Bakalenga 6:36

Pashishe, lupangu lua munda mua nzubu wa Mvidi Mukulu, bavua banyungulule ne tshimana tshibaka ne mabue masonge avuabu batentakaja milongu isatu. Mulongu muinayi uvua wa mitshi minene ya sedre.

1 Bakalenga 7:11

Pa tshitaku atshi, kutekabu mabue avuabu bamane kusonga, ne mabaya manene a mutshi wa sedre.

1 Bakalenga 7:6

Pashishe kuibakabu “Tshibambalu tshia Makunji,” tshivua ne metre makumi abidi ne atanu mu bule, ne metre dikumi ne atanu mu butshiama. Tshibambalu atshi, tshivua tshienza lutanda, luenza ne makunji a nzubu uvuabu babikila ne: “Nzubu wa ditu dia Lebanone.”

2 Bakalenga 21:5

Pashishe, bintu bia mu tshibuashibuashi, Menashe kubashila bilambuilu mu mbanza ibidi ya ku nzubu wa Mvidi Mukulu.

2 Kulondolola 4:9

Kuenzabu lupangu lua batuangaji ne lupangu lukuabu lunene luikale ne biibi. Biibi ebi bavua babilamika tshiamu tshikunze.

Yowanane 10:23

Yezu uvua utambakana mu lutanda lua nzubu wa Mvidi Mukulu, luvuabu binyika ne: ndua Shelomu.

Bienzedi 3:11

Bu muvua muntu awu kayi musue kushiya Petro ne Yowanane, bantu bonsu bavua bakema bikole, bunguila mu Lutanda luvuabu binyika ne “lua Shelomu,” muvua Petro ne Yowanane.

Bienzedi 5:12

Bapostolu bavua benza bishima bia bungi ne malu a dikema munkatshi mua bantu. Bena ditaba bavua basangile pamue mu lutanda lua Shelomu.