1 Bakalenga 6:7 - MUKANDA WA MYIDI MUKULU

⁷ Bua kuibaka nzubu wa Mvidi Mukulu, bavua bamuibaka amu ne mabue majima, mushindu uvuabu baambule muaba udibu bumbula mabue. Nanku, matuku onsu avuabu bibaka nzubu wa Mvidi Mukulu, muntu kavua umvua mukuma wa ngindu, wa tshisuyi, nansha wa tshiamu tshikuabu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nsubu wakibakibua ne mabue akasongabo ku muaba wakadi mabue; nunku kabakunvua mikumu ya marteau anyi tshisui anyi tshiamu tshikuabo mu nsubu hakatshidibo bibaka nsubu.

1 Bakalenga 6:7 ပူးပေါင်းရင်းမြစ်များ

1 Bakalenga 6:6

Nzubu uvua kuinshi kua mikuabu uvua metre abidi ne tshitupa mu butshiama. Nzubu muibidi wa pankatshi uvua metre asatu, ne nzubu muisatu wa kulu uvua ne metre asatu ne tshitupa mu butshiama. Bualu tshimana tshia pa mbelu tshia nzubu wa Mvidi Mukulu, katshivua ne mupimbu wa momumue mu butumbuke buonsu to. Tshivua tshienda tshikepela ku tshitupa ku tshitupa, bua musaka wa nzubu kawubuedi mu bimana bia nzubu wa Mvidi Mukulu.

1 Bakalenga 6:8

Mu nzubu uvua kuinshi kua mikuabu bavua babuelela ku tshiibi tshivua ku luseke lua kuinshi lua nzubu wa Mvidi Mukulu, babanda pa tshibandila tshia tshijengu, bua kuya mu nzubu wa pankatshi, ne bua kuya mu nzubu wa pa mutu.

Ekesode 20:25

Nanku, panuasua kungashila tshilambuilu tshia mabue, mabue awu ikale anu majima. Kanuena mua kuasonga ne biamu to. Bualu panudi nualenga ne biamu bienu bia bantu, kaena andengelela kabidi to.

Nsumuinu 24:27

Bangabanga ne kuasa nzubu, anji kujikija midimu yebe ya pambelu, udime madimi ebe bua unowe biakudia.

Yeshaya 42:2

Yeye kena wela lubila, kena ujuula mutoyi. Diyi diende kabakudiumvua mu misesu minene.

Bienzedi 9:31

Diba adi Tshisumbu tshia bena ditaba tshivua ne ditalala mu ditunga dijima dia Yudeya, dia Ngalileya, ne dia Samariya. Tshivua tshienda tshikola. Bu muvua bena ditaba balamata Mfumu, batua batanta ne diambuluisha dia Mueyelu wa Tshijila.

Rome 9:23

Butumbi buende bunene uvua musue kuteleja kabidi tuetu bantu badiye ufuila luse, badiye mudianze kulongolola bua tubuele mu butumbi buende.

2 Korente 5:5

Amu Mvidi Mukulu mene ke udi utulongolola, bua tumone mua kuandamuka nanku. Ukadi mutupe Mueyelu wende bu tshieya tshia bionsu bidiye mutulamine.

Kolose 1:12

Elayi Mvidi Mukulu Tatu tuasakidila ne disanka. Bualu udi munuenze bantu badi mua kupeta bumpianyi budiye mutekele bantu bende mu Bukalenga buende bua butoke.

Yakobe 1:20

Bualu muntu ne tshiji, kena wenza malu adi Mvidi Mukulu musue.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.