1 Bakalenga 6:38 - MUKANDA WA MYIDI MUKULU

³⁸ Pashishe mu ngondu wa Bule, mmumue ne: ngondu wa muanda mukulu, Shelomu mumane kushala mu bukalenga bidimu dikumi ne tshimue, kujikijabu diasa dia nzubu mujima, anu mushindu uvuabu balongolola bua kuasa. Nanku, nzubu wa Mvidi Mukulu awu, bavua bamuasa mu bidimu muanda mutekete.

Mukanda wa Nzambi Dihungila Dikulukulu ne Dihungila Dihia-dihia 2003

³⁸ Bakamana nsubu mu tshidimu tshia dikumi ne tshimue tshia bukelenge, mu ngondo wa Bula, udi ngondo wa muanda mukulu. Nunku bakamana nsubu mu bidimu muanda mutekete.

1 Bakalenga 6:38 ပူးပေါင်းရင်းမြစ်များ

1 Bakalenga 6:1

Bena Izrayele bamane kupatuka mu Ejipitu kupita bidimu nkama inayi ne makumi muanda mukulu, mukalenga Shelomu kutuadija kuasa nzubu wa Mvidi Mukulu. Mukalenga Shelomu mumane kushala mu bukalenga bua bena Izrayele bidimu binayi, midimu ya kuasa nzubu wa Mvidi Mukulu kutuadija mu ngondu wa Zive, mmumue ne: ngondu muibidi wa tshidimu.

1 Bakalenga 6:14

Bena mudimu bamane kujikija dibaka dia nzubu wa Mvidi Mukulu bu muvua Shelomu mubambile,

1 Bakalenga 6:37

Nanku, mu ngondu wa Zive, Shelomu mumane kushala mu bukalenga bidimu binayi, kuenzabu tshitaku tshia nzubu wa Mvidi Mukulu wa Maweja-Nangila.

1 Bakalenga 6:9

Bua kujikija diasa dia nzubu wa Mvidi Mukulu, kuenzabu tshisasa ne mabaya manene ne makese a mutshi wa sedre.

1 Bakalenga 7:1

Kusakilabu kabidi mukalenga Shelomu nzubu wa bukalenga. Bavua bibake bidimu dikumi ne bisatu bua kujikijabu nzubu yonsu ivua yenza nzubu ya bukalenga.

1 Bakalenga 9:10

Irame, mukalenga wa tshimenga tshia Tire, uvua mupeshe Shelomu mitshi ya sedre yonsu, mitshi ya pin, ne tshiamu tshia mpawungi tshivuaye ukengela bua nzubu uvuaye wibaka. Bidimu makumi abidi bimane kukumbana, Shelomu kujikija nzubu wa Maweja-Nangila ne nzubu wende wa bukalenga. Pashishe kupeshaye Irame bimenga makumi abidi bivua mu buloba bua Ngalileya.

1 Kulondolola 28:19

Davide kuamba ne: — Bionsu ebi bidi mu mukanda uvua Maweja-Nangila mumpeshe. Mu mukanda ewu, Maweja-Nangila mmumvuije ku tshintu ku tshintu munudi mua kuenza mudimu ewu.

1 Kulondolola 28:20

Pashishe Davide kuamba kabidi ne: — Muananyi, kolesha muoyi, utantamane. Tuadija mudimu ewu. Kutshinyi, kuzakadi! Maweja-Nangila Mvidi Mukulu wanyi kena ukulekela to. Udi nebe, ubambuluisha too ne muwajikija mudimu ewu wa nzubu wende.

2 Kulondolola 8:1

Bidimu makumi abidi bimane kukumbana, Shelomu kujikija nzubu wa Mvidi Mukulu ne wende wa bukalenga.

2 Kulondolola 8:16

Midimu yonsu ya Shelomu ivuaye musue kuenza, kukumbanayi muvuaye muyilongolole, biangatshile ku tshitaku tshia nzubu wa Mvidi Mukulu too ne midimu ya dijikija nzubu awu kulu. Nzubu wa Mvidi Mukulu uvua muimpe mutambe.

Ezela 5:11

Bavua batuandamuna ne: ‘Tudi bena mudimu ba Mvidi Mukulu wa diulu ne buloba. Tudi tuibakulula nzubu wa Mvidi Mukulu, uvua mukalenga munene wa bena Izrayele muibake mujikije, kukadi mpindiewu bidimu bia bungi.

Ekesode 39:32

Bena mudimu kujikija mudimu onsu wa ntenta wa kusambakena ne wa nzubu wa tshijila. Bavua benza midimu ayi menemene anu bu muvua Maweja-Nangila muambile Moshe.

Ekesode 39:42

Bena Izrayele bavua benza midimu ayi anu bu muvua Maweja-Nangila muambile Moshe.

Ekesode 39:43

Moshe kubandila mudimu uvua bena Izrayele benza. Kumonaye ne bavua bawenze anu bu muvua Maweja-Nangila muambe. Nanku, kubelaye lupemba.

Zekâya 4:9

“Zerubabele mmubange kuasa tshitaku tshia nzubu wa Mvidi Mukulu; neajikije mudimu wa kuasa nzubu ewu.” Padi malu aa enzeka, nenumanye ne: Maweja-Nangila wa bukole buonsu ke uvua muntume kunudi.

Yowanane 2:20

Bena Yuda kumuambila ne: — Basua benze mudimu bidimu makumi anayi ne bisambombu bua kuasa nzubu essu. Kadi mmunyi muudi wewe mua kumuasulula mu matuku asatu?