1 Bakalenga 6:36 - MUKANDA WA MYIDI MUKULU

³⁶ Pashishe, lupangu lua munda mua nzubu wa Mvidi Mukulu, bavua banyungulule ne tshimana tshibaka ne mabue masonge avuabu batentakaja milongu isatu. Mulongu muinayi uvua wa mitshi minene ya sedre.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Bakenza tshiendedi munda mua nsubu, bakatshienza ne mabue masonga ne mitshi ya cèdre.

1 Bakalenga 6:36 ပူးပေါင်းရင်းမြစ်များ

1 Bakalenga 6:35

Bavua basongamu kabidi bakerubine, malala a mabue, ne bilongu bimane kutayika. Kabidi bavua balamika tshiamu tshia mpawungi ku bintu bivuabu basonge ku biibi abi.

1 Bakalenga 7:12

Lupangu lunene luvua lunyunguluka, luvua lua tshimana, tshikale ne milongu ya mabue masongu mitentakaja isatu. Luvua kabidi ne mulongu mukuabu wa mabaya manene a mutshi wa sedre, anu bu muvuabu benza mu lupangu luvua munda mua nzubu wa Maweja-Nangila, ne ku lutanda lua nzubu wa Maweja-Nangila.

2 Kulondolola 4:9

Kuenzabu lupangu lua batuangaji ne lupangu lukuabu lunene luikale ne biibi. Biibi ebi bavua babilamika tshiamu tshikunze.

2 Kulondolola 7:7

Pashishe, mukalenga Shelomu kujidila tshitupa tshijima tshia pankatshi tshia lubanza luvua kumpala kua nzubu wa Mvidi Mukulu, bualu tshilambuilu tshia tshiamu tshikunze, tshivua Shelomu muashishe, tshivua tshikese, katshiyi tshikumbane mua kulambuilapu milambu yonsu to. Nanku mukalenga uvua ne bua kulambula milambu ya kuosha, ya bintu bia mu madimi, ne manyi a nyama ya milambu ya bobumue amu mu lubanza amu.

Ezela 6:4

Nebateke milongu isatu ya mabue masonga, batenteka ku mulongu onsu wa mabue mulongu wa mabaya. Bintu bionsu abi nebabifute ne makuta a mu mushete wa mu bukalenga.

Yirmeya 36:10

Baruke kuya kuimana kumpala kua bantu bonsu mu nzubu wa Mvidi Mukulu. Kubalaye ne diyi dikole bivua Yirmeya mufundishe pa muvungu wa tshiseba. Uvua musombe mu tshibambalu tshia Ngemariya, muana wa Shafane, mufundi wa kale wa mu bukalenga. Tshibambalu etshi bavua batshiasa mu lupangu lua kulu luaku nzubu wa Mvidi Mukulu, pabuipi ne tshiibi Tshipiatshipia.

Yezekiyele 40:28

Nanku, muntu awu kumfikisha mu lubanza lua munda mua nzubu ku tshiibi tshia kuinshi kua nzubu. Kupimaye bule bua tshiibi atshi. Bule buvua bua momumue ne bua biibi bivua mu tshimana tshia lubanza lua pa mbelu.

Didimanyisha 11:2

Kadi kupimi lupangu lua pambelu pa nzubu wa Mvidi Mukulu to. Bualu mbalupeshe bantu ba bisamba bikuabu. Bantu abu nebadiatakaje tshimenga tshia tshijila ngondu makumi anayi ne ibidi.