1 Bakalenga 6:16 - MUKANDA WA MYIDI MUKULU

¹⁶ Mutantshi wa metre dikumi ne tshimana tshia ku ndekelu kua nzubu wa Mvidi Mukulu, bavua batekapu mikamba minene ya mutshi wa sedre, miasa panshi, mitue ku tshisasa tshia nzubu. Nanku, kupetabu muaba mu nzubu wa Mvidi Mukulu wa kuteka mushete wa ndondu. Bavua babikila muaba awu ne: muaba wa tshijila menemene.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Kuinshi kua nsubu wakenzaku nsubu mukuabo ne mabaya a cèdre, bunene buandi buakadi coudées makumi abidi: wakenza nsubu eu wa muaba wa tshijila.

1 Bakalenga 6:16 ပူးပေါင်းရင်းမြစ်များ

1 Bakalenga 6:17

Tshitupa tshikuabu tshia nzubu wa Mvidi Mukulu tshivua tshishale, mmumue ne: tshibambalu tshinene tshivua kumpala kua tshibambalu tshivua ne mushete wa ndondu, tshivua ne metre makumi abidi mu bule.

1 Bakalenga 6:5

Kuasabu nzubu mikuabu isatu mitentakaja, milamakaja ku bimana bia pa mbelu bia ku tshibambalu tshinene, ne bia ku tshibambalu tshia ndekelu.

1 Bakalenga 7:7

Kuibakabu kabidi “Tshibambalu tshia kuteka Nkuasa wa bukalenga.” Bavua batshibikila kabidi ne: “Tshibambalu tshia kulumbuluila bilumbu,” bualu Shelomu uvua ulumbuluisha bilumbu mu tshibambalu atshi. Tshivua tshilamika mabaya a mutshi wa sedre panshi too ne kulu.

1 Bakalenga 8:6

Pashishe batuangaji kubueja mushete muaba uvuabu balongolola, mu tshibambalu tshivuabu babikila ne: muaba wa tshijila menemene, muinshi mua mapuapua a bakerubine.

2 Kulondolola 3:8

Bavua bibaka tshibambalu tshikuabu tshivuabu binyika ne: “Muaba wa tshijila menemene’”. Tshibambalu atshi, tshivua ne metre dikumi mu butshiama, bilondeshile butshiama bua nzubu wa Mvidi Mukulu, ne metre dikumi mu bule. Munda mua nzubu amu, bavua balamika kilo binunu makumi abidi bia tshiamu tshia mpawungi.

Ekesode 26:23

Wenze mabaya abidi a mushindu mukuabu, ku matumba a kumfundu.

Yezekiyele 41:4

Uvua mupime kabidi muaba wa tshijila menemene. Uvua ne bule bua metre dikumi ku nseke yonsu. Pashishe, kungambilaye ne: ke muaba wa tshijila menemene.

Yezekiyele 45:3

Mu tshitupa tshia buloba atshi, badi ne bua kupima muaba wa kilometre dikumi ne ibidi ne tshitupa mu bule, kilometre itanu mu butshiama. Mu tshitupa atshi nebase nzubu wanyi, muaba menemene wa tshijila.

Lewitiki 16:2

“Ambila muanenu Arone kabuedi tshibuelabuela muaba wa tshijila menemene, panyima pa tshilamba tshidi tshijika mushete wa tshijila ne tshibuikidiji tshiawu to. Bualu yeye mubuele nanku, udi mua kufua musangu undi lumuenekela mu muinshi, udi pa mutu pa tshibuikidiji tshia mushete.

Ebrewu 9:3

Pashishe kunyima kua tshilamba tshibidi tshivua tshilembeleja, kuvua ntenta mukuabu uvuabu babikila ne: mmuaba wa tshijila menemene.