1 Bakalenga 6:12 - MUKANDA WA MYIDI MUKULU

¹² — Bu muudi ungibakila nzubu ewu, wewe mukumbaje mikenji yanyi, mukumbaje miaku imvua mukuambile, mutumikile meyi anyi onsu, nenku nenkumbaje dilaya dimvua mulaye tatuebe Davide bualu buebe.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bua nsubu eu ûdi wibaka, biwenda mu nshila yanyi, biwenza mei anyi, biwatumikila mikenji yanyi yonso, nunku nenjadike dî dianyi kûdi, diakambila Davidi, tatu webe.

1 Bakalenga 6:12 ပူးပေါင်းရင်းမြစ်များ

2 Samuele 7:5

— Ndaku kudi Davide, muntu wanyi. Umuambile ne: teleja tshidi Maweja-Nangila wamba ne: “Wewe Davide kuena mua kungashila nzubu undi mua kusomba to.”

1 Bakalenga 3:14

Wewe muenze malu andi musue, mutumikile meyi anyi ne mikenji yanyi, bu muvua tatuebe wenza, neushale ne muoyi matuku a bungi.

1 Bakalenga 6:11

Maweja-Nangila kuambila Shelomu ne:

1 Bakalenga 8:25

Nanku, mpindiewu Maweja-Nangila Mvidi Mukulu wa bena Izrayele, ukumbaje kabidi malaya makuabu, auvua mulaye tatu wanyi Davide, muntu webe. Uvua mumuambile ne: “Pikala ndelanganyi yebe mingitabe ne muoyi umue bu muuvua wewe muenze, ndi nkujadikila ne: muntu wa ku ndelanganyi yebe neakupingane misangu yonsu mu bukalenga, bua kushala mukalenga wa bena Izrayele!”

1 Kulondolola 22:10

Yeye ke wangashila nzubu. Yeye neikale muananyi wa balume, meme nengikale Tatuende. Meme ne-nshindike bukalenga buende mu ditunga dia bena Izrayele.”

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

Misambu 132:12

Muanebe wa balume yeye mulame ndondu wanyi ne mikenji indi mumuelele, wende muana kabidi neasombe mu nkuasa wa bamfumu kashidi.”

Yirmeya 7:5

Kadi, nulongolole nsombelu yenu, enzayi malu mempe. Nukose tshilumbu tshia bantu babidi pa tshiotshi.

Zekâya 3:7

Maweja-Nangila wa bukole buonsu udi ukulaya ne: “Wewe muitabe mikenji yanyi, mukumbaje bimvua mukufundile, nenkomekele bujitu bua kulama nzubu wanyi wa tshijila ne mbanza yende. Nanku nenkuteleje amu mundi nteleja batumibue badi bankuatshila mudimu muaba ewu.”

Kolose 1:23

Kadi nudi ne bua kunanukila mu ditaba, bashindamemu, kanuyi nutenkakana. Kanujimiji ditekemena dinu-vua bapete, katshia banumanyisha Lumu lua Disanka. Ke Lumu lua Disanka luvuabu balongeshe bantu bonsu, kabidi lundi meme Polu ngenzela mudimu, muvua Mvidi Mukulu musue.