1 Bakalenga 6:1 - MUKANDA WA MYIDI MUKULU

¹ Bena Izrayele bamane kupatuka mu Ejipitu kupita bidimu nkama inayi ne makumi muanda mukulu, mukalenga Shelomu kutuadija kuasa nzubu wa Mvidi Mukulu. Mukalenga Shelomu mumane kushala mu bukalenga bua bena Izrayele bidimu binayi, midimu ya kuasa nzubu wa Mvidi Mukulu kutuadija mu ngondu wa Zive, mmumue ne: ngondu muibidi wa tshidimu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hakahita bidimu nkama inai ne makumi muanda mukulu ku nyima kua dihatuka dia Bena Isalele mu buloba bua Ejipitu, mu tshidimu tshinai tshia bukokeshi bua Solomo ha mutu ha Bena Isalele, mu ngondo wa Ziwa, udi ngondo muibidi, yeye wakabanga kuibaka nsubu wa Yehowa.

1 Bakalenga 6:1 ပူးပေါင်းရင်းမြစ်များ

1 Bakalenga 6:2

Nzubu uvua Shelomu washila Maweja-Nangila uvua ne metre makumi asatu mu bule, metre dikumi mu butshiama, ne metre dikumi ne atanu mu butumbuke.

1 Bakalenga 6:37

Nanku, mu ngondu wa Zive, Shelomu mumane kushala mu bukalenga bidimu binayi, kuenzabu tshitaku tshia nzubu wa Mvidi Mukulu wa Maweja-Nangila.

1 Kulondolola 29:19

Upeshe Shelomu muoyi mukole bua kulama meyi, mikenji ne mikandu biebe, wa kubikumbaja, ne wa kuibaka muaba webe wa tshijila unkadi mumane kulongoluela bintu ebi.

1 Kulondolola 6:10

Elkana uvua kabidi ne bana ba balume babidi: Amashiya ne Akimote.

2 Kulondolola 3:3

Bunene bua nzubu wa Mvidi Mukulu uvua Shelomu muibakishe buvua mushindu ewu: metre makumi asatu mu bule, ne metre dikumi mu butshiama.

Ezela 5:11

Bavua batuandamuna ne: ‘Tudi bena mudimu ba Mvidi Mukulu wa diulu ne buloba. Tudi tuibakulula nzubu wa Mvidi Mukulu, uvua mukalenga munene wa bena Izrayele muibake mujikije, kukadi mpindiewu bidimu bia bungi.

Misambu 78:69

Yeye kuibakilapu nzubu wende wa tshijila, nzubu uvua mukole bu diulu, ne bu buloba, buvuaye muibake nabu nzubu wa kashidi.

Ekesode 12:41

Bidimu abi nkama inayi ne makumi asatu bikumbana, dituku dia tshivulukilu, bisamba bionsu bia bena Izrayele kupatuka mu Ejipitu balondangane bimpe mu milongu.

Ekesode 12:51

Anu dituku adi. Maweja-Nangila kupatula bena Izrayele mu Ejipitu, balondangane mu bisamba biabu.

Yezekiyele 41:1

Muntu kubuela nanyi muaba wa tshijila mu nzubu wa Mvidi Mukulu. Kuupimaye. Bimana bia muaba uvuabu bapitshila bua kubuela muaba wa tshijila bivua ne mupimbu wa metre asatu.

Agayi 1:8

Pashishe, nuye ku mikuna, nutape mitshi, nuibakulule nzubu wanyi. Nanku, nengikale ne disanka, bualu bantu nebantumbishemu. Meme Maweja-Nangila, ndi ngamba nanku.

Zekâya 6:15

Bantu badi kule nebafike bua kuambuluisha badi basa nzubu wa Maweja-Nangila. Nanku nenumanye ne: Maweja-Nangila wa bukole buonsu ke uvua muntume kunudi. Malu onsu aa neenzeke panuikala bitabe muenu muonsu Maweja-Nangila Mvidi Mukulu wenu.

Dibadika 1:1

Dituku dia kumpala dia ngondu muibidi wa tshidimu tshivua tshilonda tshidimu tshia dipatuka diabu mu Ejipitu, Maweja-Nangila kuyukila ne Moshe mu tshipela tshia Sinayi, mu ntenta wa kusambakena, umuambila ne:

Bienzedi 13:19

Kubutulaye bisamba muanda mutekete mu buloba bua Kenaane. Kufilaye buloba buabi kudi bantu bende ne: mbuenu.

Bienzedi 7:47

Kadi nzubu awu, bakamuasa amu kudi Shelomu.

1 Korente 6:19

Kanuena bamanye ne: mubidi wenu udi nzubu wa Mueyelu wa Tshijila anyi? Mueyelu awu udi munda muenu. Nuvua baupete kudi Mvidi Mukulu. Nuenu nudi bintu bia bende bia Mvidi Mukulu.

2 Korente 6:16

Mutudi mua kutendelela mvidie ya bisamba bikuabu mu nzubu wa Mvidi Mukulu mbishi? Bualu tudi nzubu wa Mvidi Mukulu udi ne muoyi. Ke pavua Mvidi Mukulu mene muambe ne: “Nengase nzubu wanyi munkatshi muabu, nengendakane nabu miaba yonsu. Nengikale Mvidi Mukulu wabu, bobu nebikale bantu banyi.”

Kolose 2:7

Asayi miji munda muende, shindikayi mioyi yenu kudiye, shindamayi amu kushindama diba dionsu mu ditaba. Kanusesuki ku bivuabu banulongeshe. Nuele Mvidi Mukulu tuasakidila muenu muonsu.

Ebrewu 11:10

Bualu Abrahame uvua mutekemene tshimenga tshivua ne tshitaku tshishindame tshidi Mvidi Mukulu muase bilondeshile meji ende.

Ebrewu 9:11

Kadi Kristu mmufike bu mutuangaji munene wa bintu bitukadi nabi mpindiewu. Ntenta udiye wenzela mudimu, mmupite wa kumpala bua mushinga, kabidi udi mulenga tshishiki. Kabavua bamuasa kudi bantu. Mbuena kuamba ne: kena wa pa buloba ebu budibu bafuke nansha.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.

Balombodi 11:26

Bidimu nkama isatu, bena Izrayele bavua anu base mu bimenga bia Eshebone ne Aroyere, kabidi mu misoku ivua nabi mutumba, ne mu bimenga bionsu bivua ku muelelu wa musulu wa Amone. Bidimu bionsu ebi, kuvua mubanyenge buloba ebu bua tshinyi?