1 Bakalenga 5:9 - MUKANDA WA MYIDI MUKULU

⁹ Mvidi Mukulu uvua mupeshe Shelomu meji mapite ne lungenyi lupite bungi. Malu avua Shelomu mumanye avua a bungi bu lusenga lua ku muelelu wa mayi manene.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bantu banyi nebahueke nʼai ku Lebanona tô ne ku mai manene, nenyisuikishe mu bisumbu, bua kuya nʼai ha mai manene tô ne ku muaba ûdi unsunguila; neyisuludibueku ne wewe neuyangate; wewe nenshikishe bualu bundi musue hawadisha ba mu nsubu wanyi bia kudia.

1 Bakalenga 5:9 ပူးပေါင်းရင်းမြစ်များ

1 Bakalenga 3:12

Nanku, bilondeshile tshiudi mulombe, ndi nkupa lungenyi ne meji. Newikale ne lungenyi lua bungi, lupite lua bantu bonsu bavua kumpala kuebe nansha bakulonda panyima.

1 Bakalenga 4:20

Bena Izrayele ne bena Yuda bavua bungi bu lusenga ludi ku muelelu wa mayi manene, ludi muntu kayi mua kubala. Kadi bavua ne biakudia ne bia kunua bia bungi, basomba anu ne disanka.

1 Bakalenga 5:10

Shelomu uvua ne meji a bungi, mupite bena meji bonsu ba bena Arabe ne ba bena Ejipitu.

1 Bakalenga 5:8

Kadi, bua ntete ya oije, ne bisosa bia kudisha nyama ya tubalu, ne nyama ivua ikoka matempu, balombodi bavua babifila pavua mukalenga Shelomu ubilomba, muaba uvua mukalenga.

1 Bakalenga 9:27

Mukalenga Irame uvua mutumine Shelomu bantu ba bena Fenisiya bavua bamanye mua kuita matu bikole, bua kuambuluishabu biitshi ba matu ba Shelomu.

2 Kulondolola 1:15

Nanku, ku bulongolodi bua mukalenga Shelomu, mu Yerushalayime muvua tshiamu tshitoke tshia mushinga mukole ne tshiamu tshia mpawungi bungi bu nsoka. Muvua kabidi mitshi ya sedre ya bungi bu mitshi ya sikomore idi itoloka mu mpata ku muelelu wa mayi manene.

2 Kulondolola 2:16

Shelomu kusangisha benyi bonsu bavua basomba mu ditunga dia Izrayele, bilondeshile muvua tatuende Davide mubabadike. Bavua binunu lukama makumi atanu ne bisatu ne nkama isambombu.

2 Kulondolola 9:22

Nanku, mukalenga Shelomu uvua mupite bakalenga bonsu ba pa buloba, ku bubanji ne ku lungenyi.

Ezela 3:7

Pashishe, kufutabu bena midimu bua kusonga mabue ne kupanda mabaya. Kupeshabu kabidi bena Sidone ne bena Tire biakudia, biakunua ne mafuta bua babasabuile mitshi ya sedre ya mu Lebanone pa mayi manene, bua kuyifikisha pa tshisabu tshia Yafa Koreshe, mukalenga munene wa bena Persa, ke uvua muanyishe bua benze bionsu ebi.

Yobe 32:8

Kadi amu Mueyelu udi ufuma kudi Mvidi Mukulu wa bukole buonsu, utulukila muntu, ke udi umupesha lungenyi.

Muambi 1:16

Mvua muele meji ne: ndi mupete meji a bungi mupite bonsu bavua bandianjidila mu bukalenga mu Yerushalayime. Ndi mumanye malu a bungi, nansha amvua mulonge, nansha amvua mumvue ne anyi abidi.

Yezekiyele 27:17

Bena Yuda ne bena Izrayele bavua basumbishangana nebe bintu, bakupesha ntete ya kuenza bukula ya mu tshimenga tshia Minite; batua bakupesha mponda, buitshi, mafuta ne kamonya ka mupuya muimpe.

Bienzedi 12:20

Erode uvua mufikile bena Tire ne bena Sidone munda bikole. Nanku bena bimenga ebi kudisangisha bua kuya kumyuangana nende. Kulombabu Blastuse, mulombodi wa bena mudimu ba mu nzubu wa mukalenga, bua abakuile. Pashishe kumanyishabu Erode muvuabu bajinga kumyuangana nende. Bualu matunga abu avua apeta biakudia mu ditunga dia mukalenga Erode.

Dielulula 3:25

Anyisha, nsabuke musulu wa Yardene, bua meme kumonaku ditunga dimpe dialabale dia mikuna, didi dishiya dia musulu, kabidi ne mikuna ya Lebanone.”