1 Bakalenga 5:7 - MUKANDA WA MYIDI MUKULU

⁷ Bamfumu dikumi ne babidi, balombodi ba maloba, bavua mukalenga Shelomu musungule, bavua bafile biakudia bikumbane bua mukalenga Shelomu ne bantu bonsu ba-vuaye ubikila. Mfumu yonsu wa kudibu, uvua ufila biakudia ngondu mujima ku tshidimu tshionsu. Uvua utangila bikole bua biakudia bionsu bikaleku.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Hakunvua Hilama mei a Solomo yeye wakatamba kusanka, wakamba ne, Yehowa wakaha Davidi muana wa lungenyi makane bua kukokesheye bantu bandi banene, atumbishibue lelu.

1 Bakalenga 5:7 ပူးပေါင်းရင်းမြစ်များ

Genese 33:5

Esawu ubanduluka, kumona bakaji ne bana. Kukonka Yakobe ne: — Baudi muende nabu mbanganyi? Yakobe kuandamuna ne: — Mbana bandi mupete ku luse lua Mvidi Mukulu.

1 Bakalenga 1:48

utendelela wamba ne: “Ndi ngela Maweja-Nangila Mvidi Mukulu wa bena Izrayele tuasakidila. Yeye ke udi mumpeshe lelu muntu udi mua kumpingana mu bukalenga. Kabidi Maweja-Nangila ke udi mungambuluishe bua meme kumona bionsu ebi.”

1 Bakalenga 10:9

Maweja-Nangila Mvidi Mukulu webe atumbe. Uvua mukusungule bua wikale mukalenga wa bena Izrayele! Bualu Maweja-Nangila mmunange bena Izrayele kashidi. Ke padiye mukuteke mukalenga wabu bua kubaludika mu njila wa malu mimpe.

1 Bakalenga 3:9

Nanku, Maweja-Nangila, anyisha umpeshe lungenyi lukumbane bua meme kulombola bantu bebe, ne bua kumanya malu mimpe andi mua kubenzela, ne mabi andi ne bua kulekela. Kuyi muenze nanku, kakuena muntu udi mua kulombola bantu bebe bungi nunku to.

1 Bakalenga 4:7

Mukalenga Shelomu uvua kabidi ne balombodi dikumi ne babidi, bavua basombe miaba mishilangane mu ditunga dia bena Izrayele, bua bikale batuma biakudia bia mukalenga, ne bia bantu bonsu bavuaye nabu ku nzubu wa bukalenga. Nanku, mfumu mulombodi yonsu, uvua utuma biakudia ngondu mujima ku tshidimu ku tshidimu.

1 Bakalenga 5:6

Mukalenga Shelomu uvua kabidi ne nyama ya tubalu binunu dikumi ne bibidi, kabidi ne bikumbi bikumbane bua kutekamu nyama ya tubalu binunu makumi anayi ivua ikoka matempu ende a mvita.

1 Bakalenga 5:8

Kadi, bua ntete ya oije, ne bisosa bia kudisha nyama ya tubalu, ne nyama ivua ikoka matempu, balombodi bavua babifila pavua mukalenga Shelomu ubilomba, muaba uvua mukalenga.

Misambu 137:6

Meme tshiyi nkuvuluka, tshiyi nsanka nsanguluka bualu buebe, ludimi luanyi lulamate mu tshilakalaka!

Nsumuinu 10:1

Nsumuinu ya Shelomu. Muana wa balume wa meji, udi usankisha baledi bende; kadi muana mupote, udi ubungamija bena kuabu.

Nsumuinu 13:1

Muana wa meji udi uteleja mibelu ya tatuende. Kadi udi uditambisha kena uteleja nansha umue.

Nsumuinu 15:20

Muana wa balume wa meji udi usankisha baledi bende. Muntu mutshimbakane udi upepeja bana babu.

Nsumuinu 23:24

Tatu udi mulele muntu wa kalolu ne wa meji udi ne disanka dipite bunene.

Yeshaya 8:18

Meme ne bana badi Maweja-Nangila mumpeshe, tudi bimanyinu bidi bilongesha bantu mu Izrayele malu a kudi Maweja-Nangila muena bukole buonsu, udi usomba mu nzubu wende pa mukuna wa Siyone.

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.