1 Bakalenga 5:4 - MUKANDA WA MYIDI MUKULU

⁴ Nanku, mukalenga Shelomu uvua ukokesha buloba bujima, bua kuinshi kua musulu wa Perate, luseke ludi diba dibuelela, biangatshile ku musoku wa Tifsa ne ku tshimenga tshia Ngaza. Bakalenga bonsu bavua mu buloba ebu, bavua anu ku bumfumu bua Shelomu. Ke muvua Shelomu musombe talala ne bena mutumba nende bonsu nanku.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi katataka Yehowa, Nzambi wanyi, wakumpa dikisha ku nseke yonso; kakuena muena lukuna, kakuena bualu bubi.

1 Bakalenga 5:4 ပူးပေါင်းရင်းမြစ်များ

2 Samuele 7:5

— Ndaku kudi Davide, muntu wanyi. Umuambile ne: teleja tshidi Maweja-Nangila wamba ne: “Wewe Davide kuena mua kungashila nzubu undi mua kusomba to.”

1 Bakalenga 11:25

Nanku, Rezone uvua muluishi wa bena Izrayele matuku onsu avua Shelomu mushale mu bukalenga. Rezone uvua ukengesha Shelomu, anu muvua Adade uluisha bena Izrayele. Matuku onsu avua Rezone muikale mukalenga wa bena Siriya, kavua munange bena Izrayele to.

1 Bakalenga 5:18

Mpindiewu, Maweja-Nangila Mvidi Mukulu wanyi, mmumpe ditalala ku mikalu yanyi yonsu. Tshiena ne muluishi, tshiena ntshina dikenga.

2 Bakalenga 18:8

Kabidi Izkiya kutshimuna bena Peleshete. Kubalondakajilaye too ne mu buloba bua Ngaza. Kukuataye bimenga bivua bibaka ne bimana bikole, kukuata kabidi ne misoku mikese ivua ne batentekedi.

1 Kulondolola 22:9

Kadi neulele muana wa balume. Neikale muntu udi ukeba bupole. Tshiakuanyisha bua baluishi bende badi bamunyungulukila bamutatshishe. Nebamuinyike dina dia Shelomu, — mmumue ne: ‘Bupole’. — Bualu matuku ashalaye mu bukalenga, nempeshe bena Izrayele bupole, kabayi mua kutshina tshintu.

Ezela 4:20

Ku kale mu tshimenga amu muvua bakalenga ba bukitu bavua balombola buloba bujima buvua ku luseke ludi diba dibuelela lua musulu wa Perate. Bavua balambuishamu bitadi, bafutshisha milambu mishilangane.

Misambu 72:7

Matuku adiye mu bukalenga, bakose nsambu amu pa yoyi. Bupole ne diakalenga bivulangane mu ditunga, too ne muajimina ngondu kashidi!

Yeshaya 9:7

Maweja-Nangila uvua mulumbuluishe ndelanganyi ya Yakobe. Kupishaye bukalenga bua Izrayele.

Bienzedi 9:31

Diba adi Tshisumbu tshia bena ditaba tshivua ne ditalala mu ditunga dijima dia Yudeya, dia Ngalileya, ne dia Samariya. Tshivua tshienda tshikola. Bu muvua bena ditaba balamata Mfumu, batua batanta ne diambuluisha dia Mueyelu wa Tshijila.

Yoshua 15:47

Kuvua kabidi tshimenga tshia Asdode ne tshia Ngaza, ne miaba ne misoku ivua pabuipi ne bimenga abi, bifika too ne ku musulu wa Ejipitu, ne ku muelelu wa Mayi manene a pankatshi pa matunga.