1 Bakalenga 4:5 - MUKANDA WA MYIDI MUKULU

⁵ Azariya, muana wa Natane, uvua mfumu wa balombodi ba mu bukalenga; Zabude, muana wa Natane, uvua mutuangaji, kabidi mufidi wa ngenyi wa mukalenga Shelomu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Azaya, muana wa Natana, wakadi ku mutu kua tuhita tuandi; Zabuda, muana wa Natana, wakadi muloho wandi manene, mulunda wa mukelenge;

1 Bakalenga 4:5 ပူးပေါင်းရင်းမြစ်များ

2 Samuele 12:25

Maweja-Nangila kuambila muambi Natane bua amanyishe Davide bualu ebu. Bu muvua Maweja-Nangila munange muana ewu, muambi Natane kumuinyika dina dikuabu ne: Yedidiya, mmumue ne: “Muana udi Maweja-Nangila munange.”

2 Samuele 15:37

Ushayi, mufidi wa ngenyi wa mukalenga Davide, kupingana mu Yerushalayime. Diba adi Absalome utshivua utshifikilamu.

2 Samuele 16:16

Ushayi, muena Arki, mufidi wa ngenyi wa mukalenga Davide, ufika pabuipi ne Absalome, kuambaye ne: — Mukalenga, kuata ku mundundu! Mukalenga, kuata ku mundundu!

2 Samuele 20:26

Ira, muana wa ku ndelanganyi ya Yayire, uvua kabidi mutuangaji, wenzela mukalenga Davide mudimu.

2 Samuele 5:14

Mena a bana ba balume bavua Davide mulele mu Yerushalayime adi nunku: Shamuwa, Shobabe, Natane, Shelomu,

2 Samuele 7:2

Dituku dikuabu, mukalenga Davide kuambila muambi Natane ne: — Meme Davide ndi musombe mu nzubu muasa ne mitshi ya sedre, kadi mushete wa Maweja-Nangila wa tshijila udi anu mu ntenta wa bilamba. Udi wela meji kaayi?

2 Samuele 8:18

Benaya, muana wa Yoyada, uvua mulombodi wa bena Kireti, ne bena Peleti, bena mvita bavua balame mukalenga Davide. Bana ba Davide bavua batuangaji kabidi.

1 Bakalenga 4:6

Akishare, uvua mfumu wa bena mudimu ba mu nzubu wa bukalenga; Adonirame, muana wa Abda, uvua mulombodi wa midimu ya kulongolola ditunga.

1 Bakalenga 4:7

Mukalenga Shelomu uvua kabidi ne balombodi dikumi ne babidi, bavua basombe miaba mishilangane mu ditunga dia bena Izrayele, bua bikale batuma biakudia bia mukalenga, ne bia bantu bonsu bavuaye nabu ku nzubu wa bukalenga. Nanku, mfumu mulombodi yonsu, uvua utuma biakudia ngondu mujima ku tshidimu ku tshidimu.

1 Kulondolola 27:33

Akitofele uvua kabidi mufidi wa ngenyi wa mukalenga. Ushayi, muena Arki, uvua mulunda wa mfumu, wenda nende miaba yonsu.

Nsumuinu 22:11

Pikala muntu musue kudia bulunda ne mukalenga, ikale ne muoyi muimpe, amanye kabidi mua kuakula bimpe.

Yowanane 13:23

Umue wa ku balongi, mulongi uvua Yezu munange, uvua musombe ku luseke lua Yezu.

Yakobe 2:23

Ke miaku ya mu Mukanda wa tshijila kukumbanayi ne: “Abrahame uvua mutekemene kudi Mvidi Mukulu. Ke muvua Mvidi Mukulu mumubingishe bua ditaba diende.” Ke Mvidi Mukulu kumuinyika ne: “Mulunda wanyi.”