1 Bakalenga 4:3 - MUKANDA WA MYIDI MUKULU

³ Elikorefe ne Akiya, bana ba Shisha, bafundi; Yosafate, muana wa Akilude, ke uvua mukalenga utuma ne mikenji;

Mukanda wa Nzambi Dihungila Dikulukulu ne Dihungila Dihia-dihia 2003

³ Eleholefe ne Ahiya, bana ba Shisha, bakadi ba-secrétaire; Yehoshafata, muana wa Ahiluda, wakadi mufundi;

1 Bakalenga 4:3 ပူးပေါင်းရင်းမြစ်များ

2 Samuele 20:23

Yowabe uvua mfumu wa bena mvita bonsu ba bena Izrayele. Benaya, muana wa Yoyada, uvua ulombola bena Kreti ne bena Peleti, bavua balame mukalenga Davide.

2 Samuele 8:16

Yowabe, muana wa Seruya, uvua mfumu mulombodi wa bena mvita ba Davide. Yosafate, muana wa Akilude, uvua umanyisha bantu malu a mu bukalenga.

1 Kulondolola 18:15

Yowabe, muana wa Seruya, uvua mfumu mulombodi wa bena mvita ba Davide. Yosafate, muana wa Akilude, uvua mufikishi wa malu a mukalenga kudi bantu.

1 Kulondolola 18:6

Davide kuteka balombodi bende ba bukalenga mu Arame. Nanku bena Arame kushala ku bumfumu bua Davide, bamulambula bitadi. Ke muvua Maweja-Nangila mupeshe Davide bukole bua kutshimuna mvita yonsu nanku.

Yeshaya 62:6

Ndi muteke batentekedi pa bimana biebe wewe Yerushalayime. Kabena ne bua kupuwa, nansha munya nansha butuku. “Nuenu badi bavuluija Maweja-Nangila malaya avuaye mulaye bena Yerushalayime, kanuladi nansha kakese.

1 Samuele 14:3

Mutuangaji uvua muimane muaba awu, ne bintu bia tshijila bivua bibambuluisha mua kuebeja Mvidi Mukulu malu. Mutuangaji awu, dina diende Akiya, muana wa Akitube. Akitube uvua muanabu ne Ikabode (Ikabode uvua muana wa Pinhase, kabidi muikulu wa Eli. Eli ke uvua mutuangaji wa Maweja-Nangila ku Silo.) Ku bena mvita bonsu, muntu nansha umue kavua mumanye ne: Yonatane mmuye kuluisha bena Peleshete to.