1 Bakalenga 4:19 - MUKANDA WA MYIDI MUKULU

¹⁹ Ngebere, muana wa Uri, uvua ulombola ditunga dia Ngilaade, ditunga dia Sihone, mukalenga wa bena Amone, ne dia Oje, mukalenga wa Bashane. Ku bamfumu balombodi ba mu bukalenga aba dikumi ne babidi, bavua basakidilaku kabidi mfumu mukuabu, bua kulombolaye ditunga dia bena Yuda.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Gebê, muana wa Uli, wa mu buloba bua Gilada, buloba bua Sihona, mukelenge wa Bena Amole, ne bua Oga, mukelenge wa Bashana; anu yeye wakadi kahita kamue mu buloba abu.

1 Bakalenga 4:19 ပူးပေါင်းရင်းမြစ်များ

Dielulula 2:26

Patuvua mu tshipela tshia Kedemote, mvua mutume bantu bua kusengelela Sihone, mukalenga wa mu Eshebone, ne:

Dielulula 3:8

Ke mutuvua bakuate tshikondu atshi matunga a bakalenga babidi ba bena Amore, bavua base luseke ludi diba dipatukila lua musulu wa Yardene, pankatshi pa musulu wa Amone wa muenji mukole, ne mukuna wa Ermone.

Yoshua 12:1

Bena Izrayele bavua bamane kutshimuna bakalenga babidi bavua luseke ludi diba dipatukila lua musulu wa Yardene. Bobu kukuata matunga a bakalenga abu, awa malabale, biangatshile ku musulu wa Amone too ne ku mukuna wa Ermone. Matunga aa awa mu tshitupa tshia luseke ludi diba dipatukila lua musulu wa Yardene.

Yoshua 12:6

Moshe ne bena Izrayele bavua batshimuna bakalenga aba babidi mu mvita. Moshe, muntu wa Maweja-Nangila, uvua mumane kufila matunga abu kudi bena Rubene, bena Ngade, ne kudi tshitupa tshia bena Menashe.