1 Bakalenga 4:13 - MUKANDA WA MYIDI MUKULU

¹³ Muana wa Ngebere, ku Ramote, mu Ngilaade, uvua ulombola buloba bua misoku ya Yayire, muana wa Menashe, mu Ngilaade, ne buloba bua Argobe mu mpata ya Bashane. Buloba ebu bujima, buvua ne bimenga makumi asambombu, bivuabu bakolesha ne bimana, kabidi ne biibi bivuabu bakanga ne mulonda wa tshiamu tshikunze.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bene-gebê, wa mu Lamota-gilada, (wakadi ne misoko ya Yaî, muana wa Manashe, idi mu Gilada; ne buloba bua Âgoba bua mu Bashana, misoko makumi asambombo yakadi ne ngumbu ne bibi bia tshiamu tshia mitaku);

1 Bakalenga 4:13 ပူးပေါင်းရင်းမြစ်များ

1 Bakalenga 22:3

Kadi, Akabe uvua mumane kuambila balombodi ba mu bukalenga buende ne: “Nudi bamanye bimpe ne: tshimenga tshia Ramote, tshidi mu ditunga dia Ngilaade, ntshietu. Tudi tutshina bua kuya kukuata tshiakabidi tshimenga tshietu etshi, kudi mukalenga wa bena Siriya bua tshinyi?”

2 Bakalenga 9:1

Dituku dikuabu, muambi Elisha kubikila nsongalume wa mu tshisumbu tshia bambi, kumuambila ne: — Udilongolole, ndi nkutuma ku luendu. Angata kalondu ka mafuta a tshijila aka. Uye mu tshimenga tshia Ramote mu ditunga dia Ngilaade.

2 Bakalenga 9:14

Tshikondu atshi, bena mvita bonsu ba bena Izrayele bavua balame tshimenga tshia Ramote tshivua mu ditunga dia Ngilaade, bua Azayele, mukalenga wa bena Siriya, kabuedimu to. Kadi, pavua mukalenga Yorame uluisha Azayele, bena Siriya kumutapa mputa. Nanku, mukalenga Yorame kuya kudiondapisha mputa ayi, mu tshimenga tshia Yizreyele. Kushalaye mu bulalu muaba awu. Kadi muikulu wa Nimshi, dina diende Yehu, muana wa Yosafate, kuelela Yorame tshifufu. Yehu kuambila bena mvita bakuabu ne: — Panuikala ku luseke luanyi, nudimuke. Muntu kena mua kumuka mu tshimenga bua kuya kuambila bena mu Yizreyele bidi bienzeka muaba ewu to.

1 Kulondolola 2:23

Kadi bakalenga ba bena Ngeshure ne ba bena Arame kunyenga misoku ya Yayire, ne tshimenga tshia Kenate, pamue ne misoku ivua natshi mutumba. Misoku yonsu ivua makumi asambombu. Bavua basamu kudi ndelanganyi ya Makire, tatuende wa Ngilaade.

Misambu 22:12

Kushadi kule, bualu ndi mu dikenga! Kakuena udi mua kungambuluisha, amu wewe!

Misambu 68:15

Pavua Mvidi Mukulu wa bukole buonsu wipata bakalenga, mabua a mvula kuloka pa mukuna wa Salmone.”

Dibadika 32:41

Ndelanganyi ya Yayire, muana mukuabu wa Menashe, kunyenga misoku mikuabu ya bena Amore, kuyinyikabu ne: “Misoku ya Yayire.”

Dielulula 3:10

Ke mutuvua bakuate bimenga bionsu bivua pa mikuna, buloba bua Ngilaade ne bua Bashane, too ne ku Salka ne Edreyi, bimenga bia mu bukalenga bua Oge, mu ditunga dia Bashane.

Dielulula 3:4

Pashishe tuetu kukuata bimenga biende bionsu. Tshimenga nansha tshimue katshivua ne bukole bua kutuluisha. Bimenga abi, bivua makumi asambombu, bivua mu buloba bua Argobe, mu ditunga dia Bashane, muaba uvua mukalenga Oge ne bumfumu.

Dielulula 3:8

Ke mutuvua bakuate tshikondu atshi matunga a bakalenga babidi ba bena Amore, bavua base luseke ludi diba dipatukila lua musulu wa Yardene, pankatshi pa musulu wa Amone wa muenji mukole, ne mukuna wa Ermone.

Dielulula 4:43

Ke mena a bimenga ebi: Beshere mu mpata ya mu tshipela bua bena Rubene; Ramote mu ditunga dia Ngilaade bua bena Ngade; Ngolane mu ditunga dia Bashane bua bena Menashe.

Yoshua 20:8

Luseke ludi diba dipatukila lua tshimenga tshia Yeriko, dishiya dia musulu wa Yardene, bavua basungula tshimenga tshia Beshere tshidi mu mpata ya mu tshipeta ya mu buloba bua bena Rubene; tshimenga kabidi tshia Ramote tshidi mu Ngilaade, buloba budibu bapeshe bena Ngade; ne tshimenga tshia Ngolane mu Bashane, buloba budibu bapeshe bena Menashe.

Yoshua 21:38

Mu buloba bua bena Ngade, kupetabu kabidi bimenga binayi, kusangisha ne mpata ya kudishila bimuna. Ke tshimenga tshia Ramote tshidi mu Ngilaade, tshia ku bimenga bia kunyemena; tshia Makanayime;