1 Bakalenga 4:12 - MUKANDA WA MYIDI MUKULU

¹² Baana, muana wa Akilude, uvua ulombola buloba bua bimenga bia Tanake ne Megido, ne buloba bujima bua Betesheyane (Buloba bua Betesheyane budi bufika ku Sartane, kuinshi kua Yizreyele. Buloba ebu mbualabale ku Betesheyane too ne ku Abele-Mekola, too ne dishiya dia Yokneyame).

Mukanda wa Nzambi Dihungila Dikulukulu ne Dihungila Dihia-dihia 2003

¹² Bana, muana wa Alihuda wa mu Tanaka ne mu Megido ne mu buloba buonso bua Bete-sheana budi ku luseke lua Saletana muinshi mua Yizelele ku Bete-sheana ne Abele-mehola tô ne ku Yokenama;

1 Bakalenga 4:12 ပူးပေါင်းရင်းမြစ်များ

1 Bakalenga 18:46

Muambi kusuika mukaba wende mu tshimonu bua kuya. Maweja-Nangila kumupa bukole bua bungi. Kunyemaye lubilu kumpala kua ditempu dia Akabe too ne pafikibu mu Yizreyele.

1 Bakalenga 19:16

Pashishe, uye ujidile Yehu, muana wa Nimshi, bua ikale mukalenga wa bena Izrayele. Ujidile kabidi Elisha, muana wa Shafate, wa mu musoku wa Abele-Mekola bua akupingane mu mudimu wa buambi.

1 Bakalenga 7:46

Bavua bengulula biamu ebi munda mua buloba mu tshibandabanda tshia Yardene, pankatshi pa musoku wa Sukote ne wa Sartane,

Yoshua 12:22

Kedeshe, Yokneyame wa mu Karmele,

Yoshua 17:11

Kadi mu buloba bua bena Isakare ne bua bena Ashere, bena Menashe kupeta misoku ya Bete-Sheyane, Ibleyame, ne miaba ivua nayi mutumba. Kupetatshi kabidi Dore, Ene-Dore, Tanake, Megido, ne bantu bonsu bavua basombamu, too ne miaba ivua mutumba, mmumue ne buloba bujima bua Dore.

Yoshua 3:16

ke musulu kukosoloka. Mayi kuimana dibula kule ku mutu wa musulu mu tshimenga tshia Adame, tshidi pabuipi ne tshimenga tshia Sartane. Mayi avua apueka kuinshi, aya kubuela mu Mayi manene a luepu, kujiminawu onsu butubutuu. Bena Izrayele kusabuka, balulamangane ne tshimenga tshia Yeriko.

Balombodi 5:19

Bakalenga baluishi, bakalenga ba bena Kenaane, kutuadija kuluisha Tanake, pabuipi ne mpokolu ya mu Megido. Kadi, kabena bapeta tshintu, nansha nkanu mitoke ya mushinga mukole.

Balombodi 7:22

Pavua bena mvita abu nkama isatu bela mpungi, Maweja-Nangila uvua usaka bena Madiyane bua bashipangane nkayabu mu mitanda yonsu. Ku nshikidilu, bena Madiyane bavua bashala, kunyema too ne ku Bete-Shita luseke lua ku Sereda, nansha too ne ku tshimenga tshia Abele-Mekola, pabuipi ne Tabate.

1 Samuele 18:19

Kadi, tshikondu tshivuabu ne bua kufila Merabe kudi Davide bua ikale mukajende, Shawule kufila muanende awu kudi Adriyele, wa mu Abele-Mekola.

1 Samuele 31:10

Pashishe bia mvita bia Shawule abi, kubitekabu mu nzubu wa mvidie wabu Astarte. Kusuikabu tshitalu tshiende ku tshimana tshia ku Bete-Sheyane.

1 Samuele 31:12

Bantu ba mu Yabeshe bavua ne dikima, kuenda butuku bujima too ne ku Bete-Sheyane. Kumushabu tshitumpampa tshia tshitalu tshia Shawule, ne bitalu bia bana bende ku tshimana. Pashishe kuyabu kuosha bitalu abi ku tshimenga tshia Yabeshe.