1 Bakalenga 3:7 - MUKANDA WA MYIDI MUKULU

⁷ Eyowa, Maweja-Nangila Mvidi Mukulu wanyi, wewe ke udi mumpe bukalenga bua kupingana tatu wanyi Davide. Kadi, meme ntshidi amu nsongalume. Tshiena mumanye mua kulombola bantu to.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Katataka, Yehowa, Nzambi wanyi, wewe wakavuisha muntu webe mukelenge mu muaba wa tatu wanyi Davidi; ndi anu bu muana mutekete, tshiena mumanye mua kuluhuka ne mua kubuela.

1 Bakalenga 3:7 ပူးပေါင်းရင်းမြစ်များ

2 Samuele 5:2

Kale patshivua Shawule mukalenga wetu, ukavua ulombola bena Izrayele mu mvita yabu. Maweja-Nangila uvua mumane kukuambila ne: “Wewe Davide newikale, mukalenga wa bantu banyi bena Izrayele, newikale mfumuabu.”

1 Kulondolola 22:5

Davide uvua wamba ne: “Shelomu wanyi utshidi muana mukese, kena muanji kujingulula bimpe mudi panu. Kadi nzubu wa kuashila Maweja-Nangila udi ne bua kuikala ne lumu mu matunga onsu, bualu kabena mua kumupita nansha ne nku bunene nansha ne nku lumu. Ke mundi musue kulongolola bintu bua kuibaka nabi nzubu ewu.” Ke muvua Davide mulongolole nanku bintu bia bungi bia kuibaka nabi, bangabanga ne lufu luende.

1 Kulondolola 22:9

Kadi neulele muana wa balume. Neikale muntu udi ukeba bupole. Tshiakuanyisha bua baluishi bende badi bamunyungulukila bamutatshishe. Nebamuinyike dina dia Shelomu, — mmumue ne: ‘Bupole’. — Bualu matuku ashalaye mu bukalenga, nempeshe bena Izrayele bupole, kabayi mua kutshina tshintu.

1 Kulondolola 29:1

Mukalenga Davide kuambila bena Izrayele bonsu bavua muaba awu ne: — Muananyi Shelomu udi Maweja-Nangila musungule, utshidi muana mutekete, kena muanji kujingulula bimpe mudi panu. Kadi mudimu wa kuenza mmupite bunene, bualu ki nnzubu wa bukalenga bua muntu udiye ne bua kuasa to. Kadi nnzubu wa Maweja-Nangila Mvidi Mukulu.

Misambu 121:8

Eyowa, Maweja-Nangila neakulame, muwaya ne muwafika, ku mpindiewu ne kashidi!

Nsumuinu 18:12

Bantu badi baditambisha nebabutuke. Udi udipuekesha neapete lumu.

Muambi 10:16

Ditunga didi ne mukalenga utshidi muana ne bamienampala basombele amu kudia, nditunga dia diakabi!

Yirmeya 1:6

Ke meme kuandamuna ne: — Eyi! Maweja-Nangila Mvidi Mukulu, ntshidi muana mukese. Tshiena mua kuakula munkatshi mua bantu to.

Yirmeya 1:7

Kadi Maweja-Nangila kungambila ne: — Lekela kuamba ne: ntshidi muana. Neuye kudi bantu bonsu kundi nkutuma. Neubambile miaku yonsu indi nkumanyisha.

Danyele 2:21

Udi ukudimuna bikondu ne malu mudiye musue. Udi umusha bakalenga mu nkuasa, nansha ubatekamu. Yeye ke udi ufila meji kudi bena meji, upesha bajinguludi ba malu lungenyi.

Danyele 4:25

Malu onsu, avuabu bamane kuambila mukalenga Nebukadnesare, kukumbanawu.

Danyele 4:32

Bantu bonsu ba pa buloba, nansha bobu bungi munyi, kabena ne mushinga ku mesu kuende. Udi wenza mudiye musue ne ba mu diulu, mudiye wenza ne ba pa buloba. Kakuena udi mua kumutuila nkanana, nansha kumutandisha.

Danyele 5:18

Mvidi Mukulu, Muena kulu, uvua muenze tatuebe Nebukadnesare mukalenga munene, wa lumu ne bubanji.

Danyele 5:21

Bakamuipata munkatshi mua bantu, bamupuekesha milongu ya nyama. Kusombaye ne nyama ya mpunde ya mu tshisuku. Kudiaye bisosa bu ngombe. Mubidi wende kubola ne lumuma, too ne pakamanyaye ne: Mvidi Mukulu, Muena kulu, ke udi mfumu wa makalenga a bantu, ke udi upesha muntu udiye musue bukalenga.

Dibadika 27:17

udi mua kubalombola miaba yonsu, bua bantu bebe kabikadi bu mikoku idi kayiyi ne muyilami.

Yowanane 10:9

Ndi tshiibi. Muntu udi ubuelela kundi neapande. Neabuele, neapatuke, neapete kabidi tshiakudia tshiende.

Dielulula 31:2

— Mpindiewu mbakumbaji bidimu lukama ne makumi abidi. Tshiena ne bukole bua kunulombola kabidi to. Maweja-Nangila mmumane kungambila ne: tshiakufika dishiya dia Yardene to.

1 Samuele 18:16

Kadi bena Izrayele bonsu ne bena Yuda bavua banange Davide bikole. Bualu Davide uvua ubalombola bimpe mu mvita.