1 Bakalenga 3:3 - MUKANDA WA MYIDI MUKULU

³ Shelomu kuleja nuwuaye munange Maweja-Nangila, kukumbajaye bionsu bivua tatuende Davide mumuambile. Nansha Shelomu mene, uvua ulambuila milambu ya nyama, ne ya manananshi, miaba ya tshijila mikuabu ayi.

Mukanda wa Nzambi Dihungila Dikulukulu ne Dihungila Dihia-dihia 2003

³ Solomo wakananga Yehowa, wakenda mu mikenji ya Davidi tatu wandi; kadi anu bualu bumue, yeye wakashiha nyama, wakosha musenga wa manananshi ha mutu ha mikuna.

1 Bakalenga 3:3 ပူးပေါင်းရင်းမြစ်များ

1 Bakalenga 11:34

Nanku, tshiena nnyenga Shelomu bukalenga bujima to. Nemmulame bu mukalenga wa bantu banyi bena Izrayele matuku onsu atshidiye ne muoyi, anu bua muntu wanyi Davide umvua musungule, uvua utumikila ku meyi anyi ne ku mikenji yanyi.

1 Bakalenga 11:38

Wewe muteleje bionsu bingikala nkuambila, wewe mulonde njila ungikala nkuleja, wewe mungenzele bimpe, wewe mutumikile meyi anyi ne mikenji yanyi bingakupesha, bu muvua muntu wanyi Davide utumikila, nengikale nebe kashidi. Ndi nkulaya ne: ndelanganyi yebe neishale mu bukalenga kashidi anu bu mudi ndelanganyi ya Davide ishala mu bukalenga. Meme nenkupe bisamba bia bena Izrayele dikumi,

1 Bakalenga 11:4

Shelomu mumane kukola mukulakaje, bakaji aba kumuibidija mua kutendelelaye mvidie mikuabu. Shelomu katshivua munange Maweja-Nangila Mvidi Mukulu wende ne muoyi mujima, bu muvua tatuende Davide mumunange to.

1 Bakalenga 11:6

Shelomu kufikisha Maweja-Nangila munda, bualu kavua umutumikila muende muonsu, bu muvua tatuende Davide wenza to.

1 Bakalenga 14:23

Bena Yuda kabidi bavua bibake miaba ya kutendelela mvidie, bibake bibumba bia mabue, bibake kabidi makunji a kutendelela mvidie ku nsongu ya mikuna yonsu, ne muinshi mua mitshi ivua ne dileji dia bungi.

1 Bakalenga 14:8

Meme kunyenga bukalenga kudi bena nzubu wa Davide, bua kukupabu wewe. Kadi, wewe kuena muenze muvua muntu wanyi Davide wenza to. Davide uvua utumikila meyi anyi. Uvua ungenzela mudimu ne muoyi mujima, kayi umfikisha munda to.

1 Bakalenga 15:11

Asa kuenza malu mimpe avua asankisha Maweja-Nangila, muvua kakuende Davide muenze.

1 Bakalenga 15:14

Bushuwa, Asa uvua munange Maweja-Nangila ne muoyi wende mujima, kadi kavua munyangakaje miaba ivua bantu batendelela mvidie to.

1 Bakalenga 15:3

Abiyame kuenza kabidi buenzayi anu bu bua tatuende Robowame. Kavua muenze malu mimpe, avua nkambua wende Davide muenze to. Kawa munange Maweja-Nangila Mvidi Mukulu wende ne muoyi mujima to.

1 Bakalenga 15:5

uvua muenze malu mimpe avua asankisha Maweja-Nangila. Davide kavua mubenge kutumikila ku diyi dia Maweja-Nangila nansha dimue to. Bubi bua Davide buvua anu buvuaye muenzele Uriye, muena Iti.

1 Bakalenga 22:43

Yosafate kuenza malu mimpe, mulonde tshilejilu tshia tatuende Asa, ku bionsu bivuaye wenza. Uvua muenze malu mimpe avua asankisha Maweja-Nangila.

1 Bakalenga 22:44

Kadi, Yosafate kavua mukandike miaba ya tshijila ivua bantu baya kutendelela mvidie. Bantu bavua anu baya miaba ayi, bua kulambula milambu ya nyama, ne ya manananshi.

1 Bakalenga 3:14

Wewe muenze malu andi musue, mutumikile meyi anyi ne mikenji yanyi, bu muvua tatuebe wenza, neushale ne muoyi matuku a bungi.

1 Bakalenga 3:6

Shelomu kuandamuna ne: — Maweja-Nangila uvua muenzele tatu wanyi Davide, muntu webe malu mimpe a bungi, bualu Davide uvua mukuitabe muende muonsu, mukuenzele mudimu ne muoyi umue. Udi muenzele Davide bimpe, nansha kunyima kua lufu luende, bualu udi mumupe muana wa balume, udi mua kumupingana mu bukalenga. Ke mudibi bimueneka lelu.

1 Bakalenga 8:25

Nanku, mpindiewu Maweja-Nangila Mvidi Mukulu wa bena Izrayele, ukumbaje kabidi malaya makuabu, auvua mulaye tatu wanyi Davide, muntu webe. Uvua mumuambile ne: “Pikala ndelanganyi yebe mingitabe ne muoyi umue bu muuvua wewe muenze, ndi nkujadikila ne: muntu wa ku ndelanganyi yebe neakupingane misangu yonsu mu bukalenga, bua kushala mukalenga wa bena Izrayele!”

1 Bakalenga 8:61

Nanku, nuenu bena Izrayele, nenunange Maweja-Nangila Mvidi Mukulu wetu ne muoyi wenu mujima. Nenutumikile meyi ne mikenji biende bu munudi benza lelu.

1 Bakalenga 9:4

Kadi wewe Shelomu, wewe mungitabe, muvua tatuebe Davide mungitabe ne muoyi umue mululame, wewe mukumbaje bionsu bindi nkuambila, mutumikile meyi ne mikenji yanyi bimvua mukupeshe,

2 Bakalenga 12:3

Yowashe uvua wenza malu mimpe, usankisha Maweja-Nangila matuku onsu. Bualu mutuangaji Yoyada uvua mumulongeshe bimpe.

2 Bakalenga 12:4

Kadi, kavua munyangakaje miaba ya kutendelela mvidie to. Bantu bavua anu baya miaba ayi bua kulambula milambu ya nyama ne ya manananshi.

2 Bakalenga 14:3

Amashiya uvua muenze malu adi Maweja-Nangila musue. Kadi, kavua muenze menemene muvua nkambua wende Davide muenze to. Uvua muenze anu bu tatuende Yowashe.

2 Bakalenga 14:4

Amashiya kavua munyangakaje miaba ya kutendelela mvidie to. Bantu bavua amu baya miaba ayi, bua kulambula milambu ya nyama ne ya manananshi.

2 Bakalenga 15:35

Kadi, kavua munyangakaje miaba ya kutendelela mvidie to. Bantu bavua anu baya miaba ayi bua kulambula milambu ya nyama ne ya manananshi. Yotame ke uvua muenze tshiibi tshia ku mushiku wa kulu wa nzubu wa Maweja-Nangila.

2 Bakalenga 15:4

Kadi, Azariya kavua munyangakaje miaba ya kutendelela mvidie to. Bantu bavua anu baya miaba ayi bua kulambula milambu ya nyama ne ya manananshi.

2 Bakalenga 18:22

“Bulelela nenungandamune ne: tudi batekemena kudi Maweja-Nangila Mvidi Mukulu wetu. Kadi, wewe Izkiya ke uvua munyangakaje miaba yonsu ya kumutendelela, ne bilambuilu biende bionsu bivuapu. Uvua mukandike bena Yerushalayime ne bena Yuda bua kabatendeledi muaba mukuabu to, anu kumpala kua tshilambuilu tshidi mu Yerushalayime.

2 Bakalenga 18:4

Izkiya ke uvua mukandike miaba ya kutendelela mvidie, mupule bibumba bia mabue, mupule kabidi ne makunji a kutendelela. Uvua nuukosolole nyoka wa tshiamu tshikunze, uvua Moshe muenze. Bualu too ne ku tshikondu atshi, bena Izrayele batshi wa anu balambula milambu ya manananshi ku nyoka awu, uvuabu babikila ne: Nehuktane.

2 Kulondolola 15:17

Kadi, mukalenga Asa, nansha yeye kayi munyangakaje miaba yonsu ivua bena Izrayele batendelela mvidie, uvua anu munange Maweja-Nangila ne muoyi wende mujima.

Misambu 145:20

Maweja-Nangila udi ukuba bonsu badi bamunanga, kadi ubutula bantu babi bonsu.

Misambu 31:23

Mvua ndubakana, ngamba ne: “Maweja-Nangila katshiena umvuluka kabidi!” Kadi meme kukusengelela, wewe kungitaba, kungambuluisha.

Lewitiki 17:5

Nenku bilondeshile mudi mukenji awu, bena Izrayele kabatshiena mua kushipela nyama ku misoku. Kadi bayifile ne muoyi kudi mutuangaji mu mushiku wa ntenta, bua ayilambule Maweja-Nangila bu mulambu wa bobumue.

Matayi 22:37

Yezu kumuandamuna ne: — “Unange Maweja-Nangila Mvidi Mukulu webe ne muoyi webe mujima, ne bukole buebe buonsu, ne lungenyi luebe lujima.”

Yowanane 14:15

— Panudi nunnanga, nenutumikile mikenji yanyi.

Yowanane 14:21

Muntu udi ulama mikenji yanyi, uyitumikila, ke udi munnange. Muntu udi munnange, Tatu wanyi neamunange. Meme kabidi nemmunange, nendileje kudiye.

Rome 8:28

Tudi bamanye ne: Mvidi Mukulu udi ukuata mudimu mu bionsu, bua bilengelele badi bamunanga, bavuaye mubikile bilondeshile meji ende.

1 Korente 8:3

Amu muntu udi unanga Mvidi Mukulu, ke udi Mvidi Mukulu mumanye.

Dielulula 10:12

Bena Izrayele, tshidi Maweja-Nangila Mvidi Mukulu wenu utekemena kunudi ntshinyi? Mbua numunemeke, numutumikile, mununange, numuenzele mudimu ne muoyi wenu mujima, kabidi ne bukole buenu buonsu.

Dielulula 10:13

Maweja-Nangila udi ujinga bua nukumbaje meyi ne mikenji biende, bindi nnuambila lelu ebi, bua nuikale bena diakalenga.

Dielulula 11:13

Nuenu bakumbaje bimpe mikenji ya Maweja-Nangila Mvidi Mukulu, indi nnuambila lelu eyi, nuenu bamunange, bamuenzele mudimu ne muoyi wenu mujima ne bukole buenu buonsu,

Dielulula 30:16

Nudimuke, nukumbaje mikenji indi nnuambila lelu eyi: nunange Maweja-Nangila Mvidi Mukulu wenu, nulonde njila idiye unuleja, nutumikile meyi ende ne mikenji yende. Nanku nenushale ne muoyi; nenuvulangane. Maweja-Nangila neanuenzele bimpe mu ditunga dinuakuata.

Dielulula 30:20

Nangayi Maweja-Nangila Mvidi Mukulu wenu, numutumikile, numuitabe ne muoyi umue. Nanku nenushale ne muoyi bidimu bia bungi mu ditunga di-vuaye mulaye bankambua benu, Abrahame, Izake ne Yakobe.

Dielulula 30:6

Maweja-Nangila Mvidi Mukulu wenu nkayende nealengeje mioyi yenu, ne ya ndelanganyi yenu, bua numunange ne muoyi mujima, ne bukole buenu buonsu, bua nuenu kushala ne muoyi.

Dielulula 6:5

Nunange Maweja-Nangila Mvidi Mukulu wenu, ne muoyi wenu mujima, ne mutshima wenu onsu, ne bukole buenu buonsu.

Yakobe 1:12

Muntu udi ulama ditaba padibu bamuteta, mmuena diakalenga. Yeye mumane kuleja muoyi mukole, neapete nsala wa kalumbandi. Nsala awu ke muoyi udi Mvidi Mukulu mulaye bonsu badi bamunanga.

Yakobe 2:5

Bana hetu basuibue, telejayi: Mvidi Mukulu mmusungule bapele ba panu, bua bikale bena biuma mu ditaba, bapete Bukalenga buvua Mvidi Mukulu mulaye badi bamunanga.

1 Samuele 9:12

Bansongakaji kubandamuna ne: — Eyowa, ukadi mumane kufika. Mmufike mu tshimenga tshietu anu lelu, bualu ke dituku didi bantu balambula mulambu muaba wa tshijila. Koleshayi.