1 Bakalenga 3:28 - MUKANDA WA MYIDI MUKULU

²⁸ Bena Izrayele bonsu kumvua muvua mukalenga Shelomu mukose nsambu ayi. Kunemekabu mukalenga Shelomu bikole. Bualu bavua bamanye ne: Mvidi Mukulu nkayende ke udi mumupe meji a kulumbuluisha nawu bantu.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Bena Isalele bonso bakunvua lumu lua kulumbulula kua mukelenge kuakalumbululeye nʼaku, bakatamba kutshina mukelenge, bakajingulula ne, Yeye udi ne lungenyi lua Nzambi munda muandi lua kulumbululeye nʼalu.

1 Bakalenga 3:28 ပူးပေါင်းရင်းမြစ်များ

1 Bakalenga 10:9

Maweja-Nangila Mvidi Mukulu webe atumbe. Uvua mukusungule bua wikale mukalenga wa bena Izrayele! Bualu Maweja-Nangila mmunange bena Izrayele kashidi. Ke padiye mukuteke mukalenga wabu bua kubaludika mu njila wa malu mimpe.

1 Bakalenga 3:27

Nanku, mukalenga Shelomu kuamba ne: — Kanushipi muana to. Numufile kudi mukaji wa kumpala, bualu yeye ke mamuende!

1 Bakalenga 4:1

Shelomu uvua mukalenga wa bisamba bia bena Izrayele.

1 Kulondolola 29:24

Balombodi bonsu ba bena mvita ne bana bakuabu ba Davide, kuitaba bukalenga bua Shelomu.

Ezela 7:25

“Kadi wewe Ezra, bilondeshile mikenji mimpe ya Mvidi Mukulu iudi nayi mu mukanda, usungule balumbuluishi ne balombodi, bua bikale bakosa nsambu ya bantu badi mu buloba ebu, kabidi badi bamanye mikenji ya Mvidi Mukulu webe. Badi kabayi bayimanye, neubalongesheyi.

Misambu 72:2

Alombole bantu bende, kayi ne kansungasunga. Ambuluishe badibu bakengesha kapayi bualu.

Misambu 72:4

Mukalenga akose nsambu ya bapele pa yoyi, ambuluishe bena dikenga, abutule badi babakengesha!

Ekesode 14:31

Kujadikabu ne: Maweja-Nangila mmubasungidile mu bianza bia bena Ejipitu ku bukole buende. Bantu bonsu kutshina Maweja-Nangila, kumutekemena. Kutekemena kabidi kudi muntu wende Moshe.

Nsumuinu 16:10

Padi mukalenga wa ditunga wakula mu dina dia Maweja-Nangila, nanku diba didiye ukosa nsambu kena utupakana.

Nsumuinu 24:21

Muananyi, unemeke Maweja-Nangila, unemeke ne mukalenga kabidi. Kubuelakanyi ne bantu badi basue kukudimuna malu onsu.

Nsumuinu 25:2

Tudi tunemeka Mvidi Mukulu bualu udi usokoka tshidiye wenza. Tudi tunemeka bakalenga padibu bumvuija bidibu benza.

Nsumuinu 8:15

Meme ndi ngambuluisha bakalenga bua bikale mu bumfumu, ne balombodi ba ditunga bua bele mikenji mimpe.

Muambi 7:19

Meji adi aludika bilenga udi nawu, bipite mudi balombodi dikumi mua kuludika tshimenga tshimue.

Yeshaya 28:6

Neambuluishe bandumbulula, bua bakose nsambu amu pa yoyi. Neapeshe bantu bukitu bua kuipata muluishi udi ukeba kubuelela ku tshiibi tshia tshimenga.

Danyele 1:17

Mvidi Mukulu kupesha bansongalume banayi aba disunguluja dia malu ne dimanya diwle mu miakulu ne mu meji a bantu. Daniyele uvua ne lungenyi lua kujingulula malu adi Mvidi Mukulu uleja, kabidi ne bilota.

Danyele 2:21

Udi ukudimuna bikondu ne malu mudiye musue. Udi umusha bakalenga mu nkuasa, nansha ubatekamu. Yeye ke udi ufila meji kudi bena meji, upesha bajinguludi ba malu lungenyi.

Danyele 2:47

Pashishe mukalenga kuambila Daniyele ne: — Bulelela, Mvidi Mukulu webe udi munene mupite mvidie yonsu, udi mfumu wa bakalenga. Yeye nkayende udi umanyisha malu masokome, bualu wewe nkayebe uvua mua kuntanduila bualu ebu busokome.

Danyele 5:11

Kudi muntu mu bukalenga buebe udi ne mueyelu wa mvidie ya tshijila. Mu tshikondu tshia tatuebe, bakasangana muntu awu muikale udianza kumona malu, muikale ne lungenyi ne meji bu bidi mvidie nabi. Ke pavua tatuebe, mukalenga Nebukadnesare, mumuteke mfumu wa babuki ba mbuku, wa benji ba majimbu, wa bena bilengulengu ne bajinguludi ba malu a mitotu.

1 Korente 1:24

Kadi bua bonsu badi Mvidi Mukulu mubikile, nansha bena Yuda nansha bantu ba bisamba bikuabu, Kristu udi bukole bua Mvidi Mukulu, kabidi ne meji a Mvidi Mukulu.

1 Korente 1:30

Kadi Mvidi Mukulu mmunusange ne Yezu Kristu. mMuenze Kristu meji etu. Kristu udi utubingisha kumpala kua Mvidi Mukulu, utuenza bantu bende ba tshijila, utupikula kabidi ku bubi.

Kolose 2:2

Ndi nduangana bua bikale ne muoyi wa bukitu, banangangane, benze tshintu tshimue, bamanye malu onsu mu bulelela, bashindame munda muawu. Ke mudibu mua kujingulula meji masokome a Mvidi Mukulu, momumue ne: Kristu nkayende.

Kolose 2:3

Yeye ke nsapi idi ikangula, yunzulula bibutshilu bisokome bionsu bia meji ne lungenyi bia kudi Mvidi Mukulu.

Yoshua 4:14

Dituku adi, Maweja-Nangila kujadika bumfumu bua Yoshuwa ku mesu kua bena Izrayele bonsu. Matuku onsu avua Yoshuwa mulale panu, bena Izrayele bavua bamunemeka bu muvuabu banemeka Moshe.

1 Samuele 12:18

Samuwele kulomba Maweja-Nangila. Dituku adi, Maweja-Nangila kudidisha makubakuba, kulokesha mwla. Bena Izrayele bonsu kutshipa Maweja-Nangila ne Samuwele bikole.