1 Bakalenga 3:2 - MUKANDA WA MYIDI MUKULU

² Tshikondu atshi, bantu bavua balambuila milambu miaba ya tshijila ivua mu ditunga amu. Bualu kabavua banji kuasa nzubu wa Maweja-Nangila to.

Mukanda wa Nzambi Dihungila Dikulukulu ne Dihungila Dihia-dihia 2003

² Anu bualu bumue, bantu bakatshidi bashihela Nzambi nyama ha mutu ha mikuna, bualu bua nsubu wa dina dia Yehowa kakanza kubakibua matuku au.

1 Bakalenga 3:2 ပူးပေါင်းရင်းမြစ်များ

1 Bakalenga 14:23

Bena Yuda kabidi bavua bibake miaba ya kutendelela mvidie, bibake bibumba bia mabue, bibake kabidi makunji a kutendelela mvidie ku nsongu ya mikuna yonsu, ne muinshi mua mitshi ivua ne dileji dia bungi.

1 Bakalenga 15:14

Bushuwa, Asa uvua munange Maweja-Nangila ne muoyi wende mujima, kadi kavua munyangakaje miaba ivua bantu batendelela mvidie to.

1 Bakalenga 22:43

Yosafate kuenza malu mimpe, mulonde tshilejilu tshia tatuende Asa, ku bionsu bivuaye wenza. Uvua muenze malu mimpe avua asankisha Maweja-Nangila.

1 Bakalenga 22:44

Kadi, Yosafate kavua mukandike miaba ya tshijila ivua bantu baya kutendelela mvidie. Bantu bavua anu baya miaba ayi, bua kulambula milambu ya nyama, ne ya manananshi.

1 Bakalenga 5:3

ngombe dikumi minene ya manyi, ivuabu badisha pa mbelu, ne ngombe makumi abidi miangata mu mpata, ne mikoku lukama, katuyi tubala nyama mikuabu bu mudi: nyama ya ngulungu, ya tubuluku, ntole, ne nyunyi minene ya manyi ivuabu badisha pa mbelu.

2 Bakalenga 12:4

Kadi, kavua munyangakaje miaba ya kutendelela mvidie to. Bantu bavua anu baya miaba ayi bua kulambula milambu ya nyama ne ya manananshi.

2 Kulondolola 15:17

Kadi, mukalenga Asa, nansha yeye kayi munyangakaje miaba yonsu ivua bena Izrayele batendelela mvidie, uvua anu munange Maweja-Nangila ne muoyi wende mujima.

2 Kulondolola 33:17

Bulelela, bantu batshivua balambula milambu miaba mikuabu ya kutendelela ya mu ditunga amu. Kadi, bavua balambula milambu ayi anu bua kutendelela Maweja-Nangila Mvidi Mukulu wabu.

Misambu 78:58

Kupendabu Maweja-Nangila, batendelela pa mikuna miaba ya bantu benyi, mvidie ya bantu ba bisamba bikuabu, kumufikishabu munda ne disonga dia mpingu ya mvidie ya patupu.

Lewitiki 26:30

Pandi nnufikila munda, nennyangakaje miaba inudi nulambuila mvidie yenu milambu. Nengupule bilambuilu bienu bia manananshi. Nententakaje bitalu bienu pa mpingu yenu imvua mutshibule.

Dielulula 12:13

Nuenu bena Izrayele, dimukayi: kanuena mua kulambula milambu yenu miaba yonsu ya tshijila inudi numona to.

1 Samuele 9:12

Bansongakaji kubandamuna ne: — Eyowa, ukadi mumane kufika. Mmufike mu tshimenga tshietu anu lelu, bualu ke dituku didi bantu balambula mulambu muaba wa tshijila. Koleshayi.